من كثر ماشفت بحياتي من انذال... بديت اشك ان النذاله .. فضيلهـ

**صادق الاحاسيس** · 22 Mar 2008, 07:51 PM

إن كنت تنشد يالمسيكـي .. عـن الحـال
مالي علـى .. كتمانهـا عنـك .. حيلـه
الصبر عـن بـوح الاحاسيـس .. قتـال
والبوح فـي بعـض المواقـف ، فشيلـه
لـو كـل مايطـري علـى البـال ينقـال
ماكـان شفـت ان الثقيلـه .... ثقيـلـه
ابطيـت اكافـح ضيقـة البـال بالـبـال
وادفـع بـلا .. هاجوسهـا كـل .. ليلـه
ليـن اقبلـت مثـل .. السحابـه بهمـال
تشفـي غليـل اللـي .. تزايـد غليـلـه
طاحت ، ولاْوفـق مـن حنايـاك منـزال
وابطلبـك .. يابـدر ( تكمـى ) المخيلـه
ان قيل ترعد .. قلهـم : صـوت زلـزال
وان قيل تبرق .. شف لهـا ادنـاة حيلـه
مابـي .. تناقلهـا هـل القيـل والـقـال
وتصير مـن بعـد القصيـره .. طويلـه
يابدر .. ماني عال .. لـو صحتـي عـال
شفنـي مـن الصدمـات نفسـي عليلـه
اشيـل حمـلٍ .. لـو يشيلنـه .. جبـال
الله ، وامانـه .. غيـر تصبـح نثيـلـه
أرمي .. من هموم الزمن .. واسحب أدبال
وانزل عن ( الجوكر ) وغيـري يشيلـه
من كثر ماشفت بحياتي من انـذال ....!!
بديـت اشـك ان النذالـه ... فضيـلـه
ماطاح من عيني رجل ..!! طاحوا .. رجال
ورجال ( يابـن حنيـف ) ماهـي قليلـه
اقرب مـن اللـي قالهـم ضمـن ماقـال
راكان بـن حثليـن .. راعـي الجزيلـه
( هذا .. ولد عمٍ ، وهـذا .. ولـد خـال
وهـذا .. رفيـقٍ مالقينـا .. بديـلـه )
سبحان منهـو يابـدر غيّـر الحـال ..!!
وحـط الجفـا بيـن الخليـل .. وخليلـه
هذا الزمـن يبغالـه .. لسـان دلاّل .. !
من يستحـي هالوقـت .. واعزتـي لـه
وقتٍ به ( الراعي ) غدى .. راعـي دلال
كلٍ على طاريـه .. ينفـض شليلـه ..!!
ومن كان ساسه للـردى مضـرب امثـال
اليوم .. يحسب مـن كبـار القبيلـه ..!!
المال .. يابن حنيف ملعون .. ابو المـال
ذل العزيز .. وعز .. نـاسٍ ذليلـه ...!!

.
.

خلف مشعان
.
.
.

**سعود الشمري** · 23 Mar 2008, 01:29 AM

صح لسان الشاعر خلف

وتسلم على النقل لاهنت

والف شكر

**صادق الاحاسيس** · 23 Mar 2008, 06:31 PM

مشكور

خيوه

سعود على مرورك

العطر

**سنيوره شمريه** · 24 Mar 2008, 03:42 PM

سلمت اناملك

هههههههههههههههههههههههههههههههههههه

شكلي ما راح اترك هالكلمه بس حلله لي

**صادق الاحاسيس** · 25 Mar 2008, 12:37 AM

المشاركة الأصلية كتبت بواسطة *وجد*

ترجمو رجاءً وش تكتبون راعو مشاعر المغتربين عندكم والله اغلب المكتوب ما فهمته

وجد

ويش الي تبين اترجمه لك

ههههههههههههههههه

من عنوني

**ذويبان11** · 25 Mar 2008, 12:56 AM

صح لســــــــــــــــــــــــــــــــــــــــــانك

**صادق الاحاسيس** · 25 Mar 2008, 02:38 PM

صح بدنك

حبيب البي

مشكور

على المرور

**برق الصواااعق** · 27 Mar 2008, 12:39 AM

كم انت رائع ؟

**سهرانه** · 27 Mar 2008, 03:34 AM

[align=center]
سلمت يداك صادق الاحساس

صح لسان الشاعر

[/align]

**المديرالسعودي** · 27 Mar 2008, 10:29 PM

الله لايهينك
بارك الله فيك

**flower** · 28 Mar 2008, 06:07 AM

قصيده رووووووووووووووووووعه

ظلمت في برنامج شاعر المليوووووووووووون

ليته ماقالها عندهم

**صادق الاحاسيس** · 28 Mar 2008, 12:01 PM

مشكورين

على مرورك العطر

الذي زاد من صفحتي جمالأ

اخوكم صادق الاحاسيس

آخر المشاركات

الموضوع: من كثر ماشفت بحياتي من انذال... بديت اشك ان النذاله .. فضيلهـ

أدوات الموضوع

تقييم هذا الموضوع

عرض

من كثر ماشفت بحياتي من انذال... بديت اشك ان النذاله .. فضيلهـ

مواقع النشر (المفضلة)

مواقع النشر (المفضلة)

ضوابط المشاركة