شبة المنتدى وسوالف القهوه ( اقلطو يالله حيهم )

[البرنس]

القهـــوه طب وعلاج منهو راسه عليل وسموها الكيف لانه تقعد الراس وتجلي من الراس كل عله.

وكان الاولين لاتحل مشكله او تقضي حاجه الا عقب شرب القهوه .

والقــــهوه لاشك رمـــــــــــــــز الكرم والضــــيافه بكـــل الاحــــــوال.





والقهوه مو كل من شربه او سواه راعي كيف...... طبعا سواته مهي صعبه ولاكن مو كل من سواه حـــكره
وضبطه.



كــــيفية الــــقهوه:

الكيف هو بن وهيل وراعي الكيف مايرضى باي بن بل يشتري اجود انواع البن ( من اشهرها الخولاني وهرري)


اشهر دوله بزراعة البن اليمن والبرازيل وحنا يالسعوديه اكثر مانستورد بن من اليمن .


والهـــيل انواع ودرجات واعلى درجه الاولى وافضلها الهيل الامريكي الاصــــلي.



- البن دائما نحصله بدون لبه نشريه مقشر من لبه مع ان اللب مفيد...... ليا قشرت البن لاتقطه .


- والبن دائما يشترى ني غير ناضج فيحتاج الى حمـــس .


والحـــــــمس ( الحمـــسه هي الي تدلك على الي سواه راعي كيف والا لا) لان سوات القهوه مهي صعبه بس

حمسه هو الفن والحمسه تفضل تسوى على جال نار هاديه .


والحمس طبعا يكون ( بالمحماسه) ويدت المحماسه تقلبه البن لين يختفي صفاره واحلى حمسه الي تكون شهبا

يعني مايله لسواد لاهي نيه ولاهي سودا يعني شقرا حيل وبعض المطانيخ يخلونه شقرى مستويه.


مع انه هالايام تطورت منفوحه وصارت العالم تطبخ بمحماسه كهربائيه صحيحه انه زينه واسرع بس ماتحمس

مثل حمس الرجال ليا حمسه يعني ماتضبط الحمسه حيل.


الزبده مالكم بالطوبله عقب الحمس يكبون البن بصينيه وتخليه شوي علشان يبرد البن ولاتطحنه الاعقب مايبرد

علشان تضبط الحمسه .


وعقبين تكبه بالنجـــر وتطحنه بيدت النجر لين ينطحن البن كله .

هذي سوات البن يعني خلصنا من سوات البن والكيف باقي ماه .


وحلاة الهقوه دايم تبهر بالهـــيل ولايضبطه الا الهـــيل ويمكن تستغني من الهيل بس من دون هيل مايضبط الكيف

والهيل لايحتاج لاحمس ولاشين بس اطحنه وخلاص وحلاة طحنك له ماتطحنه حيل يعني خله شوين خشن.


عقب ماتخلص من طحن الهيل كبه بالدله الي يسمونه ( المبهره) ويحطون مع الهيل زعفران ومسمار علشان يضبط

تزين قهوتك .


يامحلا النجال بأرض براحي&&&& ومزينه ريح العودي الى فاح


في ظل طلحه والركايب ضواحي&&&& والقلب من كثر الهواجيس مرتاح


&&&&&&&&&&&&&&&&&&&&&

ياوي والله كيفة يامطاليق&&&& ماهيب كيفة شاربين الزقاره

الكيف ادلال كنهن الغرانيق&&&& بيض تقلط فوق جال المناره

ومحماسه يحرق بها البن تحريق&&&& تحمس وتفهق عاد فيها صفــاره

ونجر يطرق بالمويلي تطاريق&&&& وفنجالها دايم يكثر بهاره

في مجلس يطرب له البال ياطليق&&& مع كل شغموم بتسبده مراره

وان جاء نهار فيه حذف المعاليق &&&& الموت سنه والغنايم تجاره


عقبين جب مطباختك ( المطباخه) اكبر من المبهره بشوين علشان تطبخ البن طبعا تحط ماك وتكب البن الي طحنته

وفور ماك وخل تفويرتك للبن لين يبني خويماته يعني تشوف البن قام يتنافخ مع الماء اذا شفته قام يتنافخ

ركده شوين على جال النار وخل البن يفور تشوفه يتقلب .


واذا انت راعي كيف عقب ماتطبخ زين جرب القهوه بدون هيل علشان تميز طعمه اذا كانت جيده والا لا.


الزبده عقب ماتطبخ زين زل قهوتك بالمهبره كبه به واحلى صبه انك ترفه المطباخه فوق شوين علشان تحرك بهار الدله


عقب ماتكبه سخن دلتك او المبهره شوين علشان يتحرك البهار مع البن زين.



