فقط في يوم الجمعه

[ريانه]

مساء اللوز

فقط في يوم الجمعه ..فكرة لمعت الان في مخي اللي هو عقلي
ومع اني دخلت في نقاش كبير ولم اصل الى نتيجه اين يقع العقل.. هل هو في القلب ام في المخ ؟

المهم هذا مهو حديثنا ..
اللي ابقوله اليوم جمعه واجازه وخلينا نعطي العقل اجازه ونفتح مواضيع برئيه جدا ً لاهدف منها سوى العبرة البريئه والضحكه الهادفه الغير مبتذله

فكرة طرت براسي ومادري كيف بتصير وهل يكتب لها النجاح والا تفطس من اول اسبوع

نناقش فكره او حكمه او كلمه

اليوم راح ابدأ بسم الله

لو جاتك رساله على الخاص وتقول لك ..انت حرمه ..مره ..ست .. ومتأكد ميه الميه من هالشي !!! واشوف الطرحه على راسك والكحل بعينك والديرم ببراطمك
والا جتك ياحلوه رساله على الخاص تقول لك .. انت رجال منت مره ومتأكد ميه ميه انك شنب واجدع سكسوكه ملصقه بوجهك


بالله تخييل معي وخش جو وعيشه وقلنا ردت فعلك الاولى والثانيه ..
ولاتنسى خيو واختي ..اليوم جمعه وفلها وربك يحلها ..وسع الصدر ثم وسع الصدر فالموضوع ببساطه نناقش اشياء بسيطه بروح حلوه بعيداً عن التنظير

فتكم بعافيه .

.

[عقارب]

طولي ارجع وارد له

امر تدلل الي تبيه اصير لك

لكن ابي اسالك سؤال
انت وش دخلك

لان احيانن يجيك واحد مطبق على راسه ويرسل لك رسائل
وماله دخل بهذا الشي

انت امامك معرف اذا كان مره ولا رجل
وش الي يفرق عندك

انت دخل منتدى والمقصد منه انك تستفيد بماء يطرح دخل هذه المنتدى

والمعرف يترك لاخر شي



شكرآ ريانه على ترضح الموضوع للنقاش

[صادق الاحاسيس]

او شي اهليبه

واقوله اني شنباااااوي

قدع

[الصرح]

مساء البندق...

أقول له : سو عملية تصحيح نظر اذا كان لك عيون ...<< عصبت
للأمانه أذا كان أسلوبه كذا " وأنا أشوف الديرم.." لن أرد على الرسالة بتاتا ولن أفكر فيها...

[ريانه]

عقارب وصادق الاحساس ..يعني ترسل له وترد وتعطي !!

عن نفسي ..احقر واحقر واحقر مرتن ثالثه ...وعلى قول طيب الذكر .. اسأل اصبع رجلي انت سمعت شي ؟ بيقول لأ واصدقه أن مافيه احد يتكلم وامشي واقول سلاما


الصرح ..وش فيك عصبت ..ترى قلت لك اجازه اليوم اجازه .. وسع الصدر



حياكم الله لاخلا ولاعدم ..

[همّام]

مثل هالرسائل انا ما ارد عليها

لكن لو كثر ممكن اتعامل مع الوضع

وشكرا

[شمـــاليه]

والا جتك ياحلوه رساله على الخاص تقول لك .. انت رجال منت مره ومتأكد ميه ميه انك شنب واجدع سكسوكه ملصقه بوجهك

عادي يحصل لي الموقف كثير بجمعه والا غير جمعه ولا انكر خليهم على هواهم ماراح ينقص مني شي
حتى لو تبحثين عن اولى مواضيعي في المنتدى تشوفين كيف يردون علي بصيغة المذكر علماً ان اسمي فيه تاء مربوطه

[ريانه]

مثل هالرسائل انا ما ارد عليها

لكن لو كثر ممكن اتعامل مع الوضع

وشكرا

سيم سيم تفكير حق أنا

اسعدك الله

[ريانه]

عادي يحصل لي الموقف كثير بجمعه والا غير جمعه ولا انكر خليهم على هواهم ماراح ينقص مني شي
حتى لو تبحثين عن اولى مواضيعي في المنتدى تشوفين كيف يردون علي بصيغة المذكر علماً ان اسمي فيه تاء مربوطه

انا اقصد بيوم الجمعه .اننا نحط شي ( موضوع ) نحكي فيه ..لايرتقي لموضوع مهم نناقشه ولا ينزل لمستوى ترفيه ..مهو قصدي ان هالشي صار يوم الجمعه



وزي ماقالوا الاخوان في ردودهم .. وش عليك مني بنت ولد جني انسي ..المهم اللي تقراه قدامك ..

ريح مخك اللي مشغله في اشياء مالها داعي ودع الخلق للخالق واشغل مخك بشي ينفع المنتدى

منوره خيتوو ...

[ابومحمدالزوبعي]

يعطيك العافية اختي ريانة