صور تتذكرها عن رفحاء ( من الذاكره )

[أبوعبدالله55]

ذكريات جميلة جدا جدا اخي كل ماذكرت محفور بالذاكرة تحول لشريط اخباري امام عيني بس نسيت العسة والخضارين الرمثاوية وبابو.
لقد ذكرتني بعض اخوينا القديمين وتذكرت الشباب اللي كانوا يسبحون وكان فيه شايب يسحب ماء بالماطور واحد منهم يقول لزميله( بليز كذمي ذا هصاه ابي اسدهوز الماطور تمويه على الشايب لكن الشايب فهم الموضوع وطردهم )
للذكريات بقية

[الحمدان]

جزاء الله بالخير الكاشف 000000 فهو خير معبر عن الفتره00000000

[قارة رفحاء]

أخي الفاضل:(الكاشف) تسلم والله يالغالي (كشفت) وسردت لنا أحلى الذكريات الجميلة شكرا شكرا مليون شكر.... ياالله..... ما أحلاها من حياة... بساطة .....أخوة.....مروة.... كلنا على قلب واحد والله ماقصرت نطمع منك المزيد فأنت اسم على مسمى.... لاتحرمنا الذكريات.
حبيبي( أبو طلال): والله صدقت يالغالي... الدموع أربع أربع..... شكرا لك .
أخي الفاضل( هبساوي) لك كل الشكر على مرورك.
أخي الفاضل(أبو عبدالله55):العسة والخضارين.... يقدمك..... تسلم يالغالي لك مني كل الشكر وأطمع منك المزيد.... لاتحرمنا.
حبيبنا (الحمدان) :تسلم يالغالي وفعلا أخونا الكاشف كشف وعبر لنا الذكريات بالتفصيل.
أخوي الغالي( التابلاين): أنت (ملح المنتدى) الله...... فلافل أبو يحي ....وآيسكريم بابو
ما أجمل ذيك الأيام............ أطمع منك المزيد يالغالي.
كل الشكر لمن قرأ وعلق على الموضوع وأعود إلى سرد الذكريات:-
كما ذكر أخوي (التابلاين) و(أبو عبدالله55)آيسكريم (بابو) وأحيانا يسمى ( شوكة) ذلك الرجل الباكستاني الذي يجوب الشوارع بعربته ويضرب بوري (سيكل مطورله له ثلاث كفرات وفي الوسط زي الثلاجة مليانة آيسكريم على شكل كاسات بلاستك مغلفة من أعلى بقصدير ذهبي وأحيانا أحمر ومكوناته حليب نيدو وفانيلا مجمد يصنع بالعمارة اللي بالشارع العام قرب محلات الفوزان.
أتذكر الماقف( سوق الغنم) بالشارع العام وكذلك سوق الخضار واللحوم( حاليا المكان اللي فيه فلفة والمحلات القريبة منه)
أتذكر السوق الشعبي اللي بساحة مسجد العيد القديم أمام سوبرماركت منديل الآن.... وأذكر شخص اسمه( قعيميل العنزي) من البياعين بالسوق عنده جمس قديم... وبالمناسبة شفته أمس يبيع ( عند جامع الوليد) ومازال جمسه ماشاء الله تبارك الله سليم ( الله يعطيه الصحة والعافية).
أتذكر مستشفى الشبك( مستشفى أرامكو) والحكيم (الطبيب) والنمرة: (الرقم الدائري اللي فيها سلك).
أذكر مستوصف رفحاء(مستشفى رفحاء) ومقره اللي بجنب بيت الجريسي ثم انتقل إلى بيت دحيم الثواب اللي قدم مخبز اليحي ثم تحول إلى مستشفى وانتقل إلى مقره اللي بجنب الاتصالات الآن مستشفى النقاهة وكان ذلك عام 1405هـ .
أتذكر الحفلات المدرسية التي تقام ليلا ويحضرها جميع الأهالي وأولياء الأمور كانت حفلات صح.
أتذكر دوري منتخبات المدارس ومقره مدرسة المثنى بن حارثة كرة قدم كرة طائرة كرة سلة والجماهير الغفيرة ومدراء المدارس والمعلمين وأذكر من اللاعبين: سعد الطريخم( لاعب طائرة) من المثنى عزيز جزاء( لاعب طائرة) من البراء وكنت اسمع الجمهور( جمهور المثنى) يقول: شوفوا سعد وش سوى...... خلى عزيز يتلوى.......... ومن اللاعبين مناور مسباح وصالح البيشي ونايف مسباح وحمود الغازي ومهاوش الريس والريض هندي واذكر جمهور هارون يقولون : حنا طلابك هارون ......كل واحد يسوى مليون
وكان عدد المدارس ثلاثة فقط هارون والمثنى والبراء
وأذكر إذا كان هناك صلاة استسقاء ما نروح للمدرسة
واذكر الفسحة بالمدارس في البداية عدس ورز بعلب قواطي وحليب
ثم تطورت إلى علبة كاملة لونها برتقالي وأخرى خضراء كل يوم صنف تحتوي على حليب وكيكة بالزبيب وفول سوداني و علبة أناناس يسمونها (سلطة) وعصير مر قريب فروت وجبن وبسكوت اكسترا شكولاته بيضاء لفالين طعمها سكر
وأذكر يوزعون علينا ملابس رياضة كنادر مشمع وكنادر سود وملابس صفر وأحيانا خضر تم وضع على الملابس شعار وزارة المعارف.
واتذكر حلويات شافي الخليل أبو ماضي ( الله يرحمه) مقرها الآن أمام المسطح الأخضر اللي قدام المقبرة كان يشب كل عصر بالشارع.
وأتذكر ألبان اسمها ألبان بسمة ولبن المشيقح ولبن سنابل.
وأتذكر ابن دويهم الله يرحمه اللي بيته قدام النادي ويشب بالشارع ويوزع على كل من مر بيبسي ومرندا .... عرف عنه الكرم رحمه الله.
أتذكر استراحة الراحة مرزوق وسمعه اللي بجنب الفرسان الآن.
اتذكر معرض هائل مهوس بشارع الأربعين
هذا ما لدي ولي عودة إن شاء الله تعالى ولاتحرمونا مشاركاتكم،،،