الدله وفـــناجيله:


عقب ماتخلص من سوات قهوتك تشرب اول فنجال انت يالمعزب وهالفنجال يسمونه.


1- فنجال الهيف وسموه الهيف لانه هايفن قدره يشربه المعزب علشان يتطعم بقهوتك ويبعد الشسته عن الضيوف.

2- فنجال الضـيف وهذا يقدمه للضيف محل ترحيب واكرام.

3- فنجال الكـيف وهذا يعتبر ممالحه وزود اكرامن له على جيته .

3- فنجال الســيف وهذا مايشربه الا الفارس الي يتعهد بحمايت القووم من العدو لا عدى على قومه.




واصول صب الفنجال انك ماتملاه حيل يعني بقاعت الفنجال حق شفه وحده ومسكت الدله يكون باليسار ومسكه

باليمين عيب وخطيه لانك تمد فنجالك لضيفك باليمين.



وتقهوي الضيف لين يهز فنجاله واذا هزه يعني اكتفى .

واذا نزل فنجاله يعني ضيفك جايك بطلبه ويجب عليك انت يالمعزب تطلبه يشرب فنجاله وتلبي طلبه



وصبتك للفنجال عقب مايقدع من القدوع (التمر) هذا بالنسبه لسلومنا وسلوم بعض القبايل.

ولاهي عيب تصب قبل او عقب بس على قولتهم راحت عاده واصبحت سلم.




قصص ومشاهير اهل الكــيف:


من اشهر راعين الكيف ( علوش بن ظويهر العنزي ودغيم الظلماوي الشمري ) ولاهو قصور بباتسي القبايل.


وعلوش بن ظويهر له قصه مشهور بديوان ابن رشيد يوم تقهوى وشف اول شفه قال قهوتك صايده ياطويل العمر


رد اب رشيد وقال ياحيف يابن ظويهر الا هي قال والله هي ياطويل العمر وتساني اخطيت رقبتي لك


وامر ابن رشيد القهوتسيه يكبون ادلال ويوم كبوهن حطو تحتهن شيله علشان يعرفون وشبهن ويوم هذا ويدورون


مع حثال القهوه ويلقون ( قعيس) دوده صغيره ورد له قال صدقت يابن ظيويهر اشهد انك راعي كيف


ويوم هذا ويقصدبه واحد من شيوخ حرب اسمه محمد بروس الذويبي


يقولبه.



تستاهل الكيف الحمر يابن وايل&&&&& انت الذي تستاهل الكيف كله

ياللي نقدته وسط ديوان حايل &&&&&&& لولاك ياعلوش ماحدن فطله

ابديوان من يصفي شباك كل عايل&&&&& الضيغمي ريف اليدين المجله

الضيغمي مرذ المهار الاصايل&&&&& يامن قطع في ساقته من سجــله

يابن ظويهر مابها قول قايل&&&&& تستاهل الفنجال لاجا محــــله

ياناقد الفاقد بحكم الدلايل &&&&&& ياريف هجنن والمزاهب مقله

ربعك بن وايل تسعام القبايل&&&&& هل الجموع الراسيه المغله

زبن الدخيل لاتوطاه عايل&&&&& الجمع دون والرمك مردفله



ويقولون ابن ظويهر بليه من اول شفه يعرف قهوتك .

يقولون جابه واحد وقهواه وقال للقهوتسي صبه من الدله الي حمسته نيه ويوم دار الفنجال وشربه قال هاه يابن

ظويهر وشوقع القهوه قال نيه وامر القهوتسي يحط من الحمسه المستويه ودار الفنجال وشربه قال هاه وش وقعه

قال مستويه وامر الثالثه يحطله من الحمسه المحترقه ويوم شربه نشده وقال محترقه.


قال للقهوتسي حطله ثلاث نيه ومستويه وحترقه وديير الفنجال ويوم شربه قال هاه وشو وقعه تدرون وش قال

؟


؟

؟

اشهد انه مصيبه بليه قال ان قلت نيه نيه وان قلت نجضانه نجضانه وان قلت محروقه محروقه



قال العن ابو حيك اشهد انك راعي الكيف


&&&&&&&&&&&&&&&&&&&&&&&&

وهذا دغيم الضلماوي يقولون دلاله دايم مباتسير يعني والمات على جال النار ويوم من الايام جا واحد عند عبدالله

ابن رشيد وقاله الضلماوي دلاله ليل ونهار تلقاهن مباتسير ثلاثه على جال النار قال .


