ღஐ◄ تجمع لـ بنات ( منتديات رفحـاء ) خاص للبنـات > ممنوع دخول الشباب ►ஐღ

[*العنا*]

[align=center]



بزنز = business ..

من يومي = من ولدتني أمي ..

واضح جذيه ..


:


الحياة هالأيام بزنز في بزنز و إلا وش رايج ؟!![/align]

[*العنا*]

[align=center]عروبة ..



هي قصة و إلا حكاية و إلا ستوري و إلا رواية ..

]> أختاري الأجابة الصحيحة ..

عاد أجي أنا و تختفي ،،

طولتي الغيبات ..

يالله لا تتأخرين ..

ننتظرج ،، بس لا تطولين ..


.[/align]

[عروووبة]

[align=center]يامرحبا ترحيبةٍ كلهالش
تكساش من راسش إلا حد مطاش

في سوى معلوم هذي كصيده

.....................

هلا بالعناء
اختلاف الإجازاة لاتفسد للود قظية

.....................

ولكن يعلم الله اني اشتقتلك
...................

ولاطولين الغيبات وإلا اسوي فيك
كذااا [/align]

[*العنا*]

[align=center]أيووووووووووه ..

خفت عليج أقول وينها ما جت بهالآجازة ..

صدقيني ..

قمت أفرفر يميناً و شمالاً و لا شفتج ،،

أقول وينها راحت و خلتني ..

اشوووووه جيتي ،، نورتي و أنا معاج ..

\
/
\

إلا شحالج ، و ما باقي شي و تخلص الدراسة ..[/align]

[عروووبة]

شحالج بخير الحمد لله

ومتابعه



عناااااااااااوي

شدي حيلك بالمذاكره

وإن شاء الله

تقيبي نتايق كويس يابتي

منتظراكِ

<<<< وين راح تروحين من المروحه

[عروووبة]

العناااااا

وينك ....... عسى المانع خير

تعالي عشان المروحه (( فاقدتك )) حييييييييييييييييل

اكيد قاعده تصيفين بجزر الواق واق

ترى يمدحون جزر برمودا (( يقولون برااااااااااااااد ))

[*العنا*]

[align=center]عشان المروحة ..


ما بجي ..


يعني ما فيه غيري كله انا كله أنا ..

مابي .. مابي .. مابي ..

.. .. ..



عاد مسوي مجال هالكبير صغنون بس و راعي مشاعري ..

أنتي مستانسة بالأجازة و أنا لا زلت أجاهد عشان مستقبلي ..

تخيلي الناس أجازة و أنا أدرس ..

أبي أجاااااااااااااازة يا ناس ..

ما ابي مروحة ..


مابي .. مابي .. مابي ..


إلا تعالي شحالج أنتي ؟![/align]

[عروووبة]

عنااااوي
اللى يدرسون الذره لهم شهر معطلين

الى انتى وش قاعده تدرسين

ليكون نايمه بالقاعة والناس راحت وخلتك

[*العنا*]

[align=center]لا لا لا لا ..

ما حزرتي ..

مو ذنبي إذا كنت طالبة مجتهدة و تبحث عن العلم
في كل وادي و مكان ..


مالات الذرة مو شطار مثلي \\ بس خوفي انا يحسدوني ..[/align]

[عروووبة]

عناوي
ياحلوى بحرينية

تكفشيني

متى حتخلصي ......... شكلك بس انتي اللي قاعد يدرس

..............
انا قاعدة انتظر التعيين على الله
شكلنا راح يطلع بروسنا شجر وحنا ماتعينا .

[*العنا*]

[align=center]31 \ 8 أخلص ..

و 1 \ 9 أتوظف ..



:


شفتي عاد فايدة الدراسة بالأجازة ..

تخلصين يوم و تتوظفين يوم ثاني ..





لا ما عليك ,،

أنا أدرس في مجال ( البيع بالتجزئة ) و ندرس و في تدريب ..
و بعدين نتوظف في المكان اللي نختار ..

بالله ..

ما تجي وياي بدل ما إنتي قاعدة تنتظري التعييين !!

و إن شاء الله قريب تتوظفين ..

و ترتاحين ..

و الله يسهل لج ..

تستاهلين ^-^ ..

:

إلا بسأل ..

وشوو تخصصك ؟!!


^^[/align]

[عروووبة]

هلا العناء
استانسة لما شفت معرفك دخلت على شانك

بما انك تدرسين في مجال ( البيع بالتجزئة )

وش رايك افتحلك دكان (بقالة ) ( سوبر ماركة اصغير )

والربح النص بالنص

.................
إلا ما تلاقين لى وظيفه

................

تخصصي دراسات إسلامية
هذا الى لقيته قدامي
لأن التخصصات عندنا محدوده
تلقينا برفحاء
نصها دراسات
ونصها عربي

[*العنا*]

[align=center]هههههههههههههههههههههههههههههههااي ..

حلوة ،، حلوة .. و لا يهمك ..

ذكرتيني بموقف لما قلتي ( دكان ) ..

سمعي عاد ..

لما زارنا وزير العمل ، و سألنا وشوو تدرسون ..
و قلنا له ( بيع بالتجزئة ) ..

إلا يقول : ( يعني في دكاكين ) ههههههههههههههههااي ...
ردت عليه وحدة من البنات : ( أي في دكاكين ، بس نوع راقي ) ..

فـ صرت ما ألوم أحد ، لو رد عليّ و قال في دكان ..

إذا وزير العمل بكبره يقول : ( دكان ) !!


:


إلا تعالي ..

تطنزي و تقولي دكان بعد ..

إلحين كل هالدراسة و هالتعب عشان دكان ..

عاااد شووفي ،،

لما تجي البحرين من يسوي لك دسكاونت ..
طبعاً أنا بكون الـ ( store manager ) ..

و ما بسوي لك واسطتي ..


:

استانسة لما شفت معرفك دخلت على شانك

خلف جبدي و الله العظيم ..
و يلوموني فيج ..

تسلمين يا بعدهم ما تقصرين ، و أنا من شفتن ردج جيت بسرعة ^_^ ..


:


و بعدين حلووو الأسلاميات و لو إني ما فكرت آخذه ..
لأن عندنا في البحرين ، وآيد صعب ..

عاد بالعربي ..

ذكرتيني ..

لما كنت في الجامعة طالبة لغة عربية ، و عطوني أدب أنجليزي ..
للحين بخاطري العربي أدرسه ، بس آخذ الدبلوما في الريتيل بروح أدرس أدب عربي ..

ما تجي وياي !![/align]

[عروووبة]

[align=center]هههههههههههههه
العنا

ابي أهديك هديه من جهااازي
( صورة )
وش رايك نحطها بطرف الدكان
والله فيها ربح


إن شاء الله
اهديك مقاطع ووسائط
بس شوي شوي

شوفيها بالمرفقات[/align]

[*العنا*]

[align=center]ههههههههههههههههههههههههههههاااي ..

هذا دكااان اعلى تقنية ..

ألا الربح مضمون مية بالمية ههههههههههااي ..


خلاص .. إلا أدخل معاج مدام عندج هالأختراع الفظيع ..[/align]