[العلياني]

أنا ما عندي أي ذكريات أذكرها
هههههههههههههههههههههههههههه

[قارة رفحاء]

أخي( العلياني): مرورك شرفني ويكفي منك الضحكة........
الأخوة المشرفين الأعزاء لكم مني جزيل الشكر على تثبيتكم الموضوع وأعود لموضوعي:
أتذكر (القيلة) وهي طلعة البر كنا نطلع للبر حنا والجيران اللي بالحارة بسيارة وحدة تخيلوا كم عدد اللي بالسيارة لا و عوائل بعد.
أتذكر (المصّرف) أعزكم الله اللي قدام بيت العوجاء من الغرب بجانب شبك التابلاين .
أتذكر( الحفر) اللي كل طلعات الأهالي فيه عند شبك الحرس وخلف التابلاين
أتذكر غرقة ولد السنتلي الله يرحمه وهو زميل دراسة .
أتذكر عصفور العراقي وهويحمل الفأس ويحفر الحفر للبيوت.
أتذكر تلفزيون أرامكو أبيض وأسود وهو يبث لنا البرامج.
ولي عودة إن شاء الله تعالى وأملي بالله ثم بالأخوة الأعضاء سرد الذكريات....

[التابلاين]

قاره رفحاء لاتنسي الحجره اللي يوجد فيها مولد كهرباء ولا تنسي ايضا السينما والقلف وتذكر الفريق الذي نافس نادي التضامن وكان اسمه قدر

[المهندس]

[align=center]ماشاء الله على الاخوان

هذا مقطع مين يتذكره

[flash=http://www.youtube.com/v/Je8Tp9TeB8I]WIDTH=400 HEIGHT=350[/flash][/align]

[قارة رفحاء]

أخي الغالي (التابلاين): نعم أتذكر (الحجرة)....كنها قدامي الآن.... والسينما والقلف.... إيييييه.
أمافريق (قدر) الله المستعان..... لم ينافس بل تفوق على التضامن... ذكريات حللللوة وأطمع منك المزيديالغالي.

