في ذمـّة [ الشعر ] ..!!

**أبو هيا** · 17 Dec 2010, 08:21 AM

بعد المحبه , علامك مانت طايقني ؟

وانا على خبرك أشواقي هي أشواقي

اسلوبك اليوم يقتلني ويحرقني

سؤال ؟ ابسألك (وين اسلوبك الراقي ؟)

حتى كلامك معي بلحيل مقلقني

والشك في داخلي ماعاد ينطاقي

ان كان قصدك تقول إرحل وفارقني

!برحل ولكن مصير الحي متلاقي

وان كان قصدك تغلا وانت عاشقني ؟

ابشرك ماتغير شي بعماقي

وان كنت تمزح ؟ أمانه معك روقني

((تراي مكسور خاطر وانكسر ساقي ))

بس بصراحه , من الآخر وصدقني

صدمتني واستراحت . هقوة الهاقي

ياليتك تحس بحساس ٍ مضايقني

وياليت تقرى كلام ٍ داخل احداقي

حلمك منول ! في هالدنيا تحققني

واليوم في بحر غدرك ناوي اغراقي !

والحظ الاقشر يوم إنه فيك علقني

خلاني دايم على شوفتك مشتاقي

**أبو هيا** · 17 Dec 2010, 08:25 AM

أوصي الشمس لا مرت على { ديــــارك } ..
...... ما أشوفهــا { باكــــر } إلا والخبــــر معهــــا ..

و يمــر باكــر .. و لا جابت { لـــي } أخبارك ..
...... و يروح { يومي } و أنـــا ما غيـــر أطالعـــها !!

**ريانه** · 26 Dec 2010, 07:47 PM

الـجـو غـيـم وكــل شـيّـن يجـنـن * * حتى عيونك تاخذ العقل هالحيـن
الله يـاحـبــك بــصـــدري تـفــنــن * * يرقص غلا يتمرجح بكل ضلعين

شكرا ً شماليه

**العبير** · 02 Jan 2011, 02:29 AM

آسٺغرب آني مآڪْرهٺڪْ ڷهآڷحين . . ۈآسٺغرب آني مآقطعٺ آڷرجآ فيڪْ

قد شفٺ ڷڪْ قڷبن مثڷ هآڷمسيڪْين.؟ خڷيـٺـہ ڷحـآڷـہ ۈعيّـآ يخڷيييـڪْ .!

**العبير** · 02 Jan 2011, 02:32 AM

بس ليه متضايق وش فيك ياعمري
صدقني هالدنيا ماتسوى لو تدري

تعال وخل العنا يجي في قلبي انا
وحط راسك هنا وبكي على صدري

حبيبي ارحم عيونك تراك تعبتها
واسقيتها من عذابك لين ذوبتها

تعبت روحي عليك وادورك واحتريك
ومن يوم ماالتقيك اشوفها تجري

صدقني لوفي ايديني اشيل همك ل اشيله
واني لاسهر معاه واسامره كل ليله

مدام قلبي لقاك وكل روحي فداك
لا تخاف ونا معاك ياشمسي وبدري

**العبير** · 02 Jan 2011, 02:35 AM

رغم الآلم والدمع عايش ومرتـاح

ولاني على حظي كثير الحسوفـي

أضحك مع العالم وانا كلي جـراح
وإذا بكيت أبكي ولحـدٍ يشوفـي

وليا طرالـي غايـب ٍ بالفكـر لاح
حطيت همـي بالقلـم والحروفـي

أكتب وشوف الدمع في دفتري ساح
وسمع تناهيـد وشهيـق بكفوفـي

قصة عنا ماهي سياسة مع إصلاح
قصة آلم والهـم حولـي يحوفـي

أنا أشهد إن مفـارق الحـب ذبـاح
إن جيت اشبه راس فارق كتوفـي

مالوم لو غيري شكا مفارق وصاح
قبله شكيت وشفت ماهو يشوفـي

أي والله إني اندهـر كـل مافـاح
في وسط قلبي في ضميري وجوفي

أتصنع البسمه وانا بيـن الأرواح
وبيني وبيني دمع عينـي ذروفـي

أكذب عليك إن قلت عايش ومرتاح
وأكذب على نفسي وأجامل حروفـي

**العبير** · 02 Jan 2011, 02:49 AM

شفني على گبر الزعل / مآنسيتك

00000000000000

--------------------------------------------------------------------------------

تدري؟

مازلت أنا الأول أبد ماتغيرت
ذاك القديم بطبعي وبصفاتي

يجوز حدتني الظروف وتعثرت
بس المهم ما تغيرت بحياتي .

