اخوي الكاشف مواضيعك دايم اجتماعيه ومفيده
وبامانه اذا شفت رد لعمار الزيادي احرص على قراءته
وحول موضوعك اقول وبالله التوفيق
ماذا تقصد بالسعودي هل يعمل بالمحل لوحده او يعمل محاسب وبس
ونوع المحل وشوا
ملابس نسائيه او ملابس اطفال او غيرها
اذا غيرها ما يهمنا
واذا ملابس
تخيل معي
تختار الوحده ثوب ويفكه وتقول لا
وثاني وثالث ورابع يمكن سبع عشر ثياب
لو سعودي اتوقع يقول اطلعي العن الله ابو آآآبو آآبو الخ
انتم يا بني جلتدتنا ما تتحملون طلبات الحريم هذا واحد
اثنين الاجنبي يخاف وراه عايله تنتظره وهمه رزقه ويصبر
السعودي لا يخاف ولا شي جسور وقوي عين
والله بقول لكم موقف صار لبنات قدامي في الرياض
عند بوابه الهرم معروف الي في شارع الميه
خلصنا طلباتنا وننتظر البقيه
وفيه سواقين تكاسي وش كثر
والا فيه ثلاثه سعوديين راعين تكاسي
ماهم زي الاجنبي جالس بسيارته
لا والله
نازلين وكل ما طلعن بنات
ينادون بصوت تبن تكسي
تكسي يا بنت
واحيانا يضحكون
واحيانا يقطون كلمات
والحريم يروحن يمينهم ويسارهم
قسم بالله يروعون يا شيخ والله ان اي واحد فيه شرف فلا يركب مع الاشكال هذي
انا الحمد لله ما احتاج تكسي ومعنا كل العائله الحمد لله
لكن والله المنظر مخزي ولو عندي رقم للهيئه اتصلت بهم
جيبوا سعودي سنع وتشوفون كيف الناس تاخذ
ذولا سماهير ما شا الله عليهم
فيه سعودي احيانا
ناس محترمين
عمر ما سمعنا ان احد تضايق منهم او طلع عليهم كلام
والحريم يشترن منهم ولا يهربن
امااذا تقصد ان السعودي محاسب
فكل العثيم المحاسبين سعوديين والوضع تمام
اما تجيب لي سعودي مهتم بروحه اكثر من اهتمام البنت بنفسها وعيونه طايره وشعره مدري كيف ربي مسويه
ولو تكاسرينه بكلمتين ذب الرقم في الكيسه فلا والف لا