[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
[كان أنت ياليلي على الدار شفقان = الدار محدن لايمك في غلاها
الدار الي به والدينك والأخوان = وأيضا صديقك وابن عمك رباها
ودار بها تلقى المعزة لك علان = تمسي وتصبح دالهن في وطاها
هذولي الدارين ماغيرهن كان = دار يدور بها الفتى مستواها
والا بقا الأوطان مافيه مسكان = والحر ينزل في عوالي نباها
وأنته وأنا من ساكني دار الإحسان = والفضل للي في جلاله حماها
شم للعلا واترك ضعيفين الأيمان = وخاو الذي للرب نفسه صغاها
مجالس اهل السوء اهانه وحقران = ومجالس النادر يريحك صداها
اللاش والسربوت يضحك علشان = يبي يقوي النادرين بقواها
والدين ياليلي تره ربح الأنسان = روح بليا دين قلت حلاها
قلته ولاني شايفن فيك نقصان = لاشك موجوب النصيحة اهداها
عساك تسلم من صواديف الازمان = واقبل نصيحة واحدن لك بداها

الشاعر : أبو معمر[/poem][/poem][/poem]