سوالف جدتي -- الله يرحمها --

**المرجوجه** · 05 Aug 2002, 04:08 AM

السلالالالالالالالالالام...

قعدت مع الوالده .. أسولف معاها شوي..

قامت قعدت تقول لي على جدتي الله يرحمها .. (( امها )).. تعلمني ايش كان ردها عليهم وهم رافعين ضغطها

مثلا تقول.. لين نادتهم وهي معصبه عليهم .. طيب..

شوفوا ردودهم.. وردود الجده...

.. وهي معصبه منهم ..

لين قالوا .... هاه
قالت .. وجعاه
((

حاجه مثل وجع يوجعكم))

لين قالوا .. نعم..
قالت تنعمت ضلوعكم..
(( يعني لانت ضلوعكم .. بالعربي تكسررررررررت ))

لين قالوا.. لبيه
قالت .. لبة العصا بدنك
(( يعني نزلت عليك العصا وكسرررررررررررررررتك

))

لين قالوا.. يمه..
قالت وحمى
(( يعني حمى !!

.. ))

لا ودايم تقول للبنات بشكل خاص.. كل يوم لازن ينكسر للبنت ضلع..
(( على كذه 12 يوم والبنت خلاص ما فيها ضلوع...!!!

))

هذا بعض أقوال جدتي .. المأثوره في حاله العصبيه..
بس الحمدلله .. امي ما تردد الا الاولى اذا جننتها وما رديت عليها الا بعد مليوووووووون سنه
يعني امي مو على جدتي....
يعني ما ينطبق عليها المثل... اكفي القدر على فمها تطلع البنت لامها..

...

يعطيكم العافيه ...

سلالالالالالالالالالالام....

.....

**الحلوه أم قصه** · 05 Aug 2002, 04:31 AM

لين قالوا.. يمه..
قالت وحمى
(( يعني حمى !! .. ))

مشكوره المرجوجه

مبين انه جدتك الله يرحمها كانت خفيفت دم

**دمعة** · 05 Aug 2002, 05:25 AM

هلا اختى المرجوجه

شكراااا للوالده والله يعطيها العافيه والصحه

وتسلمن

يالمرجوجه

**الدب الداشر** · 05 Aug 2002, 05:52 AM

الله يرحم جدتكي ويعطي والدتك العافيه
شكرا" يامرجوجه

وألف ألف ألف شكر لوالدة مرجوجه (صرت أمون)

على هذاه الردود التي

حفظتها عن ظهر قلب عشان أرد على الهرماني

**المزيونه** · 05 Aug 2002, 06:10 AM

ههههههههه
وجعاه الظاهر كل امهاتنا يقولنها .

الله يرحم جدتك . ويعطي امك الصحه والعافيه .

ونشكرك على التحقيق الصحفي مع والدتك .

**المرجوجه** · 05 Aug 2002, 08:51 AM

هلا فيييييييييييييييييكم

اختي ام قصه..
احم.. تعرفين كل الكلام هذا هاه...؟؟؟ مر علينا ..؟؟؟

اختي دمعه
العفووووو...
ويعطيك الف عافيه ..

هلا فيك اخوي الدب الداشر..
حلو انك حفظتها
بس مو عشان هرطمان .. احفظها عشان عيالك في المستقبل.. طلع عيونهم فيها..

يعطيك العافيه ..

هلا اختي المزيونه...
يعطيك العافيه .. حلوووووه التحقيق الصحفي..

يعطيكم العااااااااافيه وأشكر لكم مروركم...

...

**هرطمان** · 05 Aug 2002, 01:24 PM

الله يرحمها ويسكنها الجنه

اكفي القدر على قدتها تطلع البنت لجدتها .(من عندي المثل)

والله الموضوع اعجبني وفكره حلوه انك تستنتج مثل هالمواضيع

والاخ دبدوب ترى ما احب الدعوات الي تخوف الا حقت الجرب
خبر حماري لهالحين اجرب كل شهر اطليه واضطر الى استخدام الليموزين

**المرجوجه** · 05 Aug 2002, 04:39 PM

حيااااااك اخوي هرطمان..
خطير المثل... هذا مقتبس مع التعديل.. هاه..

يعطيك العافيه اخوي .. وأشكر لك المرور.. حياك......

**أم أحمد** · 05 Aug 2002, 05:39 PM

الله يرحمها ان شالله ويسكنها فسيح جناته

**القعـقاع** · 05 Aug 2002, 05:53 PM

الله يرحم جدتكي ويسكنها الجنه

ويعطي الوالده الصحه والعافيه على المشاركه معنا

بالمنتدى ويطول بعمرها

والظاهر أكثر اساليب جدتكي عند امهاتنا

الله يطول باعمارهن ويخليهن لنا ومشكور

يا مرجوووووووجه على الموضوع

**فواز** · 05 Aug 2002, 07:39 PM

لين قالوا .... هاه
قالت .. وجعاه

أما هذي يا كثر ما سمعت من أمي ...

مشكورة يالمرجوجة ,,,, على هالموضوع الظريف ....

**المرجوجه** · 06 Aug 2002, 12:50 AM

حياكم الله اخواني القعقاع .. فواز..

...

أشكر لكم المرور.. والتعليق...

بس تدرون.. لازم نبطل عناد وشر عشن ما نسمع .. وجعاه هذي..

...

يعطيكم العافيه ..

آخر المشاركات

الموضوع: سوالف جدتي -- الله يرحمها --

أدوات الموضوع

تقييم هذا الموضوع

عرض

سوالف جدتي -- الله يرحمها --

السلام

مواقع النشر (المفضلة)

مواقع النشر (المفضلة)

ضوابط المشاركة