باقي من الذكـرى رسـوم للاطـلال
هوج الريـاح العاتيـة مـا محتهـا
اظنهـا تبقـى علـى مـر الاجيـال
تفيـد عـن قـدرة يـديـن بنتـهـا
ارض نشا فيها مـن الخلـق نـزال
وشخص عشقته عاش فـي ناحيتهـا
ان غبت عنها شفت من ضيقة البـال
مـا يلحـق النفـس العليـة عنتهـا
وان جيتها عقب التباطـي والامهـال
فرجلي تسير اليـن تاصـل جهتهـا
واقف عليها وارسل الطرف يجتـال
والرجـل ماكـن البسيطـة تحتـهـا
تمـوج كنـي واقـف فـوق زلـزال
وعينـي تضيـق بعبـرة حابستهـا
اخاف يـدري بـي حسـود وعـذال
حيث العيون دموعهـا هـي لغتهـا
يا شيخ واقلبي عليـه الصبـر طـال
وراحـت مسراتـه سريـع فوتـهـا
يا شيخ كلن قدر مـا يحتمـل شـال
وانا حمولـي كيـف نفسـي قوتهـا
نفسي لها عن لـذة العيـش سـلال
تتـوق لاخبـار القـديـم وسنتـهـا
ولا الغـرام بعشقتـي طقـه الجـال
واصبح جنـازه والسنيـن اقبرتهـا
ولاعاد لي ملحوظ في الواو والـدال
فلت يدي صفحة والاخـرى طوتهـا
واصبحت من عقب المخاطر والاهوال
اجنـب الحيـة واعـاف شجرتـهـا
يا مير بينـت السبـب لـك ولا زال
في النفس حاجة وانكفت ما قضتهـا
يا مير شخصٍ ياصل الحبـل بحبـال
وشخصٍ يسـره يـوم يقطـع بتتهـا
وانت العديم معـرب الجـد والخـال
ونفسـك مراقيـب الشهامـة علتهـا
خذها شهادة واحـد مـا بعـد قـال
كلمـة نفـاق يرتـجـي منفعتـهـا
والناس يابو زيد مـن كـل الاشكـال
من شاف عثرة عاثـر مـا غمتهـا
الا الـذي ماللـردا فـيـه مـدخـال
هـذاك ابـو نفـس يحصـل بختهـا
وقت مضى له حال واليوم لـه حـال
وارجي من المولى حسـن خاتمتهـا



قصيده اسندها الشاعر عبدالله السلوم على الامير محمد السديري رحمهم الله جميعاً ،،



موضوع جميل جداً كجمال تواجدك أخي عياده ... والأطفال في هذا الوقت

مايفوتهم شي ..

عموماً يكفيهم يصورون أنفسهم بالجوال هههههه ماكان عندنا أي فرصه قبل

لنصور واقعنا آنذاك .... تسلم .