000000000000000

**أبو هيا** · 02 Jan 2011, 03:07 PM

مدري وش اللي حدني لين مريت
ذاك المكان اللي يجدد جروحي

كنت اتجنب دايم امر ذا البيت
واليوم مريته وسجلت بوحي

يا بيت خبر ساكنك كيف عانيت
ثم خبره عني بـ صدق و وضوحي

قل له : تراني ما نسيت و تناسيت
وقل له: مكانه في عيوني وروحي

وقل له : مع غيره ترى ما تهقويت
على العهد باقي لـ طاريه انوحي

ولـ دلال غيره ما عشقت و تقهويت
تحرم علي لو هي تصب و تفوحي

ولـ غير حبه ما ذكرت و تعزويت
اذكر سنينه يوم هو لي نصوحي

ويا طير ياللي بالخضيره تعليت
خذ مني رساله قبل ما تروحي

انت الرسول اللي على السر وصيت
احفظ وصاتي جد ما هي مزوحي

وان كان من خلي بالاخبار ما جيت
يلحقك مني لوم .. ان كان توحي

وش فايده ياليت .. ياليت ياااااليت
ما من كلمه ليت غير الجروحي

**أبو هيا** · 02 Jan 2011, 03:10 PM

والله ان نفسـي خفيفـهـ يـ الحمـامه
جـربي كـانتس قـدرتي و احمليـني

احملينـي و ابشـري بـزود الكرامه
وان جـَهـَدتس يـ الحمامه سامحيني

لا بذلتـي الجهـد عـداتس المـلامـه
يـ الحمامه لانخيتــس .. سـاعديني

ويش اسـوي يكسـر الخـاطر كلامه
و الظـروف العـوج عيّت لاتزيـني

عيـّت ظـروفي تـواكب مـع دوامـه
اكسبي الناموس و المعـروف فينـي

قـال : كـابـوس العنـا كـدّر منـامـه
و حال مكتـوب القـدر بينـه و بيني

قلت أزورهـ بس من باب الشهـامه
و قبـل صبح الفجر بـ الله رجعيني

حطـي بـ جـدول زيـاراتـي عـلامـه
ورتبـي حـالـتس على وقتـهـ تجيني

كل مـاجا العصـر طرنا يـ الحمـامـه
ولا ظـهـر نـور الصـباح معـوديـني

توحـش الوحـدهـ مع الليل و ظلامـه
سهـلّي دربي فـديتـس و انقـذيـنـي

**أبو هيا** · 02 Jan 2011, 03:13 PM

قلبي اللي كل ما سج عوَد في عناه ..!
وحالي اللي لا تشالا من الهم [ انبرا ]

ونَتي ونة [ يتيمٍ تغـالط في حكاه ] .. :
كل ما اسولف عن أمَه ..؟ من العـبره غوا !

مات ابوه ، وماتت امَه ، وربَوه اقصراه
وماله الا عمَةٍ ما طلب قالت : لوا ..!

وعيني اللي من الفرقا كن فيها قـذاه ..!
من نشدني قلت: ما غير [ لافحها هوا ]

**أبو هيا** · 02 Jan 2011, 03:15 PM

لا خنت شخص لا تحاول تواسيه
اللي حصل ما عاد ينساه مره

ولاصرت متعود على اللي تسويه
جلدن ماهو جلدك على الشوك جرّه

**أبو هيا** · 02 Jan 2011, 03:16 PM

اقفيت في حيرتي والوقت يجبرني
جاني من الوقت واللوعات مااكفاني

لابارك الله بوقت مايدبرني
في حيرتي والوجيه السود تقفاني

لو صغروني بعين الشوق كبرني
موقف ظفر في لزومه يوم ينخاني

وشلون اذكرك فيني وانت خابرني
لاضاق صدر الزمان الشين تلقاني

يكسرني الوقت والاحلام تجبرني
وتقول تكفى تقوى لو علشاني

عادي ليا غبت عني ماتخبرني
لكن بيبطي وقلبك ما تناساني

حاول ع دورت هالايام تعبرني
ماهوب يومين والثالث بتنساني

لو طال بال المدى مراح تجبرني
لكن اخذ حاجتٍ وحده من لساني

رح سهل الله طريقك لا تعبرني
ونشوف من يقدر الغيبه عن الثاني

وان خذاك الغياب الله يصبرني
منت اول اللي صدم قلبي وخلاني

**ريانه** · 02 Jan 2011, 09:48 PM

أعزفك ! .. حلم ٍ تمادى في عروقي والهطول ...
واسمعّك لمّا تغنـي ، [ ليــه فيني تعزفين ] ؟

**أبو هيا** · 03 Jan 2011, 04:04 AM

اودع ألفين وعشره و انت يا عمري
لا لا تودع حياة الحب و الغيره

علمتني كيف احبك و الزمن يجري
تمشي على فرحة الغالي مشاويره

بدري عرفتك و ذقت الشوق من بدري
واهديت لك حب ما ترتاح مع غيره

سنين ترسم ملامح حبي العذري
تكبر مع الوقت في قلبي تصاويره

ما ينتهي حب يعرف قدره و قدري
لولاه ماباح مكنوني معاذيره

ياطول صبري على الضيقات في صدري
لا غاب صوتٍ يونسني تعابيره

لا صرت عن حالتي وقت الزعل تدري
لا تشغل البال بين الشك و الحيره

انا تعذرتلك والصدق في عذري
واطلب سماحك عساها بيننا خيره

**سمو انسان** · 03 Jan 2011, 03:35 PM

http://dc03.arabsh.com/i/00644/eia24xpcdujk.jpg
:

وِشَ اْخركِ ياْ ضِيقةَ اْلباْلْ . . قِولْيَ ليَ . . !

تِعبتَ اْردِدِ وِ اْقولُ اْلحِاْلّ . . " مِستِو و و ر هَ " . .

اْنَ جيتَ بْـ اْشكِيّ . . لْقيتَ اْلكلَ يشِكْيَ لْيَ . .

و اْنَ قلتَ بـْ تهِونَ . . زاْدِ اْلوقتَ فيَ . . " جو و ر ه "

آخر المشاركات

الموضوع: في ذمـّة [ الشعر ] ..!!

أدوات الموضوع

تقييم هذا الموضوع

عرض

مواقع النشر (المفضلة)

مواقع النشر (المفضلة)

ضوابط المشاركة