ملف أخضر ... شخص عاطل ... شخص مُهدر!!

**الزعيم** · 14 Oct 2004, 05:21 PM

ملف أخضـــر .... شخص عاطل ... شخص مُهدر!!
ملف أخضر ...
وحظ أقشر
... وعيون الناس كالمنكر
هنا للمنتهى غايه ...
نهاية بس... مو أكثر
......... ....
وآنا ميت ...
بين أعيش .. وكيف أعيش؟؟
... وليه أحلم أو أفكر ؟؟
........
أنا ... عاطل !!
أنا... ..مُهدر !!
· ** *** ***
فـ هالملفات الكئيبه .. الف طيبه
الف مآساه ومصيبه
حلم .. واوراق ... وصور
امي .. واخواني ... وخواتي
.... والحبيبه !
شخص تايه
من ثلاث سنين وأكثر
بين يعيش .. وكيف يعيش؟؟
... وليه يحلم أو يفكّر ؟؟
شخص عاطل !!
شخص ..مُهدر !!
· ** *** ***
يا جريده ...!!
يا جدار ...!!
يا قوائم ...!!
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
· ** *** ***
يا وظيفه ..
يالسراديب المخيفه
يا عنا ... يا بهذله
يا مآسي مهمله ...
يا ملل..
يا عُمْر يمضي ... كذا
يا أذى !!
ودي أكبر ..
من ثلاث سنين .. وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
· ** *** **
يا طباشير وكتابه
يا مراسم ... يا كآبه
يا فصول ....
يا صغار :
هذا "ابو بكر" و"عمر" ...
هذي هي غزوة "حنين" ...
وهذي "مؤته" ...
وهذي هي غزوة "بدر "
هذا هو "عبدالعزيز"
ذا "وطن الله أكبر"!!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس ?!!
............. .....
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
بس أبي فرصه ... وبأكبر
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!

>><<<>>><<<>><<<

للشاعر طراد الاسمري

**الزعيم** · 09 Sep 2005, 11:37 AM

الإهداء لوزارة التربية والتعليم
.............................................
يا طباشير وكتابه
يا مراسم ... يا كآبه
يا فصول ....
يا صغار :
هذا "ابو بكر" و"عمر" ...
هذي هي غزوة "حنين" ...
وهذي "مؤته" ...
وهذي هي غزوة "بدر "
هذا هو "عبدالعزيز"
ذا "وطن الله أكبر"!!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس [u]?!!

.....................................

غداً بداية عام دراسي جديد . كل عام وانتم بخير
..........

والى الآن معاناة الخريجين العاطلين مستمره

**جرواني** · 09 Sep 2005, 12:02 PM

[align=center]صح لسانك مشرفنا الزعيم
وصح لسان الشاعر الكبير طراد الأسمري

غداً بداية عام دراسي جديد . كل عام وانتم بخير

والى الآن معاناة الخريجين العاطلين مستمره

الله يكون في عونكم يالعاطلين

[/align]

**الـوافي** · 09 Sep 2005, 01:57 PM

كلمات جميله... وغداَ بداية العام الدراسي الجديد=======>الله يعين الطلاب

**ليث** · 10 Sep 2005, 02:13 AM

صح لسانك مشرفنا الزعيم
وصح لسان الشاعر الكبير طراد الأسمري

**الدب الداشر** · 10 Sep 2005, 02:53 AM

شي .. صرااحة شيء راائع ..

كل هذا تهيئة لشيء قاادم .. صدقووووني ..

شكراً لك زعيــم الذووق ..

**الحقيقه** · 10 Sep 2005, 03:48 AM

مجهود تشكر عليه الزعيم

والى الامام وفقك الله

**الزعيم** · 12 Sep 2005, 03:11 PM

جرواني

الوافي

ليث

الدب الداشر

الحقيقة

شكراً لمروركم والله يوفق جميع العاطلين

آخر المشاركات

الموضوع: ملف أخضر ... شخص عاطل ... شخص مُهدر!!

أدوات الموضوع

تقييم هذا الموضوع

عرض

ملف أخضر ... شخص عاطل ... شخص مُهدر!!

مواقع النشر (المفضلة)

مواقع النشر (المفضلة)

ضوابط المشاركة