((قصيده)) لراكان بن حثلين ...

[الدب الداشر]

صبحكم الله بالخير جميع

اهدي لكم هذه القصيده

وهي احدى قصائد الشاعر / راكان بن حثلين رحمه الله . شيخ وفارس قبيلة العجمان وقد قالها وهو في المنفى في تركيا ايام أسره ويخاطب في مطلعها (حمزه) وقيل ان حمزه زميل تركي للشيخ راكان او انه من المجاهدين معه في حروب البلقان ..او انه ضابط من العثمانيين



يقول.........

[poem=font="Times New Roman,5,darkblue,bold,normal" bkcolor="transparent" bkimage="backgrounds/19.gif" border="outset,6,blue" type=2 line=1 align=center use=sp num="0,black"]

اخيل يا حمزه سنا توض بارق"="يفري من الظلما حناديس سودها
على ديرتي رفرف لها مرهش النشا"="وتقفاه من دهم السحايب حشودها
فيالله يالمطلوب ياقايد الرجا"="يا عالمً نفسي رداها وجودها
انك توفقها على الحف والهدى"="مادام خضرا ما بعد هاف عودها
وابدل لها عسر الليالي بيسرها"="وجل المشاكل فل عنها عقودها
وافرج لعينٍ لا اقبل الليل كنها"="رمدا وذارفها تغشى خدودها
وكبدٍ من اسقام الليالي مريضه"="عليها من جمر اللهايب وقودها
تقطعت الارماس عنا ولا بقا"="الا وجودٍ دايماً في وجودها
حبيبي ومقصودي لعبده الى عطا"="واهايب افضاله ما تقاس مدودها
فيا حظ من ذعذع على خشمه الهوى"="وتنشى من اوراق الخزاما فنودها
وتيمم الصمان الى نشف الثرى"="من الطّف ولا حادرٍ من نفودها
مع وجه سلفانٍ الى لاح بارق"="نحت له ولو هو نازحٍ من حدودها
ياميةٍ هم مشعل الحرب الى دنا"="حريب ورفت للملاقى بنودها
حريبنا نسقيه كاسٍ من الصدا"="والحبه الزرقا لكبده برودها
وان زارنا سبعٍ يدور لغره"="كفوفه دروعٍ من فجايا صيودها
عبينا لزوراته قراها الى اقبلت"="وخطرنا على زيزومها اللي يقودها
وعقب الطمع ترجع سراياه كنّها"="غيا جملةٍ صفت عليها فهودها
وتغشى قطي الخيل دمٍ لكنّه"="تزيعج (دلا) اولادٍ عطاشى ورودها
وان ثقل اللي في اللقا يروي القنا"="اللي لونيات السبايا سنودها
زعجناه بارقاب المطارق ورادته"="عرجا دوامٍ للجراير ترودها
فإن جر حربيٍ علينا جريره"="صبرنا عليه ايلين نقوى ردودها
فلا قوينا الرد نجزيه مزنه"="حمرا تزلزل في رهقها رعودها
رعدها القهر ومصبب الدرج وبلها"=" وحدبٍ مقابيس البلا في حدودها
بمذلقات الهند والشلف كنّها"="(ألسن سلاقي) متعبتها طرودها
كما مزنةٍ نشت على الجوف واسبلت"="غثا سيلها يملا الحفن من نفودها
والاخرى على (جوده) غثاها لكنّه"="مصاريم زرعٍ في ليالي حصودها
وراهن يوم يقصر الظن دونه"="حظوظ من الله وافقتها سعودها
غزوٍ على البره تذلهب بنا الرشا"="وتقطعت عنا ملفق جرودها
تولفت بدوان نجدٍ وحضرها"="بإعدامنا قامت تجدد عهودها
تولف علينا الذيب والفهد والنمر"="سباعٍ علينا ولفتها اسودها
جمعهم لنا ليثٍ على الدرب جابهم"="فلا عاد نقوى لو بغينا ردودها
كفانا بهم ربٍ له الحمد والثنا"="علينا مدوده ليس تحصى عدودها
لك الحمد يا معبود والشكر والثنا"="وجيهٍ على البيدا نساوي سجودها
ومرٍّ يكفوني مذاريب ربعي"="واتاجر بنفسي واتنومس بزودها
الا الى شفنا عليهم هزيعه"="من دونهم حمر المنايا نذودها
عسى جوادٍ ماتفرّج يصيبها"="شبا مطرقٍ يقطع ملاقي عضودها
وانا ذخيرتهم اليا دبرت بهم"="شعث النواصي والنشاما شهودها
وملفى مساييرٍ الى جو عينوا"="قريشيةٍ يعبا مع الهيل عودها
مع منسف وحايل اليا اقبلوا"="لا علقت ما يحتملها عمودها
ولاّ ردومٍ من ورى الحجز نيّها"="تداوي بها الربع النشاما كبودها
وننثر عليها السمن زود وتعمد"="لشواربٍ تروي القنا في هدودها
والى لفانا مجرمٍ ضده النيا"="كنّه بعيطا نابياتٍ حيودها
الى ضد حمله في متونه وزارنا"="نسفناه عنه ايلين تبرا لهودها
وبالجاه نرخص غالي المال دونه"="ووراه سيوفٍ مرهفاتٍ حدودها
نقلط للعقال بالعقل مثلها"="ونعبا لعيلات المقرد قرودها
ومن دوّر العليا نجازيه بالرضا"="ومن دوّر القصيا نلقّيه كودها
لينه يبدل زجرة الهدر بالرغا"="وقومه تكثّر لطمها في خدودها
هذي عوايدنا لهذي ومثلها"="ونفس الفتى لابده من لحودها
ولاهيب فعل من يدينا بديعه"="سوالف رجالٍ خلفتها جدودها
وصلوا على خير البرايا محمد"="ما لعلع القمري وما هب نودها[/poem]

تمت
وصلى الله على نبينا محمد وسلم



كل الود

من الدب

[الفيلسوف]

صح لسانك ,,,,,,,,,,,,,

[الدب الداشر]

هلاااا والله بالحجي اللي ما تشااافشششششش ...


زين يارجل طلعت مغبر ...


حجي فلفيشن .. صح الله بدنكـ وخلنا نشووووووووفكش

[ليث]

تستاهل الشيـــــــــــــــــــــخه


مشكور دبدوب

[هاجس]

مشكوووووووووووووووووووووووووووووووووور يادب

[الدب الداشر]

تستاهل أم أرررررربع طعش حجي ليث ..

[الدب الداشر]

العفووووووووووووووو حجي هجنجس ..

[مصنف]

لقب الشيخة ماهي لقصيدة مقحم النجدي
اللي من أبياته
أحد على جارة بختري ونوار واحد على جارة صفاة محيفة
حنا نرافي زلة الجار لو جار نضحك حجاجة بالعلوم اللطيفة

أو أنا غلطان

[ابو مشعل]

شكرا لك دبدوب على هذه القصيدة الرائعة

[الدب الداشر]

حجي مصنف .. كم فيه شيخة للقصيد !؟

وشاكر لمرورك العطر ..

[الدب الداشر]

العفووو ابومشعل..