هذه القصيدة تحكي حال احد الخرفان والذي كان يرقد بنعيم ولكن تم نقله من الدير الي هو ساكن فيها وترك عشيقته دليل ) فهو يتوجد عليه كما في القصيدة التالية
[poem=font="Simplified Arabic,5,sienna,normal,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black"]
عزتـي لـي والله اليـوم المنـيّـل =رحتنـا يالربـع فـي ستيـن نيلـة
ماجـداي الاّ التـوجّـد والتِّـويّـل=والدموع اللي كمـا سيـل المسيلـة
لا قدرت امسـي ولا ظنـي بقيّـل=كن في صـدري لواهيـب المليلـة
آه واوجـدي علـى ذاك الظّلـيّـل=مامعي غيـر امّ عـرفٍ والحسيلـة
آه واوجدي علـى شاتـي( دليّـل )=والرموش اللي علـى خـدّه ظليلـة
والقرون اللي كما وصـف الهليّـل=سعد والله من غـدت تحتـه حليلـه
لعنبوهـا لارفعـت ذاك الشلـيّـل=كني المذبـوح فـي يـوم الدبيلـة
عقب مانـي دالـهٍ جنـب الغزيّـل=مع حبيب القلـب منسـوع الجديلـة
عنـد قـومٍ همّهـم حفـظ الحليّـل=يكرمون الضيف بصحـون البليلـة
رحتنـا وادي الدواسـر والسلـيّـل=مكرمين الضيـف مرويـن السليلـة
مـا يصـرّون الدراهـم والرّييّـل=ماتساوي شي في كسـب الجميلـة
عودٍ ازرق عقـب فنجـالٍ مهيّـل=والصحون اللـي ذبايحهـا مهيلـة
بارفع الشكوى على الشيخ (السبيّـل)=يعرض الفتوى على اصحاب الفضيلة
افزعوا لي قبل مـا راسـي يميّـل=قبل ما تدفن عظامـي فـي النثيلـة
خبروا راعي الكَرَكْتيـر( الهليّـل)=يرسـم الصـورة بفنّـه واتحليلـه
قلتها والدمـع مـن عينـي يسيّـل=عقـب مـا ذبّيتنـا راس الطويلـة [/poem]
مواقع النشر (المفضلة)