][ 2000 تحيـّه شمـــاليه ][

[ياقردي]

مبروووك عليك اختي شماليه الالفيه وجعلها الله لك لا عليك


والله يسهل امر لما يحبه ويرضاه


اعجبني موضوووعك ماشاء الله عليك


واعجبتني قهوتك والحلا


000 000 000 2 تحيه

[شمـــاليه]

الله يعينك على المشوار شماااااااليه ويفرجلك بالنقل إن شاء الله


ويطول بعمرك وتطربينا بمواضيعك أكثر وأكثر يالغااااااااااااليه.

حياتس وبياتس شمريه

واللهم امين يعطيتس العافيه لاهنتي ع المرور


شرفتيني

[شمـــاليه]

اتمنى لكن التوفيق والستر والامان

وعقبال النقل

الله يجزاك خير على الدعوه

شاكره لك مرورك ,, لاهنت

[شمـــاليه]

الف مبروك لك أختي شماليه وصولك لـ 2000 مشاركه أسئل الله ان يكون لك بكل مشاركه حسنه وعقبال 2000000 مشاركه ان شاء الله ....
أماسالفة المسدس ياليت كل وحده من زميلاتك تعمل مثلك .........

الله يبارك فيك ويبقيك وجزاك الله خير

وبالنسبه لزميلاتي مايلمسن شنطتي عشان المسدس تبيهن يشيلنه؟؟

لاهنت ابو محمد

[شمـــاليه]

وفقك الله أختنا الفاضلة شمالية وجعلها الله شاهدا لك لاعليك ان شاء الله
الآن تغير الوضع ماشاء الله شبكات الجوال شغالة بجميع الهجر والطرق مزفلته لما توصلين للقرية ..
بالتوفيق يارب لك والنقل ان شاء الله

حياتس الله مها ,, وجزاك الله خير على الدعوه,,

ووالله اننا نمر في طرق لا يوجد فيها للأبراج اثر مدةً لا تقل عن الخمسين دقيقه

ولا اثر لأمن الطرق ايضا

والعام كنت في قريه 17 كيلو من الطريق [ ردمية ]

إلى الان ياعزيزتي توجد بعض العقبات في طريق المدرسات

اعاننا الله,, شاكره لتس مرورتس ولاهنتي

[شمـــاليه]

الف مبروك ياشماليتنا الارهابية ..

وفقكن الله وستر عليكن

بعض الارهاب له اسباب

جزاك الله خير ولاهنت على المرور

[شمـــاليه]

اعانكم الله ...

موضوع بأسلوب راقي واثبات بالصور ...

ذكرني بموضوع للمعلمة بشاير الرويلي ...

"الطريق إلى عذفاء"

مما لاشكـ فيه هذه معاناة شماليه وكم من معلمة يبداء يومها بهذه الطريقة ...

المسدس ...

هو السلاح الشخصي لشمالية محد يلومكـ اختي شماليه ...


نسأل الله ان يديم الأمن والأمان على هذه البلاد المباركة ...

عقبال المشاركة 20,000

وألف مبروك التميز وإلى الامام دائماً ...

شاعره شماليه كيميائية مسلحه ههه ...

حياك وبياك ابو نايف ,,

نعم رأيت موضوع المعلمه بشاير كان الله في عونها

واكثر ما اعجبني يوم يطبخن ذبيحتهم ويستلفن القدور من الجيران

وايضا تسميتها للجمس الاسود باقيرا وللجمس الابيض الليث الابيض

الله يقرب بعيدهااااا

شاعره وشماليه مشيناهااااا

بس كيميائيه ومسلحه عليكم خطرررر ترى


عافاك الله ولاهنت ع المرور

[الشمري عبدالملك]

موضوع رائع اختي (شمالية)

كان الله في عونكم على قطع هذه المسافات

لكن ماقلتي لي ( شمالية ) تقطعين هالمسافات بمحرم ولا محرمك

هو مسدسك ..؟!

