خلاص.. بطلنا نصلي !! (***)

[المحقق كونان]

المكان/محافظة رفحاء
الشارع الدولي (( الأصفر ))

الزمان/ وقت صلاة العشاء
تحديدا بعد الأذان بخمسة عشر دقيقه ددد
دقيقه


وانا في طريقي لأحد البناشر والتي اقصدها دائما وتربطني علاقه بالعاملين في البنشروهم من الأخوان السوريين وقد اعتدت المرور عليهم من حين الى حين وشرب بيالة شاهي عندهم او فنجال قهوه تركيه واحيان عصير تانج<< والله ياهم يضبطونه وعند وصولي كان الوضع على غير العاده اشبهه بالبركان 000
والحديث يدوربينهم (( السوريين )) ومحد منتبه لوجودي << بيني وبينكم طاح وجهي حسيت مو وقته ابد فشله اكيد موضوع عائلي خصوصا انهم جميعا تربطهم علاقة رحم وهنا بديت ابرمج ارجع ولا ابتل ولا اسئل سلامات وش السالفه وش فيه عسى ماشر !!!!!!!!!!!
في هالثواني المعدوده جت عيني بعين معلمهم الكبير وفي هالحظه الحاسمه تداركت الموقف<< يقاللي ذيب يعني
ابتسمت ابتسامة شرير وتقدمت بخطى ثابته وبلقافه معهوده مني وش السالفه؟؟
اااااااااااالا طمر (( يعني قفز )) قدام وجهي واحد منهم ذيك الطمره : قلت بس الحييييييييييين بيحط الحره فيني وبيقول وش دخل امك ، خابت ظنوني تتوقعون وش قال ؟؟؟
قال باللهجه السوريه : اخييييييييييييييي ربكن الكن احنا خلاص بطلنا نصلي !!!!!!

وبعد ان هدأ الوضع وركدت الشياطين عرفت وش السالفه
وهي ان هيئة الامر بالمعروف والنهي عن المنكر احد رجالهم مر من امام محل الأخوان على اقامة صلاة العشاء بتاريخ 12/11/1430ه ووجد ان احد الشباب فتح باب المحل خارجا لأداء الصلاة ومن عادة الشباب انهم اذا اذن لصلاة العشاء يسكرون المحل ويدخلون غرفتهم ويستغلون الوقت ويجتمعون لتناول وجبة العشاء وعند فراغهم من عشاهم يطلعون للصلاة بمسجد المحطه اللي هم بها راح صاحبنا السوري وصلى وبعد الصلاة جت دورية الهيئه واخذت الشباب لمقرهم واتهمتهم بأنهم لايصلون واخذت عليهم تعهدات بذلك
وما ازعل الأخوان السوريين انه كان وقت اداء الصلاة يتواجد اشخاص سعوديين امام الصرافه وبساحة المحطه ولم يتخذ بحقهم اي اجراء لأنهم سعوديين
والسؤال من الأخوان السوريين
هل الصلاة لله ام للأخوان في الهيئه ؟
هل تعليمات الهيئه تنطبق على الأجانب وتستثني السعودي ؟
هل الأمر بالمعروف والنصيحه تتم بالتنفير بدلا عن الترغيب ؟

وكثير من الاسئله تحتاج لأجوبه
ومني لكم بأنتظار مزيد من التنفييييييييييييييييير 0

ملاحظه / موضوعي لايمثل وجهة نظري ولا ينم عن عداوه او فكر معين 000
انما لنقل حدث يتكرر وبشكل اشبهه باليومي فأين الخلل ؟

دمتم بحفظ الله ومحبته