أخي (المهندس)يقدمك.... ماشاء الله عليك من وين نطّقت هاللقطة........ يااااااااااااااه
من منا لا يعرف هذا..........( ستيف أوستن) .... كنا ننطقه (سديف) ذلك الرجل اللي يده ورجله واللي يركض بالحركة البطيئة ويدربل بعينه طططططط.. كنا نتابعه وإذا خلص أرسلونا أهلنا نجيب خبز وأغراض من الدكان وعند الركض نقلده والعجيب كل الأولاد بعد الفيلم مباشرة يخرجون بالشارع وكل يركض بالحركة البطيئة ويدربلون طططططط........... مصدقين...... شكرا ألف يالمهندس.
أتذكر فيلم ( الرجل الأخضر )اسمه ( ديفد) رجل جسمه عادي بس إذا غضب وأحس بالخطر صار وجهه أخضر وعيونه خضر وينتفخه ويصير عضلي ويشقق ملابسه ويصبح كبير الحجم وينط من أعلى والملابس ممزقه على كتفه ويصرخ ويزأر كنه أسد..... كنا نقلد ديفد نقّطع الملابس ونسوي زيه.... واحد من أهل رفحاء كان نايم فوق غرفة الدكان اللي بيتهم وحلم إنه ديفد وطبق وأنكسرت يده.......... كنا نصدق الأفلام الأمريكية حسبي الله عليهم يضحكون علينا.
وأتذكر فيلم المرأة( جيمي) اللي تسمع بإذنها من بعيد.
لعن أبوشيطانهم يعطوننا خزعبلات وحنا مصدقين..... بس تبقى ذكريات.
أتذكر الشايب اللي دايم بالسوق معاه باكورة( عصا) اسمه( أبا قرين ) الله يرحمه.
أتذكر الحلاق الحساوي ذلك الشايب صاحب السوالف( ماجد السبت)أبو (عبد الرحمن السبت) اللي الآن صاحب أكبر صفة حلاقين برفحاء كان المحل تقريبا حسب ما أذكر بجنب تسجلات الفردوس الآن اللي بالشارع العام.
وأتذكر وكالة العرادي للسفر( مكتب الخطوط السعودية) بجنب فندق العلاوي مقابل الخليوي للأجهزة الكهربائية.
وأتذكر مكان البلدية بالعمارة اللي مقابل مسجد الشيخ فضل....
وأتذكر شارع (سد خشمك) أعزكم الله لا زم تلطم من ريح المصّرف.
أتذكر معامل الطابوق( معمل طريخم [الله يرحمه] ومعمل خلف الفريد[ الله يرحمه] ومعمل [ مبارك البقعاوي] ومعمل[ محمد القبلان] ومعمل[ رشيد العوفان].... من الفجر تسمع صوت الطاقوقة ( المكينة) والعمال عراقييين.
أتذكر العراقيين وقت العيد يدبكون الدبكة العراقية و يغزفون الماصول العراقي.
أتذكر النوم فوق السطح وقت الحر..... لي عودة إن شاء الله ولاتحرمونا مشاركاتكم...

[المهندس]

[align=center]ههههههههههههههه

والله مالحقت على ستيف

سؤال: اللي نعرفه انه ماتطل مقاطع فيها حريم على التلفزيون والافلام الاجنبية ماصارت تعرض الا من يوم جاء وزير الاعلام هذا

بالنسبة للافلام الاجنبية ماكانت ممنوعة؟

شوف بحط لك مقاطع من ستيف والرجل الاخضر

ولقيت لك ططططططط بس مو تطلع تركض بالحركة البطيئة للدكان

ولا تقطع ملابسك

ترى ماني مسئول

هذا المقطع اللي فيه الاشياء اللي قلت عليها و ططططططط

[flash=http://www.youtube.com/v/_ItmyrkYOHI]WIDTH=400 HEIGHT=350[/flash]


