شاب يُـريـد الـمـشـورة منكم

[رعبوب]

التقيت بأحد الشباب , وبعد السلام , والسؤال عن الأحوال بدأ عليه الحيرة , وسألته عن سبب حيرته فقال لي :

أنا تخرجت عام 1426 هـ ــ العام الماضي ــ درست في كلية المعلمين في عرعر عام , وفي العطلة أخذت شهادتي كما بعض الشباب , ورحت وقدمت على حرس الحدود فقبلوني , وقبلها قدمت على كلية المجتمع في رفحاء , والأسبوع الحالي وفي احد مراجعاتي للحرس مريت كلية المعلمين ومددت إستعارة الشهادة ـ الشهادة الي عطيتها كلية المجتمع ــ والآن معلق في ثلاث جهات ومحتاروين ارووح محتار اروح للعسكرية ولا ادرس في كلية المجتمع( دبلوم ) ولا ادرس في كلية المعلمين مع العلم اني درست في القسم (( عربي )) وقد وقعنا على عدم المطالبة بتعيين عند بداية الدراسة , أو احول الى الأنجليزي لكن ماأعرف أجرأت التحويل الأن ودرجتي بالأنجليزي 82 .

فأن محتااار وابيك تشور علي.


مع العلم ان نسبته في الثانويه 91 % وأختبار القدرات 75 درجه .



ومن مبدأ ما خاب من أستشار وَ أمرهم شورى بينهم حبيت تشاركوني الشور في أمر أخيكم خصوصاً وأن بينكم العسكري والمدرس والمجرب ولكم منه ومني الدعاء بالتوفيق في الدنيا ولأخرة

[السلطه الخامسه]

اذا كان مستواك ادراسي في العام الماضي جيد

يعني عديت السنه الماضيه في كلية عرعر
نصيحتي لك كمل دراستك
اما اذا كان لديك ضروف اخرا الوضيفه ممتازه
يعني قارن بين كلية المعلمين والوضيفه كلية المجتمع شيله من راسك
كم واحد متخرج من كلية المجتمع وماحصل وضيفه وكلية المعلمين اوفر حض بتوضيف انشاءلله
وصل صلاة استخاره والله يوفقك الى الطريق الصحيح

[ذيب حرض]

اوافق السلطة الخامسة بالرأي إذا كانت الحالة المادية طيبة أنصحه بإكمال دراسته في كلية المعلمين وإذا كان محتاج إلى المادة وعليه إلتزامات فعليه بالوظيفة والله يقدم الي فيه خير

[هنا الدمام]

شوووف وانا أخوك
مكافأة الكليه تكفيك اذا أمور الأهل الماديه زينه
وفر من العسكريه فرارك من الأسد

[عروووبة]

اخي ... 1- لاتترك صلاة الإستخاره بأخر الليل وجعلها في ليالى متكررة .

2. انا أفضل ان تكمل دراستك وخاصة ان نسبتك جيده اما العسكرية فاأي شخص يقدر يفر منها ماراح يتردد وخصوصا الى التدريس .

ولكن فيه طريق يمكن تفيد (( استمر بسلاح الحدود .. وانتسب لكلية المعلمين )) خاصة اذا كنة مضطر للوظيفة

انا ماعندى خلفيه عن كلية المعلمين هل تقبل الأنتساب ولكن اسأل أهل الخبره

واتمنى الله يوفقك .

[القنـــــاص]

اخـــوي

انا انصــحك اذا حالتك الماديــه اوكيه
كمــل بكلية المعلمــين لانهـــا اقلا بكالوريوس


امــا اذا المـــاده وسط فالعسكـــريه زينـــه



واللـــه يوفقـــك

[راصد]

استعن بالله وكمل دراستك ما هي الا أيام وتخرج والله ما يضيع

[المهندس]

شي ممتاز انك توصلت لفكرة طرح موضوعك في المنتدى لانه يجمع جميع المستويات والاخوان لديهم من الخبره والمستوى العلمي ما يكفي لارشادك

وبشكل عام
الدراسة افضل من العسكرية
وانت ادرى بظروفك

والتخصص مهم معرفته حتى يعطيك الانسان رأيه

[ورق التوت]

إذا تفهم ومستعد تتعلم إنجليزي فراح يحولونك بس تلغى السنة الماضية

عموما قسم الإنجليزي بالكلية هو الأفضل والاكثر فرصة للت وظيف

وإسأل مجرب

[رعبوب]

السلطة الخامسة بارك الله فيك ويعطيك العافية على الشور الطيب .. بالنسبة للمستوى الدراسي لا بأس به بس ما فائدة المستوى الدراسي وهو يسمع حتى وقت الأختبارات ومن زملاء الدراسة مراراً وتكرارا عبارة ( مافي تعيين ) ( تخصص غير مطلوب ) هذه كفيلة بتحطيم الحماس , والأحباط .

ذيب حرض جزاك الله خير ...

الفأل الحسن يعطيك العافية اخوي على النصيحة .

[رعبوب]

الأخ عروبة جزاك الله خير .. أما الأنتساب لا يوجد أنتساب في كليات المعلمين فقط في الجامعات شكراً لك.


القناص يعطيك العافية ...

راصد... شكراُ لك.

[رعبوب]

المهندس يعطيك العافية ....

ورقة التوت بما انك مجرب وش اجرأت التحويل الى القسم الأنجليزي وهل فيه تحويل الأن والدراسة السبت الجاي ؟؟
بارك الله فيك.

[البشتوني]

عليـــــــــــك بالأستخــــــــــارة -----------------------
---------------------------------------------------------------------

[رفحاوي]

[align=center]

سبحان الله

البارح كنت الوم شخص انه ما درس بالجامعة وراح سجل جندي ...

نصيحتك لخويكك زي نصيحتي له

اذا يقدر يدرس تخصص جيد بالجامعة (ماهي كلية المعلمين) انصحه يدرس بالجامعة ...

يصبر ويتحمل كم سنة وان شاء الله تنفرج ...


زميل بالعمل درس بجامعة الملك عبدالعزيز / كلية الهندسة ... كان بحالة سيئة جدا ويحول لاهله جزء من المكافاة وصبر الرجال وتخرج وهالحين راتبه بحدود 18 الف واموره تمام والحمد لله ...

خل خويك يتعب اول عمره عشان يرتاح بعد الثلاثين ان شاء الله ...

نصيحة عالطاير لكن من القلب ...

واهنيك على اختيارك طرح الموضوع هنا ...


ولا تنسى صلاة الاستخارة ...

الله يكتب الخير للجميع ..
[/align]

[رعبوب]

البشتوني بارك الله فيك ..

الأخ العزيز رفحاوي لا فض فوك وسلمت يمينك نصيحه من قلب جُـزيت خَـير الجـَزاء...