من قلب الدب الداشر لكم ,,, نزيه أشتكي إلى الله ثم لكـ ولبقية الأحبه في المنتدى

[نفح الطيب]

العزيز الدب

صباح الخير لست شاعرا ، ولكني عزمت على المشاركة بهذه الأبيات التي تختلف في الوزن قليلا .

ان جازت لك زين ، والا حاول تنساه

[align=center]قلت اشــــــارك رفقتي لو مانا شــاعر نبيه ............ وللغشيم فعـــــــول واظنـكم تدرونها

لاجل عيـن ( الدب ) نمشي بدرب مانبيه ........... وننظم القيــفان يومه شــرع بوزونها

الهوى طـــــــــــره وانا اخوك تيه ثم تيه ........... ولا أظن الدب يجهل قصص يروونها

وين ليلى وش لقت بالهوى انشد (نزيه )............. وش لقى بطـرد الهوى عقبها مجنونها

ونمر بن عدوان صابه جنون راح فـيه ............ وبالقصايد قال ولا يجهــلك مضمونها

والعنود اللي على شانها قلت آآآه،،،ايه ............. انسها وانصــحك لاتفتـنك بعــــــيونها[/align]

[الدب الداشر]

[align=center]طيب حيااك الله ومدام الدعوه خرباانه

بغير بعد شوي من الوزن لأني أحسه صار مستهلك شوي وأبشر بالرد ((صدق روحه الدب قيس بن الملوح))


[align=right]آآخ يمطوّع لو الدنيا تدور
************ولو تجرب زين طعم طعونها
كان وحده الله أعلم وش يثور
************داخلك مقو فعل عيونها
ذاك وقتٍ يختلف فيه الشعور
************تبتجيني هاربٍ من دونها
تبتقول أثرك على جرحك صبور
***********المطوّع ضاع عند فنونها
كركرو كركر مكركر يامكور
***********كم يكور الكرّ كرّ كرونها
ضحكتي لو هي تصيبك بالشرور
***********شرها لو شفت وش مدفونها
أمزح أمزح جعلكم منها طهور
***********وأدعي الله يهتدي ((ملعونها))[/align]


هههههههههههههههههههههههههههههههههههههههههههههههههه ههههههههه
وهالبيت يعني ضحكتي عند تخيل الوضع كااااااااااااااااااااااار كركركركركركركركركركركر

كركرو كركر مكركر يامكور
***********كم يكور الكرّ كرّ كرونها

ولا تحرموني من ردودكم وتعليقاتكم
[/align]

[واحة العلم]

الكلام خليجي مفهوم
و المعنى وايد موزون
و النطق سلس معقول
و ليكتبها وايد معروف
بذوقه و أسلوبه مشهور
و بقصايده وايد ممدوح
فياربي بـــارك للدبدوب
وعحسن اختياره مشكور
و اجعله في الأمام علطول

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآم ين

مشكوووووووووووووووووووووور أخي الدب الداشر

حاولت أشكر حضرتك بنفس طريقة كلامك نوعا ما فما رأيك ؟؟؟؟؟؟؟؟؟؟

[الدب الداشر]

السلهومي ,,, بكتب فيك معلّقة هجاء لو تقول لشي

<<==== صدق روحه شاعر الدب


سيللوز أنتظرك

[نزيه]

[poem=font="Simplified Arabic,5,blue,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
هيه ياللي تشكي المحبوب هيه=والسنين وعسرها مع لينها
مرحبا يا مرحبا دب ونبيه=قبل سين وجيم وجيم وسينها
جيت كلي من خفوق ٍترتجيه=ماانشدت اخت المها عن زينها
استوت في نظرتي كل الوجيه=واستوى مي الحياه وطينها
كلها لعيون من ينخي نزيه=يوم صار الموت يسكن عينها
والله اني داخلٍ في والديه=دخلة اللي ميتٍ من حينها
يرحمون اللي غدى مثل السفيه=بس ينشدعن غلا ته وينها
ساهرٍ والنوم عيا لا يجيه=نبض قلبه يشتكي سكينها
قام يهذري ليه ليه وليه ليه=حالته يا شينها يا شينها
من جنونه يجمع الماء في يديه=ياليسار اللي تخون يمينها
الزمن مع الا وادم يبتليه=وش بلا الديان يطلب دينها
دب والله ما لقينالك شبيه=منقرض من قبل عام الفينها
مشكلتنا الفحص يالدب النبيه=ومااعتقد جينك يوافق جينها[/poem]

[الدب الداشر]

[poem=font="Times New Roman,5,green,bold,normal" bkcolor="transparent" bkimage="backgrounds/11.gif" border="outset,4,limegreen" type=0 line=1 align=center use=ex num="0,black"]
أوووووووه وقف لا تناطحك الوجيه=
ما هقيت أنك تطوّف حينها
|
جاك همي شاكيٍ جور يليه=
وأنت شكلك ما وصلك زينها
|
شوف عين ..ولا يشابه له شبيه=
مرتكز مليان ملي أيدينها
|
نارها لاما يطفيها ((مويه))=
لأحترق به قلب أبو عزينها
|
لا تكابر .. لا تكنكن "وش عليه"=
أفهم اللي تأسره عينينها !!
|
كيف جيني=
كيف جيني
كيف جيني ..ما يطابق يالنزيه=
لعن بـيّه لو يخالف جينها [/poem]