نبي نشوف الظلماوي ويسري عليه بتالي الليل ويطبتس عليه يوم شاف هالدلال المباتسير على جال النار قال يادغيم

بنك وهيل يجيك وانا ادفع اجرته دامني حي الزبده تقهوه عنده ويوم تقهوى قصد هالقصيده

ياكليب شب النار شبه&&&&& عليك شبه والحطب لك يجابي

وعلي انا ياكليب هيله وحبه&&&& وعليك تقليط الدلال العذابي

وادغث له ايا كليب من سمر جبه&&&&وشبه الى من غفا كل هابي

باغ الى شبيتها بالمشبه&&&&&تجذب لنا ربع سرات غيابي

بنسرية ياكليب صلفن مهبه&&&&&متكتفين وسوقهم بالعقابي

بسراة بليل وناطحينن مهبه&&&&لانسنست تسن به سم دابي

خطو الولد لوبه زبون وجبه&&&&&ياتي عليهم من حساب الزهابي

لاباطن الهلباج خطو الجلبه&&&&ياحلو خبط عصيهم بالركابي

اطمر لهم وابدي سلام المحبه&&&&&لاجو على هجنن يديهم خرابي

مع كبشن مصلاخ لك الله نجبه&&&&&لادبر الهين متين العلابي

والوالمه ياكليب عجل بصبه&&&&&&والرزق عند الي ينشي السحابي












ان اشهــــــد انكم مطـــــانيخ


ياربع غديت ما وسما




اعذروووني على القـــــصور


هذا الي قويت عليه وتذكرته



م ط

[الدب الداشر]

شكراً على اللطشه ..

بس عندي سؤال هل القهوه تركيه أم إيطاليه ؟

ولي عودة ؟؟

[البرنس]

دبااااااااان

وش يعرفك للقهوه

خلت من البرست والهمبرقر هههههههههههههه









اقول صب وانت سااااااااااكت

[البرنس]

ب الله اتصلو على ابو مشعل و جرواني وليث والمؤدب ورفحاوي وباقى هالشيبان خلهم يتقهووون

[نادر]

البرنس ..

أنا أشهد أنك وجه رجال ....

يعطيك العافية على اللطشة المهيّلة ..

دبدوب ... لاتفشل قدام نسيبك ... تراه يحب القهوة وإذا ماتعرف تسويها مافيه زواج ...

>>>> أنا حرّيف بالقهوة <<<< يلمّح

[البرنس]

ونعم بشاربك يا نادر أنا اشهد انك نادر

واترك راعي البرستد









تقهوووووووو

[الدب الداشر]

قهوة بدوية اجل وع وع وع


انصحكم بالقهوة الإيطالية ماهي مضرة ..











يووووووووووووووووووووه



طيب عندي لكم قصيدة حلوووووووه حيل


حقت رجاجيلين


يقول


يقول الشاعر ..

كان فيه ارنب



قاعد يلعب


لا لا لا




شاف كتكوته

.....



مدري وش البااقي

وسلامتكم ..

[البرنس]

دبااااااااان رح العب بعيد

واترك شبتنا

لان في ناس تبي تستفيد من القصص والسوالف اللي فوق ( سوالف الرجال الغانمين ))

[الدب الداشر]

طيب انا آسف .. يالشلم الحمالي ..



صب لي فنجال واسكت . . ..

[البرنس]

طيب اقدع أول







صووووووووورب طق ( هااااذى الطقة علامة مميزة للقهوجي الحريف ))

تقههوووو

[الدب الداشر]

قدعت ياما طقت تسبدي من اليوم وأنا آكل تمر .. بس ناقص خبز ؟؟

مدري ليش عالعموم



عشت على عررررررررسك








أشششششششششب


أشششششششششششب


أشششششششششششب



وش رايك يالدب الدااشر ========>>>



إن قلت نية نينة وإن قلت نجضانة نجضانة وإن قلت حرقانة حرقانة




خلاص إذا الإجابة صح عطي جائزة .. برستد والا شي .. هع هع هع



بسسسسسسسسسس


لاتصب شاهي ..


اذا فيه ببسي هات

غيره شكراً ..

[ليث]

طق طق طـــــــــــــــــــــــــــــــــــــــــــــــــ ـــــــــــــــــــق

[العزام]

الله لا يهينــكـ البرنس

وموضوعك رايق ,,,,,, بس فيه قصيده ثانيه للضلماوي بعدما زعل ابن رشيد يوم سمع القصيده هذي انا ابي ادورها واذا هي عندكـ الله لا يهينك ترصهــا بهذا

[ليث]

[glint][align=center][blink]طق طق طااااااااااااااااااق[/blink][/align][/glint]

[ابو مشعل]

الله يقويك

شبتك كشفت لي النسيب تريه خفيف و ما هو حق هالسوالف

اخس الله يرجك يالنسيب