الله لا يبلانا ---

[الدب الداشر]

الله لا يفشل مسلم

لالالا هذا بعد موقف والله صار مع واحد مصرقع صاحبي وأنا وايااه زماله لأبعد درجه
كان عندهم غدا المهم جو الشيبان بعد الغدا يلعبون هنننننند وجا وقت صلااة العصر وما درو عنها أنتهت الصلاااة وجاهم زميلي ذا طالع يبي يروح للملعب قال له ابوه وين تو الناااس طالع الحين قال لهم ياحليلكم النا مبطي طلعو من الصلااة المهم قالو بنصلي بالبيت ولزمو على اخويي يصير أمام خويي رفض لأبعد درجه لكن تحت الضغط منهم وأنهم شيبان يعني متحجرين شوي قال يالله خلونا نصلي خويي كان لابس ملابس رياضه بيروح للملعب قالو له لازم تلبس ثوب (ياليل أبولمبه) قال يالله ولبس ثوب فوق ملابس الرياضه الله وأكبر كبّر بهم والشيبان اذا قرو تقل يسولف على الي جنبه لجه يعني وهذا يكح وهذا يعطس وهذا مش عارف ايش المهم خويي سجد لما سجد وهم بعده لأنه إمامهم وهو يقوم ويروح ويخليهم

عاد هذا أبوه يكمل القصه لما حسوا انه اتأخر شوي وألا واحد من الشيبان يقول
يأبوراضي (أبو راضي ابو خويي)
رد ابو راضي يقول : هلا
الشايب : ولدك وينهو
ابوراضي : والله مدري وينهو ملعون الأبو
(طبعا" هذا كله وهم ساجدين)
قم شف ولدك لا يكون مات
قام الأبو وألا بس السجاده فاضيه
الشيبان أكلو المقلب وهم يضحكون ناقدين على انفسهم وراحو كل واحد يصلي لحاله


يعطيك العافيه اخوي وحش وأسمح لي على الأضافه