حول خيمتك الى منجم ذهب :::::::::

[عروووبة]

عندما يفكر الانسان يجد الحلول الكثيرة

ولكن تحتاج للصبر والمثابررة

احترامي

حنا لو نركز على 3 اشياء
1 - عدم العجله
2- المشورة والاستشارة
3- التخطيط
لوجدنا الحل بكل سهولة .
وكانت الاحوال غير الاحوال

لكن حنا طقها ولحقها . . .


حياك الله ابو نوف
شرفنى مرورك

[عروووبة]

ههههههه

جدك مهو بعيد عن أبوي يوم كان بالرياض يقول اخوياه بالدوام يطلبونه تكفى يابو الليد شف المتر بالملز بريال

ويضحك عليهم وش تبون فيها بكرى اروح للجريبة"رفحا" واخذ اللي ما ياخذني من أمير الديرة وهالحين المتر بالديرة لا زال بريال وشيمت رجال ومتر الملز بالعلالي

اما لو انه حاط راتب شهر باراضي في الرياض كان هالحين تحصلوني مصيف بفرنسا والسياره مايباخ والعبيد والخدم والحشم

لكن الحمد لله كسبنا برفحاء الوجيه الغانمة هههههه

مافى مشكل بالوجيه الغانمة ابد لهم صدر المجلس

بس هذا ربع مليون . . مو لعبة كريم

الله يبيحهم ويحلهم
تقل حالفين مانذوق طعم ملاعق الذهب
والصيف بلندن والهنولولو

لكن حنا إن شاء الله بنا البركة
نلقط من هالرواتب . . لين يقول الديك . . قوموا

عاد أبوك طمعان بالجريبا وعلى الأقل فكر
بس جدي الله يسلمه
كان حاس نفسه سبيدر مان العشيرة
يترك أرامكوا عشان فلان قايلن لفلان ليه ترد بعارينكم قبل بعارينا
ياعل العدوا للجرب

ارااامكوا هذي وش بعارينوا

المهم : أنى اتعظت من جدي
وعطاني درس

اللي ماحصله بيدي . . ماله قيمه ولا ثمن . . وإذا تذكرته تضحك ولا تبكي
.
.