[poem=font="Simplified Arabic,5,black,bold,normal" bkcolor="skyblue" bkimage="" border="groove,5,black" type=0 line=0 align=center use=ex num="0,black"]
حاولت ابنفض شراع العشق وافله=جمعت الا ول على التالي وفليته
ذكرت رفحاء وفاح الهيل بالدله=واخذت حرف القصيد وجيت صبيته
والله نسمة هواها تبري العله=تفضح على صفحة الايام مااخفيته
دل القمر عن سواليف الغلا دله=عشقٍ بروس الجبال السمر ضويته
عشقٍ قديمٍ يمين الله ماامله=في عتمة الليل سامرته وغنيته
خلٍ يداعب هبوب الريح مع خله=يا زين ريح الهبايب يوم شميته
ياام الطفوله وضحك القلب والفله=غلاك باقصى الضلوع العوج خليته
من طيبك قلوبنا بالطيب مبتله=يا ام السخاء يافياض الطيب يابيته
رفحاء واذا قلت رفحاء فاحت الدله=جيت انثرالشعر بكفوفي وضميته[/poem]
مواقع النشر (المفضلة)