[ابو متعب]

علبة الذخيرة فيها 20 طلقه والمخزن فيه 3 رصاصات
والعلبة من الموزع 25 طلقة(( كعدد اجمالي بحسب علبة الذخيرهـ ))
اذن فيه طلقتين أعترفي من رميتي؟؟؟
الله يعافيج شماليه وموفقهـ باذن الله 2000000000000 شكر

[سهرانه]

[align=center]
سلمت يداك شماليه
وسلم الله عمرك وشبابك

هذي مشاركتي رقم 2000 انا بعد
حبيت اهني فيها شماليه
والله يجعلها في ميزان حسناتنا
وتشهد لنا

وتقبلواااااا من تحاااايااااي ااااغلالالالالالالالالالالاها

[/align]

[الدب الداشر]

هههههههههههههههههههههههههههههههههههههههه

إذا رجعت للنعيرية أبي أكتب لكم أجل مشواري اليومي من الشقة للمدرسة ..

<<< 14 كيلو مشواره ما ينشف وجهه الا بالطابور ..

المهم .. حجية شماليه ..

س / هل فكرتي في إستخدام هذا السلاح . حتى لو مع المديرة . أو إ
حدى زميلاتك .. لأني أرى بأنك عصبية .. ؟!


.
.

الله يوفقك يا حجية .. وعقبال ما نشوف مشاركاتك .. 200,000 ..

انا ما بقي لي شيء وأوصل 20 الف .. لازم أسوي موضوع أجل ..

على سنة رفحاوي التي أحيتها شماليه ..

[تربوي]

كتب الله لك الإجر والمثوبة في كل حرف كتبته في هذا المنتدى ..
وعقبال الــ 1000.000 مشاركة بإذن الله وأنت بأتم الصحة والعافية والسلامة ..

وعقبال ما تنقلين قريباً وترتاحين من هم الطريق والمعاناة اليومية والتي تمر بجميع أو أكثر المعلمات ...

[شمـــاليه]

هي المعاناة التي لابد منها ((شماليه )) وحتى لو توقفت المعاناة لفترة معينه ستعود لامحاله ولكنها احيانا ربما تكون ممتعه وستكون لها ذكريات طيبه وكل عمل بناء ومفيد له ضريبه وربما هذه ضريبة عملك ...... بالتوفيق اختي شماليه واسمحي لي اهدي لك هالابيات :::


الجمد للي له الانام ممتنه
ونعوذ بالله من شركه وعصيانه

تشكي شماليه من الضيقات والونه

الله يعينه على المشوار سبحانه

يامربية جيل الامه الجزا جنه

للي الى المجد يرفع راية اوطانه

حياك بياك هابي,,

صح لسانك على الابيات شاكره لك مجاراتي


لاهنت على حضورك.

[شمـــاليه]

وعليكم السلام ورحمة الله وبركاته ...
مبروك المشاركات وعقبال مليونين مشاركة ...
أعجبني كثيراً حملك للمسدس "الربع" ...
مسلسل يومي طويل وممل ...
أعتقد بعد هذه الوجبات أن هناك بوناً شاسعاً بينكن وبين الرشاقة ...
ما شاء الله ...
الحديث يطول وحقيقة شرفتينا بأخوتك ومشاركاتك الرائعة وأخلاقك العالية وشعرك العذب المنقطع ...
شكراً ألفين أختي شمالية ...

حياك بياك يا ابو الليّد

الله يبارك فيك ويبقيك ,, ماشاءالله عليك فعلا هو " ربع "

ههههههههه وبالنسبه للرشاقه ابشرك الطريق يهد الحيل

ولا للسمنه مع الطريق اليومي المتعب

وشرف الله مقدارك يشرفني رأيك بي شهاده اعتز بها منك

اشكرك لاهنت على حضورك

[شمـــاليه]

نسيت أطرح هذا التساؤل:
ما دام أن شمالية معها مسدساً فيا ترى هل سيكون سلاح عروبة مدفعاً؟!

ههههههه هذا التساؤل اتركه لصاحبة الشأن

في انتظارها