قصة الحلى المرجوووووووجي

[المرجوجه]

السلالالالالالالالالالالالالالام...


اليوم بقص لكم عن الحلى المرجووووووجي

بس تراه حلو... بس الرجه خررررررررررررربته.......

طبعا في يوم اجازه حلوه.. خذت طبخة احم... غلط.. كبيره علي طبخه .. أقصد طريقة حلى من صديقتي .. حلو..؟؟؟
طبعا مو حلو ... لأن أهل البيت قاموا يتشهدون قبل لا أسويه ... ما أدري ليه...؟؟؟؟؟
ماعلينا..
كانت المقادير غريبه شوي..
تبونها؟؟؟؟

طيب بعطيكم اياها........


10 ملاعق حليب بودره.. (( 10 مو 11 .. ولا 9 .. لأن 10 من مضاعفات الخمسه ... )) ..
1 كاس صغير سكر..
1 كاس صغير زيت..
4 بيضات.. (( مو حلو البيض أدري.. ))
ملعقه صغيرررررررررررررررره هيل.. (( لا تخافون مو قهوه هذي.. بس تصلح مع القهوه.. ))
1 ملعقه صغيره.. (( بس أكبر ممن ملعقه الهيل.. وأصغر من ملعقه الحليب.. (( كيمياء هذي مو طبخه.. قصدي مو حلى.. )) ماعلينا.. ملعقة بيكنج بودر (( أخيرا ضبطت الاملاء حقها.. طويله.. ماعلينا... اللي بعده.. ))

المهم... هذي المقادير... اوكي..

والله الموضوع هذا شكله لمنتدى الطب والتغذيه... بس يالله ... شسوي الطبخه في وسط سالفه... فجبتها هنا...

ماعلينا...

الطريقه تقول.... أحرك على النار الحليب البودره.. بسسسسسسسس لا يحترق الحليب.. بس لين يشقر.. (( والله اقترحت على صديقتي اني أحط عليه مشقر.. . ورفضت بس يالله .. ماعلينا.. ))

طيب

جبنا الحليب وقعدنا نقلب فيه..

ما تغير لونه..!!! (( االوان المراجيج دايم ضاربه ما ادري ليه .. )) زدنا النار قلنا يشقر أسرع .. ماني فاضية له لين يشقر براحته...

المهم شوي شفته بدا يصير بني مو أشقر...... ماأدري ليه..........

طفيت النار وانا أقلب ... اللي احترق وصار بني انخلط مع اللي شقر وصار ظريف...... ايش السواااااااااااااااااااااااة؟؟؟ (( السواة ما ادري تنكتب كذه والا غلط.. مالي بالعربي.. )) المهم ..
شلته على جنب...

وحطيت عليه البيكنج بودر .. وخلطتهم..

وخليته ..

خلطت السلطه اللي فوق كلها... مع بعض.. زين

وجيت بحط عليها الحليب...

البني اللي فيه بيشوه طبختي.. أقصد الحلى... شسوي....؟؟؟؟؟؟؟

شغلت عقلي شويه... قلت صار لي 20 سنه ما استغليته خليني أستغله في اللحظه الحاسمه (( حلوه الحاسمه أدري.. )) هذي..
جبت مصفى ... فتحاته صغيررررررررره مررررررررررره ... وصرت أصفي الحليب... لأن المحروق صاير قطع كبيره شوي على المصفى حقتي..
المهم.. دخل مع الحليب الحلو .. شويه مو حلو... بس عادي..
ماعليكم... طلع شي...

المهم بعد الحليب خلطناهم..
حطيتهم بالصينيه ..
نجي للفرن...
انا وحده ما اعرف اتفاهم مع الاشياء اللي تدخل الفرن.. أحرقهم دااااااااايم... وأحرق نفسي معاهم للذكرى....

المهم دخلناه الفرن ..... والنار على قوتها... قلت الفرن يحمى..
شوي جيت لقيته حامي والعمه انتفخت على ماااافيشششششششششش.... يعني ما استوت من داخل ... بس انتفخت على الفاضي زي البلونه ... ماعلينا
والفرن حارررررررررر..... قصرررررررته على أقصر شي

شوي... جيت ولقيتها بتسود.... يعني بتحترق... قمت طفيتها..

وكل البيت يقول ريحتها احترقت ... يا فضييييييييييييحتي ..

جيت بعدين لقيتها مستويه من داخل .. محروقه من بره .. (( هذي زي دعاية الزيت.... مقرمش من بره وطري ولذيذ من جوه... بس هنا محترق من بره .. ومستوي من جوه.. )) ))

المهم

دخل واحد من الشباب لقاني مقابلتها وبقشرها من فوق

عشان الطبقه المحروقه تروح

لأن في خبصه بتصير فوقها

قام عجبته الشغله وقشر معاي..(( عالم فاضيه )) (( وين تفاحه هي قشر معاي... ؟؟؟؟ ماعليناااااااااا ))

خلصنا من المهمه هذي وغطينا على الفضيحه

اسم الحلى حلى التوفي.......

طيب وين التوفي....؟؟؟؟؟؟؟؟

الحين تشوفون...

جيبوا فنجان سكر.... وعلبة قشطه..

حركوا السكر على النار لين يذوب ويصير سائل... وحطوا عليه القشطه وحركوها... يصير لونها احم..... ماادري بيج يمكن...
المهم... حركنا السكر صار سائل... وجمممممد صار كتله ما ادري ليه .... قعدت عشر سنين لين ذاب بعد ما حطيت القشطه
المهم صار شكلها حلوووووووووووووووووووو ... وحطيتها فوق اللي قشرناها..... وغطى على الشكل اللي طلع ..
وحطيناها بالثلاجه..

