هو لازم ناكل (( طماطم . . . أرتفاع خيآلي . . ولا مجيب..~~

[عروووبة]

^
^
حياك اخوي عقآرب

لو تراجع ردودي لعرفت اخي ان القصد من الوضوع كله
الوقوف امام الجشع عامة

ليس الهدف الطماط والا الخيار
اقصاه 50 ريال

لكن نبي وقفة حتى يحس التجار ااننا اذا حبينا نقاطع فأنا قدها

نعم الغلاء طال كل شي
حتى البهائم كرمك الله لم تسلم

طيب : فرضا لو نبي نقطاع الشعير . . بكل سهولة راح يقولون قاطعوا لين يخيب ثناكم ويحطونه بالمخازن
لو نبي نقاطع الدجاج يبي يقولون قاطعوا لين تكاكوون ويحطونه بالفريزنات ويخزنونة

يعنى هنا مقاطعتنا مالها ذاك المفعول

نبيى نقاطع شي يحسسهم اننا مقاطعين (( وهذي اضعف الحيل ))

فقاطعنا السلع اللتى لاتستمر ايام ثم تخيس عندهم

تدرى : يمكن محد يتفاعل لحقارة السلعة او لأنه مايحس ان لها فائدة

لكن نكون نشرنا بين الناس ثقافة (( المقاطعة .. وان ماعجينى اتركه ))
لأن الناس مستسلمة
ياخذ السلعة ثم يردد زايد سعره حسبى الله ونعم الوكيل ثم يحمل سيارته

طيب شرط تاخذها خلها لن تتوقف الحياة

والمؤمن القوى خير عند الله من المؤمن الضعيف

.
.
هذا القصد من حملة الطماطم

شاكرة لك اخى عقارب
وياليت لو به احد صور موقف زملائك من الصحفيين وتكلم عن الامر

مير الله يعين

[عمار الزيادي]

يعطيك العافية / عروبة على هذا الموضوع الهام واللي

أشغل بال الكثير.

ياناس ماهو ضروري ناكل طماط .

حنا لنا أكثر من أسبوع ناكل شكشوكة من غير طماط .

ولو تطيعنا البلدية نحول حدائق رفحاء مزارع طماط وخيار .. أنا

مستعد أجيب البذور . وخصوصا إن هذا الوقت هو وقت زراعة

الطماطم.


عمار الزيادي .

[عروووبة]

يعطيك العافية / عروبة على هذا الموضوع الهام واللي

أشغل بال الكثير.

ياناس ماهو ضروري ناكل طماط .

حنا لنا أكثر من أسبوع ناكل شكشوكة من غير طماط .

ولو تطيعنا البلدية نحول حدائق رفحاء مزارع طماط وخيار .. أنا

مستعد أجيب البذور . وخصوصا إن هذا الوقت هو وقت زراعة

الطماطم.


عمار الزيادي .

يالله تحيي أخى عمار
للامانة الشكشوكة ما حبها حيل

وياليت البلدية
تتحرك وتراقب الاسعار . . وتشوف سالفة النظافة بالمطاعم
والرقابة على العمال . . .

مانبي منهم طماط


أصلا ليت عندنا حدايق يعنى الواحد لها . . .

الحين جاء الشتاء
وصحارى ربي وحدايقة
افضل مليووون مرة . . من قواطى الصلصل اللى حاشريننا فيها

حيـــــــــآك
خيي عمار

[عنيده شمر]

"يعطيك العافيه عروبتنا عالمواضيع المميزه"
"واذا تنتظرون احد يتحرك ابشركم الانتظار بيطول فيه كثير اشياء يبي لها وقفه ماوقفت على الطماط"

[عروووبة]

"يعطيك العافيه عروبتنا عالمواضيع المميزه"
"واذا تنتظرون احد يتحرك ابشركم الانتظار بيطول فيه كثير اشياء يبي لها وقفه ماوقفت على الطماط"

ياهلا بعنودة
عودا حميدا
الحمد لله على السلامة

بس عنوده زعلتينى منك:

السالفة مو سالفة طمااااااااااط

شكلى ابى اقف مع التجار ضدكم

راجعوا الماضوع
<<<

[أشـــوفك حلـــم]

عروبة وش رائيك بالزراعة المنزلية

ترى اتكلم جد

اجانب كثير برفحاء يستخدمونها

مع انهم بشقق مغلقه

وغير مكلفه

ونتائجها رائعه

بدون كيمويات وخرابيط

هل طعم الخضار الان موجوده في السوق كالسابق ؟

هل تقارن خضار السوق بالجودة و الطعم مع الخضار المنتجة منزليا؟

اطيب تحية

[عروووبة]

