جيت اودعكم قبل امشي اترك المنتدى نهائيا

[صادق الاحاسيس]

بسم الله الرحمن الرحيم

جيت أودعكم قبل ممشي لأني بترك المنتدى نهائياً

اكتب لكم أخر موضوع لي بهالمنتدى هو عن تَركي ورحيلي عنكم ويمكن يكون الموضوع الوحيد اللي اكتبه وما أرد على كل من ردوا علي ..

تعلمت وتعلمنا لكل شي بداية ونهاية ، واليوم هي نهاية بدايتي معكم ونهاية علاقتي معكم .

بترك المنتدى لأن ظروفي اجبرتني على تركه رغم كل الأيام الحلوة اللي قضيتها معكم إلاّ إن الظرف أقوى مني ومنكم .

بترك المنتدى لأن بصراحة كبريائي يجبرني على تركه لأن في شخص ما يبيني وما يبي جلستي بهالمنتدى من أسلوبه معي أحسه مايبيني .

بترك المنتدى لان مو مثل أول تغيروا ناس وجو ناس ما أبي اذكر اساميهم لكن مو مثل الأعضاء الأولين المنتدى تغير .

أخذت من هالمنتدى أشياء كثيرة والشهادة لله كِلها حلوهـ بس يا ليت أكون عطيته الشيء اللي يستحقه مني .

اطلب من الإدارة إلغاء عضويتى لأني ما راح اقدر أعطيه أكثر ،

استودعكم الله الذي لا تضيع ودائعه .. وإن شاء الله نلتقي في جناته ...

سامحوني على كل كلمه أو غلطه غلطتها في حق أي عضو ..

أتمنى أن تذكروني بالخير ولا تحرموني من الدعاء الصالح ..

لا تنسوني





























!!... بداية ...!!
شعورك بعد ما قرأت كل تلك الجمل والعبارات ..؟ هل توقعت إني اترك المنتدى ؟ إذا لا .... وإذا ايه ( نعم )
هو نفس شعور الأعضاء لما ترحل عنهم وعن المنتدى وناوي تقطع جسر ارتبط اسمك بأسمهم .

!!... على الهامش ...!!
أختلفت الجُمل والمضمون واحد ..
قضية أزليه اسمها الوداع ، فأي تجمُع بشري لا بُد وان تجد فيه هذه القضيه .


!!... الوداع ...!!
من مفهومي للوداع : هو الرحيل عن اشخاص لهم مكانه في قلبي وتركِهم وعدم الرجوع لهم مره أخرى إلا بعد سنين أو زوال ذلك الظرف .

جميع تلك العبارات والكلمات ( قبل البداية ) نراها في جميع المنتديات ، وداع عضو بعد ما امتلك مساحة كبيرة في قلوب الأعضاء يكتب نهاية هالمحبه بوداع ليُعيش بعض الأعضاء في دوامه من المشاعر بين قله متقبله للأمر ومُستسلمه وكُثر متحمسين لثنيه عن الوداع ، وأغلب الأعضاء يتراجع عن الوداع بالعوده ونسيان الوداع ليضع لنفسه علامات من التعجب والاستهام ..

هل الوداع ضروري لنا ..؟
هل وصلنا لمرحلة من التواصل عند حدوث شيء لنا من ظروف أو أي شيء - سواء يستحق الذكر أو لا - أن يصل للجميع ليعرف ويفهم سبب وداعنا ...؟
ما هو الأفضل لك وللمقربين لك أن تودعهم أو ترحل في ظلمة الليل وفي هدوء ..؟
هل الوداع يعبر عن ضعف شخصيه أو يعبر عن شخصيه غير اعتماديه ...؟


\ .. حقيقه ../
عندما نلوح بيدنا للوداع ( حركة اليد ) هي اثبات بأننا غير راضين عن هذا الوداع .


!!... قبل النهاية ...!!
اعتذر عن العنوان حاولت قدر المُستطاع جذب الأعضاء ولفت نظرِهم للموضوع ومناقشته .. إن نجحت فالحمد لله وإن فشلت فيستاهل الحمد في كل حال ..


اتمنى ما يجى اليوم اللي نفترق عن هذا المنتدى الراااائع

[صادق الاحاسيس]

انت وش سالفتك يوم ميت يوم مهاجر
المره الجايه وش راح تكون انتحاري
ولا احسن شي ارجع للسجن

هلابك يالغلا

يسعدني ان تكوني اول من يرد على موضوعي

سالفتي سالفه

فديتك يالغلا

اوخيك صادق الاحاسيس

[الباز2222]

صادق الاحساس
يااخي ذكرتني
عبدالكريم عبدالقادر
وداعية يااخر ليلة تجمعنا .. وداعية.

[صادق الاحاسيس]

مشكور على المرور

الباز

[المستشار_2008]

نخاف نودعك وتنطق علينا مره ثانيه

اجزم على رايك ياصادق الاحاسيس

[ذويبان11]

انت وش سالفتك يوم ميت يوم مهاجر
المره الجايه وش راح تكون انتحاري
ولا احسن شي ارجع للسجن

هههههههههههههههههههههههههه
المره الجايه خفير على السجن

[صادق الاحاسيس]

مشكورين على مروركم الرائع


وتفاعلكم

[صادق الاحاسيس]

نخاف نودعك وتنطق علينا مره ثانيه

اجزم على رايك ياصادق الاحاسيس

افافافافا المستشار

اروح انا قلت اول واحد يبي يعارض المستشار

بس

قاعد ماني رايح


مشكور خيوه على مرورك

[المستشار_2008]

انت رايك ماينعارض عليه
عمرك سمعت احد يقول ليه افلان مات

[ابن رخيص]

ترى المرات الجايه ما راح نصدقك

لأنك صرت مثل القصه اللي كنا ندرسها بالإبتدائي

قصة الراعي اللي يصرخ يقول جاني الذيب
وإذا جو أهل القريه يبيون يفكونه يطلع يكذب
وآخر شي جاه الذيب صحيح ولحد فكه

[حفيد عمر]

انا ماراح ارد عليك لاني دايم ارد عليك ومطنشني اكثر مايكون ردودك للحريم تفديهن فديتك وياقلبي وحنا بخبر كان- ومن لايشكر الناس لايشكر الله

[نجمة سهيل]

جيت طايره أبي أخذ نقاطك قبل ترحل
صادق وش السالفه مايمر يومين الا منشف دم الاعضاء
وش ناوي عليه إعترف
مادري ليش حاسه إنك فرد من عصابه بمنظمه أجنبيه

[صادق الاحاسيس]

انا ماراح ارد عليك لاني دايم ارد عليك ومطنشني اكثر مايكون ردودك للحريم تفديهن فديتك وياقلبي وحنا بخبر كان- ومن لايشكر الناس لايشكر الله

يالبي قلبك

ياحفيد عمر


فديت طلتك

[صادق الاحاسيس]

جيت طايره أبي أخذ نقاطك قبل ترحل
صادق وش السالفه مايمر يومين الا منشف دم الاعضاء
وش ناوي عليه إعترف
مادري ليش حاسه إنك فرد من عصابه بمنظمه أجنبيه

طيب يانجمه انا قلت البنت تبي تسكر الباب على شان مائطلع

ويعني متعرفه علي على طمع

حامض على بوزك ابي اكتب كل شي بسم (احم احم )



نجومه فديتك يالغلا

وعلى طلتك

[سهرانه]

[align=center]
تروح وترجع بالسلامه


[/align]