وهذا الرجل الاخضر

[flash=http://www.youtube.com/v/iKvqXxsPDQk]WIDTH=400 HEIGHT=350[/flash][/align]

[أثير]

الله يعطيكم العافية

ياعمامي شكلكم شيبان بالحيل أعماركم

أنا أحب الذكريات لو ماكنت حظرته

كانت القلوب صافية مو مثل هالوقت

الحقد والحسد طالع مع أذان الناس

إلى القليل منهم الي الله راحمه..

[قارة رفحاء]

ططططططططططططططططط...... مين:( المهندس) هلا وغلا بك يالغالي ماقصرت ويعطيك العافية،،،،،،،،، جميع اللي نزلت كان يبث من تلفزيون أرامكو من محطة رفحاءء وليس من النلفزيون السعودي
أخي أو أختي:( أثير)....... حنا شيبان هاه..... زين ....زين ....على العموم شكرا لمرورك ويعطيك العافية.
ولي عودة إن شاء الله ولاتحرمونا مشاركاتكم

[قارة رفحاء]

من الذكريات :-
أتذكر مدخل رفحاء من جهة محلات الغنام لوحة ترحيبية من الخشب وضعت على امتداد الشارع من فوق.
أتذكر الدوار اللي بالشارع العام والعسكري يقف بالنص ومعه صفيرة .... لاإشارات ولا يحزنون.
أتذكر المنظر الجمالي للمدخنة اللي بالدوار أمام صيدلية السالمي.
أتذكر الشويان( عراقيين) وهم على سياراتهم الغشم أو الغشماء اللي دركسونها من يسار واللوحات صفرمكتوب عليهن المثنى أو النجف، وأذكر المواقف اللي بالشارع ا لأصفر كانت لاشارع أصفر ولا يحزنون كلها مواقف تريلات وحصنيات وايتات وغشماء وزيوت وقواطي.
وكان حد الشارع الأصفر قرب البيب محل المسطح الأخضر ألان امتداد الممشى طريق مسارواحد وكل الشارع الأصفر أرض ترابية عبارة عن مواقف وأذكر الشويان وهم ينزلون أغنامهم ويمشون بها مابين بيوت الغنام والدخيل والضباح ( الآن الشارع اللي بين فندق الدانة وبيت الغنام) تسمع أصوات الغنم وهم منحدرين من الطلعة متجهين لماقف الغنم اللي بالسوق ماتسمع إلا صوت الزنوبة ومصقها.
أتذكر كيف كنا نشارك في أسبوع المساجد ونقوم بتظيف المساجد.
أتذكر كيف نشارك بأسبوع الشجرة نحفر ونزرع.
أتذكرجامع رفحاء القديم وإذان (علي التركي) يرحمه الله.
أتذكر محل فلافل رمش بالبداية ومكانه بجنب مطم السنتلي عمارة مبارك البقعاوي اللي قدام غاز متروك مشعان كمان رمش ضعيف وتوه جاي ولا يعرف الفلافل بس يسوي هامبرغر وشاورما..........
واتذكر إذا كان هناك عرس كيف نجمع الصحون والقدور والفرش والدلال والكاسات والفناجيل والطياس من الجيران والأهالي... ويكتبون على الصحون والقدور الأسماء حتى ماتضيع ويرجعونها..... لاقصور أفراح ولا محلات تأجير.
أتذكر العضبة ( أو التطعيم) في مدرسة هارون الرشيد القديمة والعضبة في العضد الأيسر زي الكوي ... لذلك إذا تبغى تعرف أهل رفحاء الأولين شف مكان العضبة ......
ولي عودة إن شاء الله بس وين الناس؟ أرجو التفاعل.

[النشمي عناد]

إقههههههر قليـــــــــــــــلاً .... ماخليت لنا شي نتذكره

عااااد تصدق اليوم ... تذكرت ( حلويات السعيداني ) ولقيتكم ذاكرينه

أذكر طلاب كبار .... كانوا يهذرون بمدير مدرسه إسمه ( البرقـــــــــــــــاوي ) .

