ويبار والويبار ساس على ساس

[العود الازرق]

صح لسان الشاعر
وليس غريب المدح بشمر ولا تهون القبائل الاخر

[رفحاوي]

أخي رفحاوي شرفك الله بالنظر لوجهه الكريم يوم العرض الأكبر ولكن ماراح تشوفن الا تعطيني وعد أنك تمرن وانت جاي لرفحاء في ذيك اللحظه ابشر باللي يجيك

اللهم امين واياك اخوي ابو يوسف ...

ياخوك يمكن اروح لرفحاء بالطيارة واذا رحت بر اكون بحملة ...

صعب نمركم واخاف ازعج القروي

ليتك تسوي معروف وتسير علي ...

[القروي]

اللهم امين واياك اخوي ابو يوسف ...

ياخوك يمكن اروح لرفحاء بالطيارة واذا رحت بر اكون بحملة ...

صعب نمركم واخاف ازعج القروي

ليتك تسوي معروف وتسير علي ...

الحمدلله
تر الطريق من عندنا عيوا الجماعه يحطون فيه مطبات ماعليك الا تحط رجلك وعن جدتك رفحاء لاتخاطي !!
الله يستر على الوغدان من طيرتك الشوف لك عليه وتسرع لاتركبهم معك اذا لهم خال خلهم يركبون معه وانت تقهو عند ابويوسف طيّب خاطره !!!

[القروي]

صح لسان الشاعر
وليس غريب المدح بشمر ولا تهون القبائل الاخر

الحمدلله
والله والنعم فيك يالعود الازرق وصح بدنك نيابة عن الشاعر .

[العالمي]

صح لسانك ولسان الشاعر

[القروي]

صح لسانك ولسان الشاعر

الحمدلله
صح بدنك يالعالمي فقدنا مشاركاتك عسى المانع خير ان شاءالله .

[السفير]

صح لسان الشاعر وجزاه الله خير وبيض الله وجهه.............

[القروي]

صح لسان الشاعر وجزاه الله خير وبيض الله وجهه.............

الحمدلله
نيابة عن الشاعر اقول صح بدنك وبيّض الله وجهك وانا اشكرك .

[الدب الداشر]

صح لسان الناقل ولسان الشاعرين ...

تستاهلوون

[القروي]

صح لسان الناقل ولسان الشاعرين ...

تستاهلوون

الحمدلله
جزاك الله خير .

[الحدود]

الحمدلله
لاشك الحياة تجارب ومواقف والانسان مجموعة عواطف ولابد ان يمر به شئ من هذه المواقف وتأخذه العواطف لشئ لم يكن بالحسبان سابقاً وكم من انسان كره شئ وفي الاخير اخذ يتغنّى في حبه وكم من انسان فرح لشئ وفي الاخير لايود ان يأتي طاريه له ابداً لأود الاطاله عليكم فزبدة الموضوع ان احد الاخوه المعلمين والذي اتت به الوظيفه الى هنا دون معرفه في هذه الهجره ولا اهلها ولا شك وقع التعيين عليه كالصاعقه لعدم معرفته بها والى اي محافظه تتبع وفي الاخير بعد سنه تمّ نقله وهاظت قريحته في الابيات التاليه يمجّد اهلها وهذا يدل على طيبة قلبه واصل معدنه كيف لا وهو ينتمي لقبيلة من اطيب قبائل الجزيرة العربيه الا وهي عتيبه !
انه المعلّم الشاعر مثيب ابن موسى العتيبي بيّض الله وجهه اترككم مع الابيات

سلام من هيل تهايل من الراس = هيل تدق احصون نجد العتيّه
تصل شمال المملكه لبن هبّاس = دار بثومة قلبي الداخليّه
لحب اهلها مالها عندي اجناس = شمّر هل الطولاة في كل هيّه
ويبار والويبار ساس على ساس = حمّاية التالي حصون الدعيّه
ليا تعزووا واعتلوا قبّ الافراس = ونعم باهل العزوة الشمّريّه
للطّيب واحدهم كما النور نبراس = ترحيب ومسامر خويً خويّه
لياجيتهم والصدر ضايق ومحتاس + تنسى هموم بالحشاء داخليه
ماضنتي من عقبهم بالقا الاوناس = لو نسمة الصمّان نسمه عذيّه
يفداهم الي دوم مصيافه بفاس = والا ورى الاردن شمال شويّه
قضيت معهم فرحة العمر ياناس = سبعة اشهور كنّه البرق ليّه
نذر عليّه مدحهم دون مقياس = اذكر مزاياهم صباح وعشيّه
وختامها يانفس لاباس لاباس = هاذي تصاريف الزمان القويّه

مثيب بن موسى العتيبي
رد الشاعر احمد الحماد الوبيري بهذه القصيده
هلا هلابك عدّ الانفس والانفاس = وعداد ماهل المطر ببرديّه

جانا سلامك يازبن كل نوماس= سيل يسيّل كل واد وشغيّه
احلى من السكّر واغلى من الماس = سلامكم يومن لفانا هديّه
طبع الوفا فيكم على كلّ مقياس = من طيبكم للطّيب صرتوا هويّه
وكان الوفا رجل عتيبه هم الراس = هل الشجاعه والكرم والحميه
عدوهم ذاق المهونه والاتعاس = ورفيقهم ذاق الحياة الهنيّه
لطّامة العايل ليصابه اعماس = يصبح من اللطمه على غير نيّه
ذبّاحة الحايل على اوقات الافلاس = يوم البشر كلً بلش في طليّه
مثل الجدي للي غدى وقت الادماس = ماتنطفي نيرانهم دوم حيّه
دلال مصفوفه وعلى النار محماس = ولياجيتهم عدّك بعيد الضحيّه
يامثيب ابن موسى غشى البال هوجاس = بالك تلوم الي جروحه طريّه
سبعة اشهور كنّها غطّت انعاس = راحت وكنه جلست وسط فيّه
ولاباس يابو ميّس لاباس لاباس = تر الخوي ملزوم ياصل خويّه
البعد هو بعد المشاعر والاحساس = وحنا مشاعرنا عليكم نديّه

هذا العتيبي رد الجميل الله يوفقه لك الشكر يالقروي على نقل هالقصيده والتعليق عليها .

[القروي]

[size=6]الحمدلله
شكراً على المرور والتعليق يالحدود[/size]

[ابو زياد]

صح لسانك ولسان الشعار ومشكور على النقل الرائع

لاهنت تحياتي لك

[القروي]

صح لسانك ولسان الشعار ومشكور على النقل الرائع

لاهنت تحياتي لك

[align=center]الحمدلله
ردك هو الرائع وابادلك الشكروالتحيه .[/align]

[رائد العجل]

والله ونعم باالثنين عتيته والويبار ولاتهون باقي القبائل وصح لسان الشعار والناقل