رشات المطر لم تنقطع من صلاة العشاء الى الآن

**همّام** · 20 Apr 2011, 12:21 AM

السلام عليكم ورحمة الله وبركاته

مطرنا بفضل الله ورحمته

حيث تتالت رشات من المطر وتعاقبت بين الحين والآخر من أذان صلاة العشاء وحتى الآن

لم تكن بالقوية لكنها جميله

أجواء المطر تشرح الصدر وتنعش الروح

اللهم لك الحمد

**عبدالله الجبل** · 20 Apr 2011, 01:08 AM

وعليكم السلام ورحمة الله وبركاته ...
ما شاء الله تبارك الله ...
عاشت الرياض أياماً رائعة خلال الأيام الماضية والحمد لله ...
ليلة الجمعة الماضية هطلت أمطار من أم الجماجم وحتى الرياض ...
رجاءً لا تقل "بدري" فأنا حساس وأحياناً أكون مرهف الحس ...
شكراً لقلبك الكبير أخي همام ...

**أرطبون العرب** · 20 Apr 2011, 02:13 AM

جعلها الله أمطار خير وبركة ..

شكراً همام
أما التصوير تصوير محترفـين ^,^

**عروووبة** · 20 Apr 2011, 02:53 AM

وعليكم السلام ورحمة الله وبركاته ...

جعله الله امطار خير وبركه

يازين المطر

**ريانه** · 20 Apr 2011, 03:34 AM

وعليك السلام والرحمه

وليه مكثر الصور الله يهديك وحده تكفي

سلمت الايادي وجعلها الله سقيا خير

ياحلو شوفة المطر وريحته

**عروووبة** · 20 Apr 2011, 03:37 AM

^
^
ريري لاتستعجلين على رزقك
بكرى راح تشوفين ان شاء الله
الصور تعدين وتغلطين

ونسوي جمرى
وشاهى شيح وقيصوم

الله يبارك لنا بالمطر
والحين قاعده تطش طش

**ريانه** · 20 Apr 2011, 03:47 AM

روبي ترى هذا باقي المطر >>بعد ماشبعنا منه وغرقنا جاكم >>

**عقارب** · 20 Apr 2011, 04:01 AM

ما شا الله امطار خير وبركه

حائل وبريده والجوف
من اليوم تمطر عليها

الله يرزقنا المطر بالشرقيه ويزين الجو عندنا

كثر الصور يا همام بالمره الجايه

**عروووبة** · 20 Apr 2011, 04:06 AM

لو روبى رجلا لقتلته

.
.
رياانة حضرت المطر بالرياض سنتن من السنين
سبحان الله
برفحاء غير
المطر بالمدن الصغيره
تحس بشعور يجنن

اما البر الحين
ياعونة الله

مره طالعين بالبر ومطرت علينا سحابه غرق
يااااااااااااااااه خياااااااااااااال
مع شبت الحطب
وبقطبه مو خيمه
القطبه - بيت شعر صغينون

ومره امطرت وكنت عند خوالى
ويفزع خالى للبل
واطمر معاه
وطول الوقت لابده بالسياره ومتغطيه بالفروة
وجتنى الشجاعه وحولت
وساعده نحشر الحيران بالشبك
.

ياخى مغامراتنا حنا ياربع الجمري وشاى الشيح
احسن منكم ياربع كنتاكى و ريد بول بجوااانح

كع كع كع كع

النشره / امطار متواصله من نصف ساعه الله يجعل فيها البركة

**ريانه** · 20 Apr 2011, 04:26 AM

<< قتلت روبي ..ماعاد اقولك روبي

وش راي اقول لك عوعو << تسمع بالدلع

فشلتيني ناويه انزل صور كشتتنا :(
واحنا نشوي هامبرغر
ههههههههههههههههههه

وصدقتي المطر غير في البر .. طلعنا الخميس للمخيم وامطرت علينا ..شي مو طبيعي يجنن

عوعو ودي اسولف بس خربنا موضوع الرجال
السموحه همام >>احذف اللي مايجوز لك ( البساط احمدي )