وأذكر الزمام والفريح والعباد .... لاعبين نادي التضامن لكرة الطائره .

عاد قارة رفحاء أنا من مواليد سكــــــــاكا ودرست فيها ولما نقلنا لرفحاء

كان والدي وثلاث من أعمامي يعملون في الدفاع المدني بسكاكا ...

أحدهم والد / مختار مدير العمليات بالبنك الأهلي .

كان مافيه برفحاء دفاع مدني ( مطافيء) وهذولا أول مجموعه وصلت هنا

قبلها الظاهر كانوا ( يكوحون بالتراب ) .

وسياراتهم لونهن أحمـــــــــــــــــــــــــــــر ؟
...............

وكان الذويبي الحربي أمير فوج رفحاء ...

وكان الإيجار في رفحاء (200) ريال وشارع الأربعين نهاية البلد من الشرق ؟

وكان به بياع فلافل مقابل المتوسطه والثانويه في رفحاء من جهة الغرب

بحارتنا سابقاً ( أبو أحمـــــــــــــــــــــد )

وأتذكر عندما جالت سياره شوارع رفحاء الترابيه ( دعايه )
للبهلوان عبدالرحمن بهلوان .... وكان العرض في مبناء النادي

بجانب السجون وكانت النساء يجلسن على القاره بجانب السجون ويطالعن
لمباريات التضامن . يااااااسلام .

وأذكر القصابين السعوديين واصحاب الخضار أردنيين .

واذكر مدرسة هارون بمكان سوبرماركت ألفين .

وأذكر افتتاح مبنى إمارة رفحاء وبناء خزان المياه .

وأذكر أشهر عسكري في شرطة رفحاء ممن عرفوا بحب الناس

وكيل رقيب سابقاً ( نـــــــــــــــــاجي الشـــــــــــلاقي )

وأذكر نقيب إستلم مرور رفحاء كان شديد وإسمه

( سلمـــــــــــــــــــان عطــــــــــالله ) الله يذكرهم بخير .

والله يذكرك ويذكر الجميع بخير ياقارة رفحاء .

[قارة رفحاء]

هلا وغلا فيك يالنشمي .........يالغالي طولت الغيبات ،،،، وين الناس عسى ماشر! ومن طول الغيبات جاب الغنايم .......... على العموم ما قصرت وفيت وكفيت ونبغى منك المزيد لاحرمناااااااااااااااااااااااااك.

[قارة رفحاء]

عودة إلى موضوعنا وأتذكر:
المجاهدين الذين يحرسون (البيب) ومقر سكنهم أمام التابلاين خلف ملعب الفيصلية من جهة الغرب ....... وأذكر أنهم كانوا يمسكون اللي معاه ساكتون أو شوزن وخاصة اللي يقنص قرب (البيب).
أتذكر مقر الحرس الوطني سابقا بين مزرعة الشهري وحارة العنوز ( الان بالضبط مقابل مقر سكن كلية المجتمع تقريبا[ بيت فرحان جبان] ومازال بقايا الأطلال لمقر الحرس.
أتذكر مدفع رمضان اللي فوق القارة اللي بجنب مطعم علي بابا الآن، ثم انتقل إلى القارة اللي قريبة من مبنى محافظة رفحاء ومقابل ثانوية رفحاء من جهة الشمال.
أتذكر أبو غديف( راضي ) الله يرحمه وهو ينظف الشوارع بعربية (كان موظف بالبلدية).
أتذكر العجوز( همله) الله يرحمها اللي ساكنة بالقارة في بيت شعر بجنب بيت الزهراني ومقابل بيت مقبل السكتي الله يرحمه من جهة الشرق.
اتذكر العجوز( أم غديف) الله يرحمها حية ميته وكيف كنا نخاف منها.
لي عودة إن شاء الله ولا تحرمونا مشاركاتكم......