فتنـــــــــــــــــــة الحفــــــــــــل " فهد عافت "

[ابو مشعل]

[poem=font="Tahoma,5,black,bold,normal" bkcolor="transparent" bkimage="backgrounds/13.gif" border="none,4,gray" type=3 line=1 align=center use=ex num="0,black"]
فتنة الحفل زيدى مشيتك بختره


.......... كل خطوة بروق وكل لفحه صهيل

باقيٍ بين عقل والجنون شعره

.......... اقطعيها ياشين عاشق مو هبيل

خلى الارض تاخذ شكل غير الكره

.......... خلى النار تاخذ رمز غير الفتيل

من غدى الليل شعرك قلت انا بسهره

.......... ومن غدى الصبح وجهك قلت مالى مقيل

ارقى بين حد الذنب والمغفــــــــــرة

.......... ارحلى في سكونك واسكنى في رحيل

ارقصى كنك الماء فززته حجره

.......... واثبتى كنك الفضه بعين البخيل

وانحنى مثل غصن فى طرفه ثمره

.......... ووقفى مثل فزعات بدويس اصيل

والفحى علمينا كيف تقدر مره

.......... تزرع الليل صبح وتزرع الصبح ليل

في عيونك سواد يستحيل اخره

.......... كامنس في بياض اوله يستحيل

واحد تخزرين ومايجيك خبره

.......... اشهد انه عزيز واشهد انه ذليل

اترك العقد بين الجد والغشمره

.......... يخبر الناس وش معنى جميل في جميل

كن في الصدر ظبي عيوننا تذعره

.......... ينتفض يذعر الي مذعرينه قبيل

ومفرق الصدر حبات العرق تجهره

.......... كن لك عقد در وعقد من سلسبيل

بينهم جسد ربي مابعد ماصوره

.......... عقد وده يجف وعقد وده يسيل

اه وليالمحتك مقبله مدبره

.......... شفت مثلي نحيل زم حمل ثقيل

دام ذا عجز وش للناس بالمقدره

.......... دام ذا خصر وش اللي بالخواتم بديل

وسط ثوبٍ خيوطه صمت في ثرثره

.......... بـــه قليـلٍ وبـــــــــــه كثيرٍ قليل

كل شيس بجسمك يفضحه يستره

.......... فيه فتنة قصير وفيه حشمت طويل

كنه المخطى اللي يطلب المعذره

.......... وكنه دامح الزله عن اللي يعيل

في ردونه نقوش لا سنابل ذره

.......... الله اعلم لو ان الريح هبت تميل

كل شى فيك ونقيضه بالمسطره

.......... اقرب من النفس وابعد من المستحيل

كنك الكذب لكن ماحدٍ ينكره

.......... وكنك الصدق لكن مافي يدينا دليل

باشت الغيد زيدى مشيتك بختره

.......... لجل اطاول بحرفي شامخات النخيل

شاعر تلمس ايدينك على دفتره

.......... تغرق فبأسط اوزانه بحور الخليل
فـــــــــــــــــــــــــــــــهد عافــــــــت[/poem]

[هاجس]

الف شكر لك على هالقصيده

فعلا رائعه

[$الوميض$]

هلابك ابو مشعل

عزالله انك جبته يالذيب

ابشر بالفلس يالدب هذا وانا موصيك

عالعموم ابو مشعل تستاهل الشكر يالغالي

على هالروائع اللي اتحفتنا بهن

وكان لي شرف المرور في موضوعك

[الدب الداشر]

حجي ابومشعل ..


وشلون تنقراا ذي ..؟؟

[الدب الداشر]

صح لساانك ولساان الحجي فهـد ..

على النية ..

[ابو مشعل]

شرفني مروركم أيه الاخوة الاعزاء،
اخي الوميض احرجتني بكلماتك العذبة وبالنسبة للدب خليناه بالعجة

[الدب الداشر]

المرفاااااااااعه

[ابو مشعل]

ما دام في مصخرتك مرحبا بالترفيع ههههههههههههههههههههههههههه

[ليث]

مشكوووور ابو مشعل

[ابو مشعل]

العفو اخي الليث وتستاهلون اكثر