وطبان : مدير مدرسة متوسطة ليلي ...

ابو فهد : حارس مدرسة عند وطبان ...

معروف عن وطبان التمياط كرم اخلاقه مع الجميع ومن ضمنهم اخونا الحبيب ابو فهد ...

ابو فهد ماخذ راحته بالمدرسة ويامر وينهى وكانه المدير حتى بوجود وطبان ...وله هيبة بين الطلاب ...

مرة جاء طالب يبي يسجل بعد بداية الدراسة بكم اسبوع واول ما قابله وطبان وحبيب الشعب ابو فهد ...

مد الطالب ملفه وقال : ابي اسجل عندكم بالليلي ...

قال ابو فهد (ما اعطى وطبان فرصة يرد) : جالس عند اهلك شهور ويوم قربت الاختبارات جاي تبي تدرس ... وخذى الملف وقرطه على الطالب وراح ... قال له وطبان : ليه تقول هالكلام ؟!! تر لو جاء مرة ثانية ابي اقبله ...

موقف ثاني لابو فهد ... كان احد المدرسين يشرح وفجاة يدخل عليه ابو فهد وهو قاضب طرف ثوبه بيده ...

قال ابو فهد : منهو ط ب ق 302 (يعني من هي له هالسيارة)...

قال احد الطلاب : لي .

قال ابو فهد : وش انت شايف نفسك يوم موقف سيارتك على البوابة ؟!! قم طلعت ملويتك...

يقول المدرس مسكت نفسي من الضحك لطريقة ابو فهد وخوف الطالب منه ...


اللي عنده زود قصص عن ابو فهد يقرطهن علينا ...