عروبة وش رائيك بالزراعة المنزلية

ترى اتكلم جد

اجانب كثير برفحاء يستخدمونها

مع انهم بشقق مغلقه

وغير مكلفه

ونتائجها رائعه

بدون كيمويات وخرابيط

هل طعم الخضار الان موجوده في السوق كالسابق ؟

هل تقارن خضار السوق بالجودة و الطعم مع الخضار المنتجة منزليا؟

اطيب تحية

أنا مع الزراعة وبقووووة
لكن بالمنزل لاتتجاوز الهواية
لآن المساحة تكووون ضيقة

يمكن النعناع والعنب
اكثر زرعتين يساعدن على زراعتهن

فالنعناع لآنه ينبت بسرعه وتحصده وتجففه ويرجع ينبت بسرعه ويتكاثر
أذكر مرة زرعنا 3 انواع جبنا شتلاتهم من حائل
أما احد الشتلات لهاطعم بالشاي خطيييييييير

البطاط زرعناها
وينبت زي الفقع
ويتكاثر بشكل خطيييير
ولو تبي تسوي مزرعة بطاطس راح يمشي سوقها

العنب زراعته وشكله يجنن
بالذات لما تحطله اسلاك حتى يستلقها ..

للمعلومة جميع ماسبق تم زراعته عندنا وبالبيت

لكن . . زي ماقلتلك للتسلية . .

[أشـــوفك حلـــم]

أنا مع الزراعة وبقووووة
لكن بالمنزل لاتتجاوز الهواية
لآن المساحة تكووون ضيقة

يمكن النعناع والعنب
اكثر زرعتين يساعدن على زراعتهن

فالنعناع لآنه ينبت بسرعه وتحصده وتجففه ويرجع ينبت بسرعه ويتكاثر
أذكر مرة زرعنا 3 انواع جبنا شتلاتهم من حائل
أما احد الشتلات لهاطعم بالشاي خطيييييييير

البطاط زرعناها
وينبت زي الفقع
ويتكاثر بشكل خطيييير
ولو تبي تسوي مزرعة بطاطس راح يمشي سوقها

العنب زراعته وشكله يجنن
بالذات لما تحطله اسلاك حتى يستلقها ..

للمعلومة جميع ماسبق تم زراعته عندنا وبالبيت

لكن . . زي ماقلتلك للتسلية . .

وفي طرق للزراعة حتى بالمساحات الضيقة
من تجارب قرائتها
حتى بالشقق الصغيره
ومنتجه بل يصدرون للجيران
ويخزنون لباقي ايام السنه

واذا عنده حديقة زيكم بالعكس احسن واحسن
فالخضار ليست متعبه فالزراعة
خاصة مع توفر اساليب الزراعة الحديثة و الرخيصة
مثل السقيا بالتنقيط والرشاشات وغيرها

بس نحن شعب كسول

كل التحايا اختي عروبة

[عروووبة]

وفي طرق للزراعة حتى بالمساحات الضيقة
من تجارب قرائتها
حتى بالشقق الصغيره
ومنتجه بل يصدرون للجيران
ويخزنون لباقي ايام السنه

واذا عنده حديقة زيكم بالعكس احسن واحسن
فالخضار ليست متعبه فالزراعة
خاصة مع توفر اساليب الزراعة الحديثة و الرخيصة
مثل السقيا بالتنقيط والرشاشات وغيرها

بس نحن شعب كسول

كل التحايا اختي عروبة

واذكر مرة شفت مادرى بالتلفاز ولا بالنت
شخص مسوى بيوت محمية فوق سطح بيتهم


المشكلة انك جبت زبدة الكلام بالاخير

شعب كسوووول

ولا يارب لك الحمد
المساحات الشاسعة تصيح مالقت اللى يحرثها
وتانكى ماء . . .
ومشمع لزوم الشمس . .

بس تعال هونيتا
أوخذنا
الحين الماء يطير سعره
لآن اشوفك حلم فكر بس فكر أنه يسوى مزرعه صغينونة برى رفحاء

لاحول ولاقوة الا بالله
موازيننا على كل شي

تدرى المفروض الحكومة . . تساعد على التشجير
واى شخص يبي يسوى مزرعه يساعدونه بحفر بير بالمزرعه .

(( يآحلم قلي وش يظر لو تحقق ))

.
.

[أشـــوفك حلـــم]

المشكلة انك جبت زبدة الكلام بالاخير

شعب كسوووول

شطحه
معليش بفتح موضوع فرعي و الشيء بالشيء يذكر


هنا السر

اجدادنا كانوا يرعون ويحرثون ويعملون
وشعب منتج على فقر بيئتهم

وش سر الكسل

هل هي الوظائف الحكومية ؟
ما اتوقع لها التاثير الكبير في فرض الكسل

هل هي القوانين و الانظمة ؟

كثير من القوانين و الانظمة تجيز العمل وتشجع عليه

هل هو العيب ومستوى العمل ؟

هاذي من الاشياء العجيبه
حتى الي عايشوا الماضي اصبحت بعض المهن الشريفه عيب
خلونا من المهن الي يعتبرها العرب و العرف عيب
لكن كثير من المهن في السابق ما كانت عيب
ليش اصبحت اللان عيب؟
حتى عند كبار السن
ليش لما ابيع واشري خضار عيب مثلا عيب؟
ليش لما اعمل بالبيع و الشراء على السيارة عند الشباب عيب ؟
ليش كلن ينتظر الحكومة توظفه

هل حرص الاباء مما قاسوه على ابنائهم .. فرض هذا التفكير على المجتمع ؟

لكن متاكد العيب مو في الانظمة بل في المجتمع ومنفذين الانظمة الذين هم نتاج هذا المجتمع و التربية



اسئله كثيره و اجوبة ايضا تفرض اسئلة جديده

وش سر هالكسل لا اعلم ؟ خاصة لمن يحتاج العمل

ولا يارب لك الحمد
المساحات الشاسعة تصيح مالقت اللى يحرثها
وتانكى ماء . . .
ومشمع لزوم الشمس . .

