نداء عاجل

**خالد2000** · 19 Sep 2003, 12:34 AM

جااااكم ابوالفييييين

استلم ياحمود

اولا قطع البصل والطماطم (الله لايقطعنا من رحمته)

عاد التقطيع خذ راحتك وعبر عن شعورك

بانواع التقطيع

والمقاطع الطوليه والعرضيه بس انتبه لاصابع رجليك

قصدي ايديك

ثانياحط القدر على النار(الله يجيرك من النار)

ثم حط ( الله يحط عنك الذنوب والخطايا ومن يقرا)

صارت خطبه

مقدار ملعقه ( يفضل ان تكون ملعقةمن ملاعق الشوربه

اللي في رمضان)

الا على طاري رمضان الله يلحقناعلى خير انا انصحكم

انكم تشرون الاغراض من هالحين لان التجار حالفين انهم

يطلعون خسايرهم هاالسنه من مخابينا الله لايخسر

الظاهر اني اخذت الدوار

نرجع للطبخه

ملعقه من زيت العافيه او العربي او مازولا او

ارخص واحد اهم شئ يكون زيت طبخ في القدر وتخليه لين

يغلي جيدا جدا

ثم ضع البصل ودعه ودعه ودعه حتى يحمر

احمرارا شديدا

وفي هذه الفتره فسر عن ذرعانك ولقط اللحم وغسله

وصوبنه ونقعه

قبل لايحترق البصل طبعا هذا يعتمد على

سرعة البديهه

نرجع لبصيلاتنا اذا تحمرن

عطنا خبر لنكمل الخطبه قصدي الطبخه

لي رجعه

**أبو هيا** · 19 Sep 2003, 01:20 AM

ههههههههههههههههههههههههههههههههههههه
الله يرجك ذبحتني .

كمل الطبخه بسررررررررررررعه ترى البصل دخن .

خالد2000 :انت رهيييييييييييييييييييييييييييييييييييييب.

**خالد2000** · 19 Sep 2003, 03:07 AM

هالحين الله يخليك لعين ترجيك

خذ هاللحيمات اللي غسلتهن وحطهن على البصيلات

وضع قليلا من البهارات ثمن اقلب القدر

قصدي اللحم

وخذلك كم تفحيطه بالقدر

لين تدوخ وبعد كذا خذ الطماطم اللي انت ماعطيته وجه وخله يلعب معهم
واتركهم برهة من الزمن يعني تقريبا اربع ساعات عشر ساعات -

------ عشر دقائق يترافسون ويتهاوشون داخل القدر ولاتاخذك الشفايه تبي تشوف وش يصير داخل كاني اشوفك كل ثانيه ونت فاتح القدر

بعد كذا اسكب ماء دافئ الله ذكرني الماء الدافئ في ايام الشتاء القارص اذا دخل الواحد الحمام الله يعزكم
ماوده يطلع

لين يخلص الماء اللي فالسخان واللي بعدك يرسل لك من انواع الشتائم والدعاوي

الظاهر ان هالطبخه ماراح تخلص نرجع للماء الدافئ اسكب >>>> جازت له الكلمه

الماء حتى يغطي اللحم تغطيه شامله كتغطية شبكة الجوال لمدن وقرى المملكه

واترك الطبخه حوالي الساعه

وفي هذه الفتره تكون قد انجزت 50 % من الطبخه الله

لايخسر وتقدر في هذه الفتره تاخذ لك قيلوله وتمغط لك شوي كانك مخلص اختبار الفيزياء الفتره الاولى وبعدها اختبار الفقه>>>>>>>>>
واذا خلصت الساعه اقعدني نكمل الطبخه

**أبو هيا** · 19 Sep 2003, 04:16 AM

يابو الفييييييييييييييييين اقعد الساعه خلصت.

**رفحاوي** · 19 Sep 2003, 09:31 AM

حمود ...

عطه فرصة يرتاح عقب هالشرح المفصل ...
تبي الصراحة حتى لو ما وراه سالفة (من ناحية الطبخ) يكفي اننا نقرا هالدرر اللي تطلع منه ...
لو على كيفي ودي ما تخلص هالطبخة ...
اذا خلص شرح قل له وشلون اطبخ ذبيحة ؟؟
خله يدهر الله يعطيه العافية ...

