ليبي سالني: صاموا ليبيا ؟؟!

[رفحاوي]

احد الاخوة الاعزاء من ليبيا اتصل علي ليلة الاحد وجرى بيننا هذا الحوار ...

الليبي: بكرة رمضان بالسعودية ؟!!
رفحاوي: لا ... يبدا الصيام بالسعودية الاثنين
الليبي: فيه احد يصوم بكرة ؟
رفحاوي: ايه مصر واليمن والسودان
الليبي: وليبيا ؟
رفحاوي: خويكم (القذافي) بين نارين ... مصر يصومون يوم الاحد والسعودية يوم الاثنين واتوقع انه يبي يعلن الصيام يوم الثلوث...

الليبي: ههههههههههه يسويها
الليبي: المهم بكرة مر علي عشان نروح لندن نشتري اغراض
رفحاوي: انت تامر امر يا ابن النيل
الليبي: ههههههههههه

[HR]

من اطيب العرب الذين قابلتهم هم الليبيين ...
وحسب الله على الاعلام الساقط الذي فرق بيننا وبين اخواننا وشوه صورهم عندنا ...

[صدى البــوادي]

والله اذا ماتفقنا بهلال رمضان وش بنتفق عليه بالله .
شكرا رفحاوي .

[رفحاوي]

اخوي / صدى البــوادي ...

مهو شرط اخوي اننا نتفق بهلال رمضان (هذا حسب علمي المتواضع)
يعني كل بلد يصوم اذا شاف الهلال
والبلد اللي ما شافه يكمل شهر شعبان 30 يوم

هذا رائي والله اعلم ...
مشكور اخوي على مرورك وتعليقاتك التي اكسبتني هذه اليومين شيئا من الثقة التي افتقدتها من خلال قلة مشاركات الربع ...

[الجنرال]

السلام عليكم ورحمة الله وبركاته.

الهلال مطالع ياخوان....... يعني مو شرط كل الدول بوقت واحد.

رفحاوي شلون ليبي وابن النيل...... ابغى افهمها جزاك الله خير.

وبعدين من ردودك كاني بك موجود خارج المملكه ........ الله يردك بالسلامة((مجرد استنتاج)).

تحياتي لك اخي ومشكور على الموضوع.

[رفحاوي]

اخوي / الجنرال ...

وعليكم السلام ورحمة الله وبركاته ...

الليبيون اكثرهم بدو (يعني مثلنا) واهل مصر حضر وما يعرفون العادات والتقاليد ...
وخويي الليبي اذا بغيت ارفع ضغطه اقول له يا ابن النيل ...
اول كان يعارض ويقول ماني ابن النيل ...
قلت له مصر فيها النيل وانتم عندكم النهر الصناعي واللي اصلا من النيل
يعني انت ابن النيل بس تقليد
وبعدين الرجال استسلم واقتنع وشكله بينه وبين نفسه يقول وش اللي خلاني اتعرف على هالرفحاوي ...

استنتاجك سليم وحنا خارج المملكة موجودين ببريطانيا الصغرى ...
للسعودية غلا خاصة برمضان اذا افطرت مع اهلك واخوانك
وتسمع الاذان وتروح للمسجد وكل من تقابله تقدر تسلم عليه وتسولف معه
وكل شي بالسعودية حلو الله يخليها ويخلي اهلها ويحفظهم من كل شر ...

الله يسلمك
وان شاء الله اجي بعد شهرين
هنا يسوون احتفالات بمناسبة الكرسمس
يقولون لي خويانا هنا لا يفوتك الكرسمس هنا
قلت متعود اقضي الكرسمس برفحاء