وسلالالالالالالالالالالالالالالالالالالامتكم

[ليث]

اذا التقت الغيوم والبرد هطلت الامطار

وهاهي الامطار الشعرية تتهاطل بالقتاء الشاعران

الدب الداشر ونزيه


بانتظار المزيد

[نادر]

[poem=font="Simplified Arabic,4,black,normal,normal" bkcolor="transparent" bkimage="backgrounds/35.gif" border="none,4,gray" type=0 line=0 align=center use=ex num="0,black"]

هذي أبياتك كما وجبة فطور = أظهر الياقوت من مكنونها

لاتخلينا على ( بند الأجور ) = كلمتي أرجوك .. شف مضمونها

بالشعر يادب .. أنت خضت البحور = قمت تسبح بقافها .. ووزونها

بالحياة .. نلفّ .. يالغالي .. وندور = تقـتـلب أفراحها .. وحزونها

ناس تفرح .. كان جابوا له ( بخور ) = وناس .. هالبخور .. يعمي عيونها

لا تغرك بالحلا .. ( بدر البدور ) = وتنخدع بالعين .. وطول قرونها[/poem]
وسلااااااااااااااااااااااااااااااااااامتكم

[الدب الداشر]

وأنت سالم وصح لسااااااااااانك النادر

أشكر لك مرورك الكريم

وحيااك الله ياذووووووووووق

[البرنس]

[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="solid,1,gray" type=0 line=0 align=center use=ex num="0,black"]
الله يرجكم ياالدب ونزيه = والنادرالي صار شاعر حينها
ونفح الطيب جاكم يقتفيه = ريح العطور يحلوها يازينها [/poem]

[نفح الطيب]

الأخ العزيز / الداشر

الظاهر اني ابي اصير داشر مثلك واسمي نفسي ( نفح الطيب الداشر )

على طاري المطوع ذكرت البيت المشهور :

[align=center]المطوع لو يشوف خديد ساره .......... طلق المصحف وعجل بالصلاتي [/align]

كان تعرف منهو له البيت والقصيدة عطنا ياه ( لاهنت )

على كل حال عيت نفسي تغادر هالصفحة بدون أبيات ،( شفتك عطيتن وجه وصدقت اني شاعر )

[align=center]العيون السود يالدب هي راس الشـــــرور ............... تفتن العابد وياوسع فعل اطـــــعونها

والهنوف اللي على ذكرها اشــــوفك تدور .............. راح عام وصورته حاضر مضمونها

خذ نصيحة صاحب صاغها صدق الشعور ............... اشتغل باللي يفــــــيدك وتنسى زينها

وفي جهاد النفس ياصاحبي خلك صـــبور ............... واستعذ باللي اليا شا وقف لك دونها

واطلب الحوراء بدار المسره والحبـــور ................ حيث جارك سيد الخلق شــارع دينها

وسلامتك وتقبل تحيات نفح الطيب الداشر[/align]

[الدب الداشر]

ودي أبكي حاسس أني نصف ثور
*************** كيف أشاكي من جهله فنونها
زين صبرك حاول أتعيش الشعور
*************** لو تجي بالذاكرات جنونها
صوت دمع ... وشوَف حس به فتور
************** ونعس عين .. ويد دون ردونها
وجو نار .. وخبط ميٍ للجذووور
************** وإرتفاع معدلات الجهْـل في مسكونها
بعد ذلك .. في سواليف السفور
************** عن حياةٍ عاصرت مكنونها
وأدوعتكم هالليالي في أمانات الفطور
************** وأنت تايه في سمااااع لحونهاااااا
لا تلومن لو تشوفن بالجحور
************** كان ودعت إنتقاد عيوووووووونها
دايم أمزح خابرك لجلي صبور
************** خاف صبرك قطعته سنونهاااا
لا يغرك في سوالفي الأمور
************** ضل في دربك ... ورب يعونهاا
وأنتبه لا تشتبه في نصف ثور
**************وأنتكامل لجل حمري لونهااااا



[align=center]
وسلالالالالالامتكم

يالربع بالله هالسوالف لا تطلع لأحد
[/align]

[ابووليد الشلاقي]

الله يقطع سوالفك يالدب الداشر

صح لسانك

[الدب الداشر]

هلا ابووليد


صح بدنك وحيااك الله

المعذرة اخوي والله ما شتف ردك الا اليوم


صح بدنك مرة ثانية واعذرني على التأخير بالرد

[الوفاء]

الشاعر الداشر
نزيه
بصدق قصائدكما في غاية الروعة وإن كنت لم أفهم بعض الكلمات
طبعا هذا قصور في فهمي أناا , لا شعركما ..
منذ سنتان لم أتصفح شعرا شعبـيـا , ولكنكما أعدتموني إليه بهذه القصائد الجميلة

أتمنى لكم التوفيق
بنتظار روائعكم القادمة

الوفاء