طبعا كل العالم كانوا خايفين يجيهم شي بعد الاكل... بس الحمد لله الأمن مستتب..


5 بالعنايه ..

10 بالتنويم

15 غسيل معده

والباقي ماادري يدعون علي الظاهر..

وانا زي العفريته لأني ما أكلت معاهم.....

((( حلوه الاعداد هذي هاه ؟؟؟؟ )))


المهم..... لا أطول عليكم أكثر من كذه......

الطبخه أقصد الحلى خطيررررررررررررررر... وشفتوا نتايجه أعلاه ..

لا يفوتكم سووه وادعوا لي والا ادعوا علي ... ترى عادي..

بس انتبهوا وتعلموا واتعظوا من الحوادث اللي صارت فوق... طيب..؟؟؟؟؟




يالله .... سلالالالالالالالالام....

[القعـقاع]

إممممممممممممممممممممممممممممممم

والله شكلها شيء هالطبخه بس . .:( :( ما أعرف اسويها

ولا راح اعرف والله ما اعرف الا اسوووووي بيض

وقصدير سمامين او قمري ........ ........


إممممممممممممممممممممممممممممممممممم


إممممممممممممممممممممممممممممممممممم


إممممممممممممممممممممممممممممممممممم


إممممممممممممممممممممممممممممممممممم

شيء شيءشيء . . . .الله يعطيك العافيه يالمرجوجه , , ,

[الامبراطور]

شكرا اختي المرجوجة

اعتقد ان الحلى هذا اسمه حلاوة البقر هذا مع قلة خبرتي بس يوم علمت اهلي بالمقادير قالوا هذا حلاوة البقر

وانا اعتقد اننا نطلق عليه اسم حلوى السيدة عجقة يكون افضل


واتمنى كل فترة يتم تزويدنا ببعض الطبخات المرجوجية وغير المرجوجية لتبادل الخبرات بين اعضاء المنتدى

[المرجوجه]

هلا اخوي القعقاع....
بيض وقمري.... .. .. ماعلينا...
مشكور على مرورك.. .. وحاول وتضبط معك الطبخه .. أٌقصد الحلى..


هلا اخوي الامبراطور..
السيده عجقه على قولتك .. أرحم من حلى البقر.. ..
ههههههه.. حياك اخوي ومشكور على تعليقك ومرورك ..... يعطيك العافيه اخوي...............

[سعودي]

اتوقع اني سمعت بهالحلى

والظاهر انهم يسمونه مثل ما قال الامبراطور حلاوة البقر

لان طعمه يشبه حلاوة البقر اللي يوردها واحد اسمه المداح

بس ودي اعرف من وين جمع الامبراطور كلمة عجقة

وماذا تعني العجقة

اللي انا اعرفه العجة

وياليت الاخت المرجوجة تزودنا بطريقة اعداد العجة المرجوجة

ونكون لها من الشاكرين

[دمعة]

هههههههه

مسرحية + فلم أكشن + مفاجئات + قصة

مشكورة مرجوجتنا
والله اشتقت لسوالفك

انا سويتها قبل كذا بس مااحتجت بعض الاشياء اللي استخدمتيها مثل المصفي والتقشير

ولا أحد راح المستشفى ولا شي

بالعكس

ننتظر منك طبخات حلوه بس نرجو انه مايصير فيها اصابات

[المرجوجه]

هلا اخوي سعودي........
العجهالمرجوجه... والله انا سويت بيتزا بيض.. أو بيض بيتزا..
ممكن نعتبرها عجه مرجوجيه..... هي سالفه فيها البيض بيتزا............
واللنك لها.......

http://www.rafha.com/vb/showthread.php?s=&threadid=174

ومشكور اخوي على مروك وتعليقك... بس وشي حلاوة البقر..؟؟؟
ماعلينا................ يعطيك العافيه اخوي....... ومشكور.........

هلا اختي دمعه.........
زين أشوا ما تستخدمين الاعانات الخارجيه اللي استخدمتها.. .. بس ترى التقشير كان ممتع مرررررررره......
مشكوره اختي على المرور والتعليق الحلو..........
يعطيك العافيه..............

[المزيونه]

يا سلام يالحلى المرجوجى

حلو جدا بس لاتركينه يحترق وتحتاجين تقشير

لكن فعلا بالمقادير وبالنار زيادة جعلته مرجوجي بحق وحقيقة

[3'reb mn rfha]

المرجوجه

aslam 3lekm

tn97n ajrb a6b5ah wal la

madre shklh m3're mn almgder 3ad ana br ana ale a6b5 l3eal 3me mt7de 3l a6b5 e3ne al7rkat ajdedah e3ne aksh5 3lehm fe a6b5ah aw ansa aslfah a7sn
wb3dn ash 9r lhlk ale fe almstshfah a6l3w wl la

anshalah meshwfwn shr shklhm 7rmw eklwn mn 6b5k thane mrah

ealah m3 1000000000000000 slamah

a5wkm )al3'reb mn rfha)

[المرجوجه]

حياك اختي المزيونه..
أبشرك سويته مره ثانيه ...... ونقدر نقول ما احترق.......
مشكوره اختي لمرورك وتعليقك... يعطيك العافيه ..


وعليكم السلام اخوي... 3'reb mn rfha
ماعليك اخوي لا تخاف ترىاه حلو..
واللي بالمستشفى ترى حلوين وظريفين وخذوا درس ... انهم مره ثانيه ما ياكلون شي أسويه..
مشكور اخوي لمرورك وهلا فيك معانا.. يعطيك العافيه ...