امين ...

تبي الصز والا ابن عمه ؟!!

الصز ان المواطن الصالح (ما له علاقة بصالح الوطن مجرد تشابه اسماء) مبسوط واستفاد ... والمواطن الفاسد ( بتاتا البتة لا تمس بصالح الوطن انما توارد خواطر) هو اللي يضيع الفلوووس ويضيع نفسه وعياله واليك الادلة :

1. دفعت الحكومة 300 الف ريال للمواطن اللي بنى بيت سيء بحدود 100 الف واخذ 100 الف وراح للشام وكازا و100 الف لهفهن العامل (يسميه ابو العرف مقاول) العراقي او اليماني او السوري 100 الف باردة مبردة !!!

السؤال: ليه ما حفظ هالفلوس او استثمرهن استثمار نافع ؟!!

2. بالنسبة لاسعار الشعير ... الحكومة تشتري الـ 50 كجم من المزارع بـ 50 ريال وتنظفه وتغلفه وتبيعه على الموزع او التاجر بسعر اقل بكثير بحيث يبيعه على المواطن بحدود 20 ريال (ما تابعت بورصة الشعير منذو مبطي) ...

يعني الحكومة تخسر ويجي ابو العريف (ابو عريف ثاني مهو اللي فوق) ويقول الحكومة تربح بالشعير !!

3. بداية من هالسنة مستحقات القمح تدفع فوري بسعر ريال للكيلو ... يعني فقرتك الثانية اكل عليه الدهر وشرب ويقولون انه خذى له غفوة بعد ...

4 الاسهم ( اااااااااه يالاسهم) وش دخل الحكومة به ؟!! الحكومة ما قصرت ... خلت الاكتتاب بالتساوي بعد ما كانت معظم الكعكة مثل ما يقولون للهوامير الكباااار اوي ... صار المواطن يجيه من كل اكتتاب ما لا يقل عن 10 الاف (المنتجين فوق الثلاثين) ...

5. استاذ الاسهم رفيقك ما وراه سالفة ( ما وراه سالفة ؟!! لا يكون يقرب لحبيب القلب صالحولا) ... ليتك قايل له: ما دام ما للسوق مقياس وشو له تدرسنا ؟!!


الحكومة تبذل اللي ينفع الله يجزاهم خير ... عندهم سلبيات لكن مهو معقول نهضم ايجابياتهم ...

قبل ماقضي ابي اضيف:

المواطن اللي عنده استعداد يصيف بالشام وغيره وغيراته ...

ويقحص ويذي خلق الله ...

ويشتري جوال له ولمرته ولوغدانه حتى اللي بالابتدائي ...

ويرسل مسجات يرشح ابو الهش ...

ويشترك بالاوربت والاي ار تي وبقية القمايم ...

الخ الخ

ما يستاهل المساعدة وحقه كوي على جبهته هو واللي يعضد له ...


قضيت وعطشت (عطشت شفرة جديدة منشان ما يلقطونه ابو شنب وليث) ...