حقائق الشعب السعودي

**الحسن المثير** · 10 Dec 2006, 12:21 PM

حقائق الشعب السعودي

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

حنا السعوديين أحسن المسلمين والعرب .!!

ملاحظة: كل المعلومات الواردة في المقال صحيحه وعلى حسب الإحصائيات.

صحيفة عكاظ - « الدكتور صعب بن محمد الزعيمر الشراري » - 24 / 7 / 2005م

أترك لكم التعليقات فأنتم الأعلم بشبابكم إن كان هذا الكلام صحيح أم خاطئ ولكن نتمى الرد على ماقيل وكتب وشكرا

**الكاشف** · 10 Dec 2006, 02:06 PM

كل ما ذكر صحيح ونذكركم بواحدة نسيتوها / ( حنا أكثر ناس بالعالم توجد عنده الواسطة )

**الهواء** · 10 Dec 2006, 02:11 PM

كلام سليم لاكن جميع الشعوب في العالم فيها ايجابيات وسلبيات

**فلاح ولد منيـرة** · 10 Dec 2006, 06:03 PM

[align=center]الحسن المثير

ههههههههههههههه

فيه معلومات تضحك

وفيه معلومات صحيحه

بس اللي اعجبني

((شختك بختك))

هههههههههههههههههههه

هههههههههههههههههههههه

ههههههههههههههههههههههه

اي والله انه صادق

الزواج عندنا على كلام ووصف اختك وامك

يعني

البنت تمدح فالبنت

والام تمدح فالبنت

وانت يالمعرس يالمسكين

تسبح في الخيال

تقول شكلها كذا

عيونها كذا

شعرها كذا

ولما تجي ساعه الحسم

((يعني بعد انتها الشوط الاصلي والاضافيات))

وتدخل على العروس الا تشوف :

الوجه كانه خرابه طين وطايح السقف

والشعر كانه ((سدره)) ظاربتها عجاج ومطر البارح

والقوام كانه ناقه من نياق ((ام رقيبه))

وهنا اقدر اقول :

ردد ياليل ماطولك

فلاح <<<< انت لاقي تتزوج والحين قاعد تضحك على البنات

هههههههههههههه

ههههههههههههههههههههه

هههههههههههههههههههههههههههه

يسلمووووو على الموضوع الحلوووووووو يا حلووووو[/align]

**ذويبان11** · 10 Dec 2006, 08:01 PM

كلام سليم
في ايجابيات وسلبيات والايجابي اكثر من السلبي

**الحسن المثير** · 10 Dec 2006, 11:06 PM

الكاشف شكرا لمرورك ولتعليقك !!!

**الحسن المثير** · 10 Dec 2006, 11:07 PM

الهواء شكرا لك ولتعليقك !!!

**الحسن المثير** · 10 Dec 2006, 11:11 PM

المشاركة الأصلية كتبت بواسطة فلاح ولد منيـرة

[align=center]الحسن المثير

ههههههههههههههه

فيه معلومات تضحك

وفيه معلومات صحيحه

بس اللي اعجبني

((شختك بختك))

هههههههههههههههههههه

هههههههههههههههههههههه

ههههههههههههههههههههههه

اي والله انه صادق

الزواج عندنا على كلام ووصف اختك وامك

يعني

البنت تمدح فالبنت

والام تمدح فالبنت

وانت يالمعرس يالمسكين

تسبح في الخيال

تقول شكلها كذا

عيونها كذا

شعرها كذا

ولما تجي ساعه الحسم

((يعني بعد انتها الشوط الاصلي والاضافيات))

وتدخل على العروس الا تشوف :

الوجه كانه خرابه طين وطايح السقف

والشعر كانه ((سدره)) ظاربتها عجاج ومطر البارح

والقوام كانه ناقه من نياق ((ام رقيبه))

وهنا اقدر اقول :

ردد ياليل ماطولك

فلاح <<<< انت لاقي تتزوج والحين قاعد تضحك على البنات

هههههههههههههه

ههههههههههههههههههههه

هههههههههههههههههههههههههههه

يسلمووووو على الموضوع الحلوووووووو يا حلووووو[/align]

فلاحووووووووو

الحين تركت كل شي وقفت على هالنقطه هههههههههههههههههههههههههههه
مع اني اخالفك بالراي في هذا الشان احسن شي ماتشوف المره الا بليلة العرس <<<<< عشان تمشي البنات وماتزيد العنوسه ههههههههههههههههه

شكرا لك ولمرورك ولتعليقك

**الحسن المثير** · 10 Dec 2006, 11:13 PM

ذويبان شكرا لمرورك ولتعليقك

**الحسن المثير** · 10 Dec 2006, 11:15 PM

والله مدري شقول

انا قلت بحصل معارضه على هالكلام لان لمن قريت المقاله تعجبت منها لكن الردود لحد الان مؤيده لكلام الدكتور!!!؟؟؟

**البندق** · 13 Dec 2006, 11:32 PM

يعطيك العافيه

**الحسن المثير** · 14 Dec 2006, 12:25 AM

شكرا لمرورك

آخر المشاركات

الموضوع: حقائق الشعب السعودي

أدوات الموضوع

تقييم هذا الموضوع

عرض

حقائق الشعب السعودي

مواقع النشر (المفضلة)

مواقع النشر (المفضلة)

ضوابط المشاركة