يعني كفرنا وارتكبنا جريمه

**الراشد** · 29 Jun 2005, 01:31 AM

أنت وأبوالولي وصح لسانكم وحائرا خجلا أقول أمام هذين المنظومتين الرائعتين
شاعر ين تعادلون لا كتبتو باالألاف شعار
شعركم مثل الذهب له اليـوم قيمـه

**نزيه** · 29 Jun 2005, 03:45 AM

اخوي سيللوزتقبل اجمل تحياتي ودمت على المحبه

**القروي** · 29 Jun 2005, 05:51 AM

ماني على محارم الناس دوّار لاجبت هرج ولا نقلت النميمه
-------------------------------------------------------------------------

كفو نزيه اسم على مسمى قليل هذه النوعيه كثّر الله امثالك يؤسفني انني لم اقراها الا متأخرا المعذره
فالقصيده رائعه وهي نصيحه بنفس الوقت لمن يعتبر
امدك الله بعونه وبارك فيك وبقولك والف شكر اخي نزيه .

**نزيه** · 29 Jun 2005, 07:20 AM

اخوي القروي الشكر كل الشكر لمرورك العذب وكلماتك الطيبه تقبل اجمل تحيه ودمت على المحبه

**سهرانه** · 29 Jun 2005, 11:39 PM

[align=center]
سلمت يداك نزيه شاعر
تذوب الاقلام بين يديه
وتترقق الكلمات بين شفتيه
داااام ابداااعك
[/align]

**نزيه** · 30 Jun 2005, 01:41 AM

الاخت العزيزه سهرانه الشكر كل الشكر لمرورك وكلماتك الرائعه دمتي على خير

**نفح الطيب** · 30 Jun 2005, 02:57 PM

[align=center]يا لطيف وش هذا يانزيه

لقد هزتني ابياتك هذه هزا شديدا

لست شاعرا ولكني أحب الشعر وأتذوقه

اشوفكم اعطيتوني وجه في منتداكم فتجرأت ، على العموم لاتخبروا أحدا بما أقول

للشــعر ناس وللخـــرابيــط سمســـار .............. وهل الفـــــضايل يدمحون العظـــيمه

ياهــيه ياللي بالحدث قلت الاشـــــعار .............. عجــــيب والله ماحدث من جـــــريمه

الله يـــبـــــارك بالذي ولــع النــــــار .............. وخلاك تكتـــب هالمعـــــاني الكريمة

نزيه انا طالبك يا نســـــــــل الاحرار .............. ومثلـــــــك يواسي بالمواقــــف نديمه

دلن على اللي ينـــهـض الحمــل ياثار .............. وللصاحب المامون نفــــسه سلــــيمه

وين الذي مـــثــــل النداوي ليا طـــار .............. يصيد دسم الصيد ويترك ســــقـــــيمه

يا صاحبي زمانك الــــيـــــــوم غرار .............. به الحصاني له مع النـــــــــاس قيمه

وهل الوفا والصدق صاروا به اغرار .............. والقدر به للســــــــــــــاقطة والهليمه

اقبل بوقتـــــــــك لو عليك الزمن جار .............. وعسى تجي معه الــــعــواقب سليمه

وتقبل تحيات اخيك نفح الطيب[/align]

**نزيه** · 30 Jun 2005, 10:18 PM

خوي نفح الطيب والله انك شاعر الف شكر على الابيات الجميله وعلى مرورك العذب تقبل تحياتي ودمت بود

**سهرانه** · 30 Jun 2005, 10:41 PM

[align=center]
سلمت يداك نفح الطيب
قصيده رااائعه ايضا
[/align]

