تعالو نناقش تكفا

[متعب الاسلمي]

يعطيك العافية .. متعب ..
تكفى .. تكفى لا تنساني .. رحت فيها مرتين ..!!؟

من قريب كفلته بسيارة .. فلا .. أبوه نفع ولا إخوانه نفعوا .. باستثناء .. أكبرهم

حل المشكله .. بعد ماتهرب الجميع ..ولسان حالهم يقول : اقعد به من قال لك تكفله..!!؟

وجربت البعيد ومن ديرته .. أحد .. اللي صاحبتهم .. فترة معينة لا تتجاوز السنه ..

وجا لي بالبيت وطاح عليْ مع اثنين من الشيبان الكبار .. اللي ما أعرفهم ..

وشكى لي .. الحال ..وأخذتني العزة .. ورحت شريت له السيارة وسجلت الكفالة

وماهو كذا .. بس ..!!؟ رحت أبيعه له .. وبعد .. أحاول مع المشتري برفع سعر البيع ..

ومايكسر القيمة بالحيل .. لأن صاحبي محتاج الريال ..

واللي شرى السيارة .. طلع رجال محترم ويعرفن .. ولا كسر القيمة .. إلا بألف ريال فقط ..

واستلم المبلغ .. صاحبي وتسهل .. وهذك وجه الضيف .. والتزم بالسداد لمدة ستة شهور تقريباً ..

وفترة السداد .. 36 شهر تقريباً ..

وطبعاً التزمت بالسداد لصاحب السيارة ..حتى استوفى قيمة السيارة ..

بعدها خذ يالطلايب ..

ولا عادت ..

عاد هالحين لا يجي .. أحد يقرأ هالكلام ويقول اكفلن .. تسويت إيدي ..

وحلّقت على اذنِ ما أكفل أحد .. لو إيش ..!!؟

أدري .. ألف ليلة وليلة ..!!

اخي عمار


بصراحة
مالومك اذا كويت يدك ‏،‏ فالوضع يفرض علينا واللي مامر في موقف يسمع مامر
به غيره

‏تشرفت بمرورك واضافتك وافر احترامي