**خالد2000** · 19 Sep 2003, 08:12 PM

اخي رفحاوي

تبي الصراحة حتى لو ما وراه سالفة (من ناحية الطبخ)

احلى يارئيس الطباخين

شكلك حريف طبخ الظاهر انك من اللي نسمع فيهم واحد سالوه شلون تعرف ان الطبخه مملوحه يعني ملحها موزون تمام قال من ريحتها

الظاهر انك يارفحاوي تبي ترثع بي لحيمات وجلست عليهن ثلاث ليال ولاخلصن عاد الذبيحه يبي لها ثلاث قرون

قصدي شهور

شكرا لمرورك العطر

ولكلماتك الجميله

**أبو هيا** · 19 Sep 2003, 09:17 PM

ماشاء الله عليكم .. انا انتظر الطبخه وانتم من اليوم مزارق طيب..
اقول الله يخلي لنا هالافغانيه اللي يضبطون الرز البخاري..

خالد2000 :انت مشاركني بالموضوع يومك تقول لرفحاوي شكرا على مرورك العطر...

**رفحاوي** · 19 Sep 2003, 10:02 PM

حمود ...

اضحك الله سنك وملا بطنك بما لذ من الكبسات والحلويات ...
يوم قريت كلام خالد 2000 توقعت ردك اللي كتبت لاني صرت اعرف اسلوبك ...
خل ابو وليد يدهر ما متهيي لك اشوى منه انتبه لا يزعل ...

**الأسلمي** · 20 Sep 2003, 12:03 AM

الرجل مات جوع اخلص يا خالد الله يرحم والديك

اخوي حمود شكلها كذا تصلح للاكل كان طول كلها واترك عنك الرز

**خالد2000** · 20 Sep 2003, 01:20 AM

ابشروا بالخير وشبلاكم عجلين

اخي حمود خذ لك افغانيه وفتك من هالدوخه

>>طاحت الميانه

الله يرجك >>>
فيه مثل بدوي يقول
كل مشروك مبروك
ونت كريم وحنا نستاهل
ونا بعد توقعت المرد
اخي رفحاوي

كل شي يهون الا الزعل وش جاب طاريه

نبيه يارفحاوي اذا خلصت الطبخه يعزمنا عليها ماتضيع ادهارتي وانا ابو الفين

وين وصلنا ياحمود الله يخارجنا

تمام خلصت الساعه هالحين ضع قليلا من الملح وتذوق يعني ارشف وشف اذا الملح زين والا اسكب والا خلصنا منها هذي ضع زيادة ملح عاد الملح يعتمد على ملوحة الشخص

بعد كذا ضع >>>اليوم ماسكه على هالكلمه<<< كمية من الرز وهنا يبدا الابداع والخبره والمغامره مع الرز ( والا على قولت الاسلمي وشتبي بالرز )
كمية الرز تعتمد على الاشخاص اللي معك ومن واقع خبرتك الفرديه والملحوظيه والذاكريه اذا انهم بلاوي يعني هوام يعني اذا طالعت مضارب يديهم بالصحن تذكرت القواذف الصاروخيه على مدينة ابو عدي فالله يعينك على بلواك يبيلك كيس كامل ولايكفي
فاذا رجعنا للقصه السابقه نستنتج مايلي>>> الظاهر يبيله مشعاب

من واقع خبرتي الطبخيه كاس رز يكفي شخصين
خذ الرز ونقعه في ماء لمدة 10 دقائق
وبعدين ضع الرز مع اللحم وكتم القدر واذا عندك قصدير ضعه بين القدر والغطا تراه يكتم البخار مايتنسم ولا تنسى النار في البدايه تكون عاليه لمدة عشر طعش دقيقه وبعدها خفض درجة الحراره ودعه ودعه ودعه لمدة عشر طعش دقيقه وبعديييييييييييييييييييييييييييييييييين
بالهناااااااااااااااااااااااااااااااااااااااااء والعااااااااااااااااااااااااااااااااااااااااااافيه

ولاتنسى السلطه خيار وطماط وكوسا وبطاطس وباميا >>> تخدر

السوالف والعلوم واجد ولانبي نكثر عليكم على شان ماتبرد الطبخه

واااااسف على التاخير والعذر والسموحه

**أبو هيا** · 20 Sep 2003, 04:06 AM

خالدابو الفييييين....

اخييييييييييييرا....مابغت تخلص هالطبخه........
ماقصرت وجزاك الله خير...

الاسلمي

شكرا ......رفحاوي

شكرا.

آخر المشاركات

الموضوع: نداء عاجل

أدوات الموضوع

تقييم هذا الموضوع

عرض

العرض المتطور

مواقع النشر (المفضلة)

مواقع النشر (المفضلة)

ضوابط المشاركة