**المحارب** · 01 Jul 2005, 10:00 AM

[QUOTE=نزيه][poem=font="Simplified Arabic,5,black,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
لليل ناس وللسواليف سمار=والقلب صافي والنوايا سليمه
الغدرماهو شيمة رجال واحرار=الغدر للا نذال مبدا وشيمه
دخيل ربك مابقى عندك اعذار=يكفي دمحنا زلتك والشتيمه
قل للرماد اللي شكى صالي النار=وشلون وقفات النديم لنديمه
قل للسكون اللي سبق ريح واعصار=يبي يمشيها علينا قديمه
الله يبارك بالليالي والاقدار=عرفت نيات القلوب السقيمه
اشوف صار العذر في سلمهم عار=يعني كفرنا وارتكبنا جريمه
ماني على محارم الناس دوار=لاجبت هرج ولا نقلة النميمه
جيت ارتجي رحمة عزيزٍوغفار=مالك سوى الله يالذنوب العظيمه
ماجيت ابي عرض الا وادم بالاشعار=ولا جيت ابي للبذر قاعٍ هشيمه[/poem]

الله واكبر عليك نزيه عزالله انها قصيده معتبره لاخلا ولاعدم منك

**المحارب** · 01 Jul 2005, 10:19 AM

[poem=font="Andalus,6,black,normal,normal" bkcolor="skyblue" bkimage="" border="solid,4,black" type=0 line=0 align=center use=ex num="0,black"][list]
للشــعر ناس وللخـــرابيــط سمســـار=وهل الفـــــضايل يدمحون العظـــيمه

ياهــيه ياللي بالحدث قلت الاشـــــعار=عجــــيب والله ماحدث من جـــــريمه

الله يـــبـــــارك بالذي ولــع النــــــار=وخلاك تكتـــب هالمعـــــاني الكريمة

نزيه انا طالبك يا نســـــــــل الاحرار=ومثلـــــــك يواسي بالمواقــــف نديمه

دلن على اللي ينـــهـض الحمــل ياثار =وللصاحب المامون نفــــسه سلــــيمه

وين الذي مـــثــــل النداوي ليا طـــار=يصيد دسم الصيد ويترك ســــقـــــيمه

يا صاحبي زمانك الــــيـــــــوم غرار=به الحصاني له مع النـــــــــاس قيمه

وهل الوفا والصدق صاروا به اغرار=والقدر به للســــــــــــــاقطة والهليمه

اقبل بوقتـــــــــك لو عليك الزمن جار=وعسى تجي معه الــــعــواقب سليمه[/list][/poem]

[frame="1 80"] قصيدة الشاعر نفح الطيب

قصيدة جزله والله انك ما انت هين يا نفح الطيب يعطيك العافيه [/frame]

**نزيه** · 01 Jul 2005, 01:57 PM

الاخ العزيز المحارب مرورك اسعدني تقبل اجمل التحايا واصدقها ودمت على خير اخي العزيز اما بالنسبه للاخ نفح الطيب فهو شاعر قوي اتمنى له التوفيق

**نفح الطيب** · 01 Jul 2005, 03:13 PM

السيدان العزيزان الحبيبان

نزيه و محارب

أشكركما على هذا الاطراء ، ولا تعودوا لمثله ( تروا صا حبكم يصدق بسرعة )

الأخت سهرانة شكرا لك انت كذلك

تقبلوا جميعا تحيات ( الشاعر !!!!!!! ؟؟؟؟؟؟؟ ) نفح الطيب

**المحارب** · 03 Jul 2005, 08:40 AM

هين عاد .... نفح الطيب

ننتظر جديدك ..... الله يكملك بعقلك تواضع واخلاق عاليه ماشاء الله عليك

شكراا نزيه .... ننتظر جديدك

**نزيه** · 03 Jul 2005, 08:11 PM

اخوي المحارب الف شكررررررررر على مرورك العذب وكلماتك الجميله

آخر المشاركات

الموضوع: يعني كفرنا وارتكبنا جريمه

أدوات الموضوع

تقييم هذا الموضوع

عرض

مواقع النشر (المفضلة)

مواقع النشر (المفضلة)

ضوابط المشاركة