بس تعال هونيتا
أوخذنا
الحين الماء يطير سعره
لآن اشوفك حلم فكر بس فكر أنه يسوى مزرعه صغينونة برى رفحاء

لاحول ولاقوة الا بالله
موازيننا على كل شي

تدرى المفروض الحكومة . . تساعد على التشجير
واى شخص يبي يسوى مزرعه يساعدونه بحفر بير بالمزرعه .

(( يآحلم قلي وش يظر لو تحقق ))

.

الحكومة مو مقصره في قروض تعطى للمزارعين من البنوك الزراعية

ومن تجارب سابقه عندك في رفحاء لما وزعت اراضي للزراعة حول رفحاء

وش كان هدف من حصل على الاراضي

كان الهدف الحصول على القرض فقط

وبعدها تركوا الاراضي تموت
و القليل من استخدمه في الزراعة

وهنا تقصير من الوزارة بالمتابعة

بس ارجع واقول من بالوزارة هم ابناء مجتمعنا

من علمهم التقصير و الكسل وضعف الذمم



اطيب تحية لك عروبة

[براءة طفله]

هههههههههههه لاتعليق بس انا اموووت في الطماطم ولو انه وصل 50ريال

[عروووبة]

هههههههههههه لاتعليق بس انا اموووت في الطماطم ولو انه وصل 50ريال

اهاا
اذن براءة طفلة مع حزب التجار
أذن نعلن مقاطعت براءة والطماط

حيــــــــآك
منورة . . . ولست عنكِ ببعيدة

[عنيده شمر]

"الله يسلمك يالغلا...وماعاش اللي يزعلك وانا اتفق معك ان السالفه موسالفه طماطم السالفه عن ارتفاع الاسعار وتلاعب التجار وموقفنا السلبي منهم...بس اخر الضحايا كان الطماطم "
"تبين توقفين مع التجار ضدنا هاه ياويلتس اصفقتس
"

[عروووبة]

"الله يسلمك يالغلا...وماعاش اللي يزعلك وانا اتفق معك ان السالفه موسالفه طماطم السالفه عن ارتفاع الاسعار وتلاعب التجار وموقفنا السلبي منهم...بس اخر الضحايا كان الطماطم "
"تبين توقفين مع التجار ضدنا هاه ياويلتس اصفقتس
"

والله مادري ياعنوده
بيدوا حيلى الشعب
شكلها تبي تطق معي واوقف بصف التجار

مشكلة اذا الواحد جته عنزه . . . . تمسك غلط

[عروووبة]

^
^
بالعكس احسن مابالماضوع انك تستفيد منه

بخصوص العيب
صراحة مادرى عن نظرة الناس واستغربت من تواجد كلمة عيب
والله مابو لاعيب ولا غيرة
اقسم بالله اذكر بالمملكة هذا الصباح على القناة الاولى
شاب جامعى .. محمل سيارة خضره من الجنوب ويبيع
قسم انه ارتفع بعينى

ابى متى نتخلص من ثقافة العيب
ياما يموووتون جوع
الرسول عليه الصلاة والسلام كان يعمل برعاية الغنم

ياخى متربين على عادات بالية
هلكوا جوع وللان يقولون عيب وعيب

صراحة مره وزير العمل يبي يوظف شبابنا يكنسون بالشوارع وبناتنا شغالات
هنا ثارة ثائرتى . . لأن هذا مخالف لفطرتنا

لآن مو معقول جامعى وادرس واتبع واخرتها بالوظيفة هذه
ولا وبدول تقدر توفر لى فرص العمل الكريمة

لكن . . ان يفتح محل خضرة ولا يبيع خضرة ولا غنم ولا اى سلعة
حلال
وربي هذا اللى يستاهل انه يقدم بالمجلس
وش نفعنا به طول البشت وقصرة

هذا لنا كم شهر كل شي واصل للشيطان الرجيم
اسعار خيالية

حتى القروض العقارية
للمعلومة انا بموضوع القروض العقارية
عزيت اللى طلعله قرض . . . لانها كارثه الحين

.
.
تقل انى شطحت
نرجع . . .
اللى سبب الكسل (( شرب اللبن عقب الغداء ))
ونووووم للمغرب
واستراااحه للفجر
.
.
وريالن من ابوى وخمسه من امي و3ريلاات من راعي الدكان
ومعه جوالين ولابتوب وكونكت مفتوح
وقلت اهميه وقلت مسؤلية
والامور ماشية

.
.والله نقاشن طيب
يمكن نحل مشكلة الطماط والبطالة