[align=right]الرجل هو عمود البيت كما يقولون...
وهو ولي الأمر وصاحب الشأن امام الله عن أمانته...من نساء واطفال!!
أتصلت بي زميلتي بالعمل...
لتبلغني انها تنوي زيارتي للأطمئنان عن احوال والدتي حفظها الله وأطال بعمرها..
وصلتنا حسب الموعد ومعها اطفالها تجاذبنا الحديث وأكل الفصفص حتى جاء موعد ذهابها لمنزلها ...
أخرجت جوالها من حقيبتها واتصلت...
الو...
وينك...
لاتأخر تعال خذني من البيت الي نزلتني فيه يالله بسرعه لاتأخر الله يخليك
وشفاوة حريم سألتها من زوجك
قالت لا..السواق
قلت ماشاء الله جايبين سواق
قالت لايحسرة من وين هذا سواق مثل اللموزين اتصل فيه يجيني ويوديني وين مابي
صراحة اتصدمت وقلت وزوجك عارف قالت ايوه وماسأل
قلت شلون طريقة السواق هذا
قالت هندي يوصل الراكب بعشرة وانا وبزاريني كلنا بثلاثين جابنا وبثلاثين يرجعنا
بيني وبين نفسي قلت اف معقول بس من صاحبتي 60ريال خلال ثلاث ساعات كم يوصل هذا السواق حرمة باليوم
غير كذا حرام كيف حرمة تركب مع اجنبي بدون محرم
مسؤولية من العامل الهندي هذا يسرح ويمرح برفحاء ويودي بنات خلق الله
لو فيه بنت ماتخاف ربها ودروبها بطاله بسهولة تتصل بالهندي يوديها ويجيبها بدون محد يحس
لازم نشوف حل للمشكله العضال هذه ولازم الرجال ينتبهون لهلهم لايضيعوا في غياهب الجب وبعدها ماينفع الندم


وربي خايفه عليكم
اختكم/تائهه
[/align]