واحده من الاخوات ذات الدين تحرص على الخير
طلبت مني مره ان اكتب عن مركز الدعوه والارشاد للمطالبه
بنشر اي محاضره في رفحا في هذا الموقع وتقول
النساء لايذهبن للمساجد الافي رمضان
وجميع اعلاناتهم عند المساجد كيف تعرف المرأه بالمحاضره (سؤال وجيه)
وتقول انها في مره لها صديقه زوجها ملتزم وكانت بينها وصديقتها موعد فتاجل الموعد لان فيه محاضره وبتروح مع زوجها . هكذا عرفت ان فيه محاضره فذهبت .
وتقول هم (الرجال) يروح لحاله اما نحن تروح الوحده مع محرم فيكون اكثر
هل تصدقون ان فيه شباب فاسقين بس اخته لايمكن يخليها تروح لحالها ويحضر المحاضره وربما استفاد وصلى كله علشان اخته (خاصه اذا كانت مدرسه وهو بدون وظيفه ما يرفض لها طلب )

وبكل صراحه حفل المركز الصيفي راحوا له اثنين من اخواني والسبب الاخ أخبار رفحا الله يجزاه خير كتب عنه هنا والا والله ماعرفنا عنه

اخواني في مركز الدعوه تدعون الناس خارج المملكه ونحن هنا لانعلم شئ ونجهل كثير
تتحملون الأمانه ولا تقومون بها من شهور طالبناكم بالكتابه هنا
واهل المنتدى ما يقصرون سجلوا باي اسم نعرفه انشروا علمونا
الا هل بلغت اللهم اشهد

اتمنى ان تكون رسالة الاخت وصلت وانتم اخواني اي واحد يعرف احد منهم يبلغه
وش بيضرهم تدرون اننا ماعرفنا ان فيه دورات علميه واماكن للنساء الا بعد عودة المدرسات لا والمشكله مجالس الحريم ما تجي السالفه دعوه
تجي اما تعليق على وحده تروح ويمزحن معها او بصوره ما تشجع على الروحه