....................... ونهود يشكي منهن الثوب من فوق

[عبدالله الشمري]

[poem=font="Simplified Arabic,4,white,normal,normal" bkcolor="white" bkimage="backgrounds/28.gif" border="ridge,4,white" type=1 line=0 align=center use=sp num="0,black"]
يالله بنوٍّ تالي الليل برّاق=على الشمال وديرة الخل من فوق
اول ثلاث ايام باذر ورقراق=ومن عقبهن تصبح بختري وزملوق
عقب المحل تصبح بساتين واوراق=ويفرح بها راع الغنم مع هل النوق
وانا غرامي واصبح القلب مشتاق=شوف الفياض ومبعدينٍ عن السوق
وشوف المسوبع ما يعلق به رواق=مجلس نشاما ما جلس فيه مطفوق
يابو جمال البال من عقبكم ضاق=واحس قلبي داخل الجوف محروق
والعين تدمع والبلا داخله عاق=الرمش طاح وعلته داخل الموق
عقب الوناسه حل صادوف وفراق=واليوم نذكركم وفي داخلي شوق
شوف الشمال وشوف عرعر وبناق=تسوى الرياض وديرة سدير والروق
وانا غرامي شوفة الزين لا واق=كن القمر في مبسمه صار لي عوق
لا عين لا خدين لا زول لا ساق=اجمل بشر ماله مثيلٍ ومخلوق
في منحره بدرٍ وشمسٍ له اشراق=ونهود يشكي منهن الثوب من فوق
يابو جمال القلب عاشق ومشتاق=مشتاق لعلومك ومشتاق للشوق
والهندسه مالي بها رسم واوراق=عفته بسبة واحدٍ صار لي عوق

كساب الشمري[/poem]

[جرواني]

[poem=font="Simplified Arabic,4,white,normal,normal" bkcolor="white" bkimage="backgrounds/28.gif" border="ridge,4,white" type=1 line=0 align=center use=sp num="0,black"]


وانا غرامي شوفة الزين لا واق=كن القمر في مبسمه صار لي عوق
* * * *
والهندسه مالي بها رسم واوراق=عفته بسبة واحدٍ صار لي عوق




كساب الشمري[/poem]

[align=center]اخوي عبدالله الطنيه
صح لسانك ولسان الشاعر كساب
قصيده ولا اروع
لا مست الوجدان
يعطيك العافيه[/align]

[الدب الداشر]

صح لساان ولساان الشااعر قصيدة شي ..



خصوصاً سالفة الثووب هذي ممتازه ..


صح لساانك ولسان الشااعر مره ثاانيه .

[العزام]

صح لسانك
ولسان الشاعر