مره ياعروبه طلعنا البر وفجأة تجمعت علينا البعارين

كلناااااااااااااااااا دخلنا في سياره وحده
ههههههههههههههههههههههههههه

مابقي الا جدو وتيته وخالي قرانديزر متوزي ورى امه

امزح معك عاد كل اخوالي ابطال قعدوا يأكلون البعارين تمر وجزر وهم جالسين مبسوطين

تصدقين الجمال كلت رز وسلطه >>خربوها اهل الرياض

الزبده ان موضوع الرجال صار سلطه لو انه لك او لي كان عادي حلالنا واحنا حرين

**عروووبة** · 20 Apr 2011, 04:47 AM

^
^
ماقلت ربع كنتاكى
كع كع كع

أجل تشوون كنتاكى
قولى تسبد قولى مصارين قولى كراع نعجه <<< خير أن شاء الله جايه من مقصبه الاخت

بس وشو عوعو

يرحم الله روبي عند عوعو
اجل قمت اعاعى

قولى
عرب
قولى عربرب
قولى عـ وانا اكمل الباقى

بس عوعو
يالله الجنة

ولا يهمك ( همام يقولون عقب صورته اللى هنا .. بنده المشرف العام يقول ليه تقهرن وانا بمريكا
عاد مشرفينا هنا كلهم من شلة
حبشه
وعظيم سرى
ولعبونى ولا اخرب عليكم

<<<هذى وش تهرج

**شمـــاليه** · 20 Apr 2011, 09:13 AM

< جايه بالمشعاب

اسمعي يا الخكريه ياراعية الرياض

والله لا صار مو هرفي والا تيس والنار شاعمه والدلال على جالهن والمطر يضرب وانتي متجوده بالفروه

وقدامتس كاسة حليب ماشربتيه ونص الجمري رمل وسنونتس طقطق من البرد والرمل ماتصير كشته

بعدين ياحلالي وشنوح تكشتون بالمخيم؟ هذي كشته بالله؟
المخيم حاشرينتس في رواق يعننه حوش وطاقين لتس خيمه زي جدران البيت ماتشوفين مد نظرتس < ياويطي بص

لاصرتي ما خذتي عزبتس وخيمتس ودقيتي سلف الجيب وهمزتي الجيب على طريق لينه لين تجين نعجه وطقيتي خيمتس على راس طعس وشبيتي النار وشفتي رفحاء من بعد 100 كيلو ماهي كشته < تسذوب

وش رايتس تجين لمنا ونكشتس انا وعروبه

مشكور استاذ همام على الصوره جعلها الله سيقا خير وبركه وعم بنفعها ارجاء البلاد < نست الموضوع الاساسي

**همّام** · 21 Apr 2011, 12:51 AM

المشاركة الأصلية كتبت بواسطة عبدالله الجبل

وعليكم السلام ورحمة الله وبركاته ...
ما شاء الله تبارك الله ...
عاشت الرياض أياماً رائعة خلال الأيام الماضية والحمد لله ...
ليلة الجمعة الماضية هطلت أمطار من أم الجماجم وحتى الرياض ...
رجاءً لا تقل "بدري" فأنا حساس وأحياناً أكون مرهف الحس ...
شكراً لقلبك الكبير أخي همام ...

هلا بك أخي الكريم
ما اشاء الله يطرح فيها البركه

بعدين انت مرورك كالمطر متى ما حضر سر النظر
حياك

**همّام** · 21 Apr 2011, 12:52 AM

المشاركة الأصلية كتبت بواسطة أرطبون العرب

جعلها الله أمطار خير وبركة ..

شكراً همام
أما التصوير تصوير محترفـين ^,^

هههههههه
اي بالله محترفين

العفو يالغالي

**همّام** · 21 Apr 2011, 12:53 AM

المشاركة الأصلية كتبت بواسطة عروووبة

وعليكم السلام ورحمة الله وبركاته ...

جعله الله امطار خير وبركه

يازين المطر

آآآمين

حياك الله أختي الكريمة

آخر المشاركات

الموضوع: رشات المطر لم تنقطع من صلاة العشاء الى الآن

أدوات الموضوع

تقييم هذا الموضوع

عرض

رشات المطر لم تنقطع من صلاة العشاء الى الآن

المواضيع المتشابهه

الآن في الأسواق ألبوم دم الغزال للمنشد: فارس النشمي

سبحان الله شوفوا المطر من بعيييييد !!

الصلاة على مطرود ابو نافع بعد صلاة العشاء

هل يجوز تأخير صلاة العشاء لما بعد الساعة الثانية عشرة ليلاً؟

مع دخول اول يوم من الوسم(الوسمي) رشات المطر تعانق اراضي رفحاء والشمال

مواقع النشر (المفضلة)

مواقع النشر (المفضلة)

ضوابط المشاركة