هذا ماجرى وكان ..عن مستشفى رفحاء العام؟

[$الوميض$]

[align=center]

cool2005،،،

ياوجه الخير الله يبشرك بالخير

والله العظيم موضوع الاهمال المتعمد للمستشفى

انه بكفة وكل مشاكل ونواقص رفحاء بكفه لا وترجح كفة المستشفى ابشرك!!

حرام بالله يافي قلبي غصه من هالموضوع بالذات!!

والله حرااااااااام حرااااااااام

ويمكن اكثركم قرا العباره اللي كانت مكتوبه قبل الترميمات الاخيره

لاتطمسها مثل ماطمسة الترميمات حلمنا بافتتاح المستشفى سنه بعد سنه

العباره اللي كانت مكتوبه على زاوية المستشفى من جهة الحديقه او مايسمى حديقه

جهة القرو القديم اللي وجهتها جنوب شرق

مكتوب( بدمع اسود عريض)...

المظلوم

ويوم انفتح هالجرح ابسولف لكم سالفة جرة لي بخصوص المستشفى

مااذكر كيف جرني الحديث ذاك الوقت عنه بس جت كيذا

في يوم كنت اتناقش مع مدرسي البريطاني للغة الانجليزيه قبل 5 سنوات

وهو اضافه لكونه مدرس حاصل على الماستر في اساليب تدريس اللغه الانجليزيه

الا انه تبين لي بعد فتره انه صحفي غير متفرغ في صحيفة سعودي جازية

اسمه روجر هاريسون بريطاني

وهو صديق للكثير من الامراء مثل سموالامير عبدالله بن عبدالعزيز ولي العهد

وسمو الامير نايف بن عبدالعزيز وزير الداخليه

هذا طبعا حديثه لنا وصوره اللي ورانا اياها له مع بعض الامراء

المهم في مجريات النقاش بلغتي الركيكه وضحتله معاناة رفحاء مع المستشفى العام

والمستشفى اللي ننتظره من اكثر من عشرين سنه وهو جاهز بلا تجهيزات ولاطاقم

تسرح فيه الكلاب الضاله اكرمكم الله سردة الموضوع وهو منصة بندهاش واااااضح

تكلمة عن كل شيء عن احتياجنا لمستشفى بضخامة هالمستشفى..اكتمال البناء وعدم التجهيز

وتكلمة عن عدد الوعود اللتي تاتي مع كل وزير ياتي لسدة الوزاره وتنتهي بمجرد الانتهاء من الترميم

اللذي يعطينا الامل في الافتتاح المنتضر وسرعان مايتلاشى مع انتهاء عقد الترميم

سالني فالنهايه عن جدية كلامي وانه ليس من نسج الخيال!!فقلت لا وبامكانك التاكد.

وبعدها ابتسم ابتسامة ساخره وقال لي..

بامكانكم ان تستفيدو من هذا (المستشفى المعطل) فائدة للمحافظه فتشهرها وتدع اقاصي الارض تتحدث عن رفحاء ومستشفاها!

فبهت وسالته كيف؟

فقال ماعليك الا ان ترسل معلومات عن المستشفى..

مدة الانتهاء منه وعدم افتتاحه!! عدد مرات الترميم (وهو لم يفتتح!!)

لموسوعة جينيس للارقام القياسيه وصدقني سيكون من ضمن اغرب الاشياء في الموسوعه

مع بداية القرن الجديد!

عالعموم اخوي كول نتمنى من تكون انت وجه الخير وان تكون بشارتك بشارة خير لنا ولاهلنا واحبائنا في محافظتنا

وان يصدق هذا المسؤل اللذي وعدك وعده!

دمت لي بخير..

الوميض[/align]