قصيده بعنوان ســـور المقبر.........

**فزاع** · 24 Oct 2010, 06:39 PM

بسم الله الرحمن الرحيم

حبيت انقل لكم قصيده اعجبتني بعنوان سور المقبره لشاعر/ عياد ثاني الشمري ونتمنى له التوفيق .

هذه الصوره إستفزت قلمي للكتابه أتمنى أن أكون قد عبرت عما في داخلـــــ هذه الطفله تجاه أمها ...!!!

قســـــم بالله حارة دمعتي واتعبني الكتمــــــان

كذا كن المواجـــع كلها جتنــــي على غفلــــه

دخلت المنتـــــدى مرتاح بال وخاطري طربـان

ولكن شفت شـيٍ كل جــــرحٍ قـــــام ينـــــزفله

صغيـره جالسه عند النصايب والدموع الـوان

والا ياشين دمعٍ ســال فوق الخــد من طفلــه

تنادي للتــــراب اللي خذا منها اعز إنســـــان

تنـــادي وسط ســور المقبره والسور يرجفله

دخيلك يالقبـــر رجع لي امــي بأجـزل الاثمان

خذ كتـــابي وكل المقلمــــه والشنـــطه وقفله

مراييلــــي بقــــايا لعبتــــي خذ ثوبي الكتـــان

ثيـــاب اخـــواني اللي فصّلــوها خص للحفله

شف أشائـــي كثيـــره يالقبر خذها بلا نقصان

أمانه بس اشــوف امــــــي شوي أفز وآقفله

يجينا العيد بكرى والصغـــار بدافي الاحضان

وأنا وشلون ابذرف دمعتـي والنــاس محتفله

يرد القبـــر وترابه حزيـــن بصوته الذبـــلان

كذا محتـــار كيف يكــــف دمعـــه ويتـــأسفله

يقول أمك لها ربٍ رحيــــم وخالــــقٍ منّــــان

عساها الحين في جنة نعيم...وتفــــرح الطفله

مما راقى لي