طلعتنا للبر .. قصدي طلعتنا للأستراحة ( صور في الداخل )

[ريانه]

مساء الخير

طلعنا امس لاستراحه مستبرره !!
يعني استراحة شهباء لهباء مدري وش تبي يمكن تبي تحس انها بر

شكلها حقت شايب وكل ماجمع كم قرش بنى له غرفه والا غرس نخله ولا حط له دكه .. حوسه بمعنى حوسه مع ان مساحتها كبيره
لكن سوء التخطيط ضيع عليه كل شي
وومن جلسنا وهالحريم يحكون ..لونه حاطن هنا كذا ولو انه يقلع هالنخل ويشيل هذا ويرصف هذا
حومي تسبدي وانا مصدعه وبردانه ورقبتي خربانه قلت لهم المفروض والله انه مشاوركم قبل يبني ..خلوه وش علينا منه الشره علينا أن استأجرنا استراحته مره ثانيه

انا ماكنت ناويه اطلع حصل عندي شد عضلي في رقبتي >> ..صرت مثل الضبعه ماقدر التفت
المهم انه الى اذان العصر وانا مقرره اني ماطلع لكن مع المسكن والمساج حسيت اني تنشطت فقلت يله اطلع معهم واتمدد واتسدح ..خن نجرب الدلال ..كل ماطلعنا واحنا نكررف ونودي ونجيب .. من جد فله احساس العجايز ..كل شي يقربونه لهم حتى اني نسيت اخذ كرسي وكلن يقول تعالي مكاني
واذا اقبلت فزو عشان اجلس على الكرسي هههههههههههههه
ياحبيلهم الله لايحرمني شوفتهم

ناس راحوا تغدوا فيها والصايمين جو على المغرب وافطروا بها
ولاني ماقررت اني اروح فمااخذت معي شي غير شنطتي ورحت ادودل يديني

الاستراحه مظلمه وغبار مافيها شي مرصوف .. ولا فيها ملعب كوره في القسم الرجالي

وماقدرت اصور بحكم اني رقبتي مشقّصه >>ويديتس وش بلاها

واحسن مافيها ان فيها كراسي نقدر نحركها ولو انها اثريه من عهد الملك فاروق
واحنا اسرة تحب الطرب وسعة الصدر ومااخذنا العده
احترما ً للأيام الفضيله وبعد العيد ان شاء الله بنخربها فهي ايام اكل ولهو











يله يالمشرف انقل الموضوع لقسم الصور وصغر الصور اذا ودك ( حلالك الموضوع )

[ابو متعب]

ما تشوفي شر ريانهـ
فالكم الوناسهـ

[ريانه]

مايجيك الشر ..أنا اليوم احسن بكثيرر صرت اقدر اسجد براحه

حياك الله واسعدك برؤية وجهه

[عقارب]

على كلامك وعلى الصور


اختلاف كبير


بس الصور حلوووه شكل الاستراحه


وما تشوفين شر

[الصرح]

مساء النور..

الحمد لله على السلامة ...

[ريانه]

على كلامك وعلى الصور


اختلاف كبير


بس الصور حلوووه شكل الاستراحه


وما تشوفين شر

اليوم ارسلت الصور بالواتس اب للي كانوا معنا في الطلعه
كلهم اتفقوا على التعجب من الصور ( يقولون معقوله هذي هي !!! الصور مخليتها شي خورافي )



الشر مايجيك خيوو .. انا صورت بس مكان جلستنا وهي الجزء الوحيد المنور والباقي حوسه
والجو بارد ماقدرت امشي واصور بحكم ان رقبتي لك عليها

[عروووبة]

ماتشوفين شر ياريري يابنت ام ريري ....

دلكها بزيت زيتون وبلى منشفه بموية حارة ولفيها عليها ... وإن شاء الله تطبيقين مثل الغزال

.
.
بس تلقاك لوفحتى لين طق عندك العصب

[ريانه]

مساء النور..

الحمد لله على السلامة ...

الله يسلم عمرك

هلا بك خيوو

[ريانه]

ماتشوفين شر ياريري يابنت ام ريري ....

دلكها بزيت زيتون وبلى منشفه بموية حارة ولفيها عليها ... وإن شاء الله تطبيقين مثل الغزال

.
.
بس تلقاك لوفحتى لين طق عندك العصب

هلا بك يالغالية

والشر مايجيك يالغالية

جربت كل شي ..من كريمات الى زيت زيتزن دافي
مافادني بعد الله الا مساج وحده متخصصه وكاسات الهواء

وانا الان ولله احمد احسن بكثير
بس اعتزلت دق الرقبه :( >>[URL=http://forums.a7bk-a.com/][/url]

[ابونايف]

سلامات ريانه ...

لكن ماقلتي سبب الم الرقبه ...

لأن عروبه عنده بعض الأدويه ونتمنى لكـ الشفاء العاجل ...

ومشكوره على مشاركتنا بالصور ...

[ريانه]

سلامات ريانه ...

لكن ماقلتي سبب الم الرقبه ...

لأن عروبه عنده بعض الأدويه ونتمنى لكـ الشفاء العاجل ...

ومشكوره على مشاركتنا بالصور ...

الله يسلمك ويخليك لاهلك
انا نمت عند مكيف باارد ..وشكله لفحة برد

عدو عينك يجيه اللي جاني شي مو طبيعي المسكن العادي مايسوي شي معه

وعروبه ماعلمتها عشان ماعندها الا تسذا :(

/



\



/


\

[ابومحمدالزوبعي]

الحمد لله على السلامة اختي ريانة للفائدة علاج الرقبه بسيط جداً عندما تستيغض من النوم وتحس بالألم ارجع ونم خمس دقائق أو نصف ساعة وضع الجهه اتي تؤلمك على الوساده وراح تصحى ولاتحس بشيء بإذن الله

صور جميلة جداً والإستراحة جميلة وليس كما ذكرتي

[همّام]

أسعدك الله أختي ريانة
ولا بأس طهور إن شاء الله

الاستراحة هذي توحفة
تذكرني بحوش (ابو) سعد ــ ثقيل ما اقدر أجره بالكسرة ــ
كل سنه يبني له حاجة
أو يحط خيمة
أو يشيل شجرة
ثم يشيل الخيمة ويحط بيت شعر ههههه

[إبداع قلم]

أعجبني ..

متأثر بالفيس بوك هههههه

[شامي الدهيمان]

بالعافية وسلامتك