في ذمـّة [ الشعر ] ..!!

[أبو هيا]

سألني الشوق عنك وقلت له :- مدري
لو أدري ان كان ما استسلمت لآلامي



من كبر حجم الشعور الي ورى صدري
يمكني اغيـب .. ولا أغيّـب الهامـي



افضل لي ابقى على تقديـري وقـدري
ماعاد ودي بشـئ ٍ يقتـل احلامـي

[أبو هيا]

من كثر مافيني من الحـزن مرّآت
................. أحس حتى اللي { معي } مآيبـيني ,,

ولاّ وش اللي حدّني / بعض الاوقـآت
................. أرمي على راحة يديـني ... جبيني ؟!

[أبو هيا]

قلبي اللي كل ما سج عوَد في عناه ..!
وحالي اللي لا تشالا من الهم [ انبرا ]


ونَتي ونة [ يتيمٍ تغـالط في حكاه ] .. :
كل ما اسولف عن أمَه ..؟ من العـبره غوا !


مات ابوه ، وماتت امَه ، وربَوه اقصراه
وماله الا عمَةٍ ما طلب قالت : لوا ..!


وعيني اللي من الفرقا كن فيها قـذاه ..!
من نشدني قلت: ما غير [ لافحها هوا ]

[أبو هيا]

أنا ما هقيت يسوى الوقت مـا سـواه
وخان الزمان وعـادة الوقـت خوانـى

ويا حي من هـذي ديـاره وذا مربـاه
ذوارى هبوب النود من فوقهـا بانـى

أنادى عليه وساقي العين جـارى مـاه
وأنا عارف إنى لو تحريت مـا جانـى

ظلمنى الزمان الى جبرنى على فرقـاه
صواديـف بقعـا شرهـا مـا تعدانـى

صدوف الزمان وطول صبر لحقت أقصاه
حدتنى على مبـدا الطويلـه مسيانـى

أنا كيف أبدله واطمع في خاطرى أنساه
وأنا كل مـا مريـت مدهالـه ابكانـى

الى جات به الاخبـار والا احـدٍ اطـراه
ما عاد اتسمع صوت من زيد حاكانـى

أعيش بخيالـه واتنـادم مـع ذكـراه
ويدوى بي الهوجاس في عالـم ثانـى

يغيم سمـاى الا تواجهـت انـا ويـاه
وحتى الحكي ماعاد ينطق بـه لسانـى

قضى العمر كله عادنى في رجا لامـاه
وطال الرجـا واليـاس قـام يتحدانـى

هو الى تتوق النفس لمشاهده وحكـاه
ولا جا بقلبى عنـه سجـة ونسيانـى

[فزاع]

كم( هاجس) ٍ يطري واعافه واصده
........... يطلب قصيد الحب والوجد والشوق
مرة يفاوضني بجزره ومده
........... وأحيان يجمع غيم ورعود وبروق
(ازرى )يحاولني يجيني وارده
............ وازريت ما فجر باحاسيسي عروق
مالي وما للشعر لو ما المودة
............. قصايد بدمي ودمي له حقوق
يوم أذكر العتبان في كل مدة
........... شب الغلا من حبهم كل معلوق
والشعر لعتيبة ، عتيبة( تسده)
........... والله لاغنيها على كل طاروق
اللابة اللي بالغلا مستبدة
..........قلبي فدا برقا (و عمري) فدا روق
الهاجس اللي في هواها تقده
........... . نشوة غلاها تترك الصدر مشقوق
ما هي على طالاتها مستجدة
........... من مولد التاريخ وامجادها فوق
عهد ٍ لابو تركي وحنا نشده
........... لين آخر العتبان والعهد موثوق
افواجنا( شيهانه) اللي يهده
............. على خفافيش الخيانات والبوق
من شاطي الدمام الي بحر جدة
............ تمضي القوافل عز ّ وابليس محروق
يفدا( لقا )العتبان من كان ضده
............. و ما ضده الا كل حاسد وملفوق

[فزاع]

الجوهره وشلون تمشي على القاع ،،،. حسبي على اللي جابها من بحرها

[فزاع]

لااتحسب ان دمعي نزل دون سبه .. ابكي على الفرقا وهي مابعد جات

[فزاع]

ياحبني للي على ابوي سموووه ... نعم السمي ونعم منهو ينتمي له

[فزاع]

النوم وده يطب العين لكنه ... بها مثل حلم ابليس بالجنه

[أبو هيا]

هو شآف حآلي عقب مآ هو مجآفيني
والصوت مآ هوهذآك الصوت والبحّـه

تعبآن ثم ؛ قآل لي : ليت التعب فيني
من بآب [ ودّ الحبيب يبآدل الصحّـه ]

أصبحت .. ربّي من العلّه مشآفيني
وأمسى..[ وربّه بلآه سخونه وكحّـه]

[أبو هيا]

شمعه الحب طفتها كفوف الليال
..و استعادت مع الذكرى زمانٍ بخيل

استعادت من الماضي قديم الوصال
..حبنا اللي من أقدار الليالي قتيل

حبنا اللي تعدى في عطاه الخيال
..ما بقاله من البسمه بقلبي قليل

كنت أضمه بروحي عن هبوب الشمال
..و احترق في لهب ناره و حالي نحيل

ما احسب ان يموت الحب هذا محال
..لا ولكن احسبه من فؤادي يزيل

لكن الشمس دايم تنحني للزوال
..و ينتهي في أثرها كل يومٍ جميل

ما تدوم السعاده لو يطول المطال
..و الشقا بالمحبه باقي و الدليل

أول الحب نظره وابتسامه دلال
..و آخر الحب دمعه وابتعاد طويل

[أبو هيا]

​سويت في قلبي ميادين تحرير
وأنا أنا مانيب حسـني مبارك


مـانيب متنازل ولا فيه تغيير
لو تقلب الميدان ساحه معارك


ان كانلك جنحان رفرفبها وطير
ما أنته محصل ديرة غير دارك

[أبو هيا]

البروق اللي تلوح وخاطري يتبعهـا
جعلها تركب على هقوة ظنون الهاقي


مثل ماتدمع عيوني للسهـر يدفعهـا
الغلا اللي من ورا قلبي وفوق اشواقي


يم ديرة من يشتتها البطا واجمعهـا
في مصب البيت الاول واخره باعماقي


مر من يروي عروقي والعيون اشبعها
لين خلا اجلال غيره من غلاه دقاقـي

[أبو هيا]

صآحبي ياللي شريتـ بلآكـ بيري
ليتني ويآكـ يومـ إنكـ شريتهـ

كآنـ أقولكـ اتركهـ مآ فيهـ خيري
لأجلـ مآ يلهيكـ عني لآ خذيتهـ

[أبو هيا]

امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها