حبيبتي رغم إنك مزاجيه ... بغازلك وغازليني ؟؟

[النشمي عناد]

يابنت الوطن .
يابنت .. أعشقك !
والله والله والله أعشقك !
وأعشقك وأعشقك وأعشقك !
يابنت أحبــك , وأموت فيـــك !
وش فيــــك ؟
مو مصدقه ؟
أطلبي وش تبين ؟
خلك مثل ماعرفتك من يعرفك ماينساك ... مايتركك , يشتاق لك .
أعشقك بعيوبك بكل مافيك ...
أفتخـــر فيك ياحبـــي
بغازلك ... وغازليني . أيتها المزاجيه ... مزاجيتك تذكرني ... بمزاجية دروازة المحكمه .
حبيبتي أحبك وبثبت لك ... أحبك
كثر الحريم اللي مرن على سوق العلاوي .
كثر مالشباب مـــــــروا على بوفية رميش !

كثر ماتضاربنا بسيوف وسكاكين ...
كثر ماسرق بهالديره من حرااااامي ... كثر ماتسجل قضيه ضد مجهوووووول .

أحبك أكثررررر من ذرات التراب ,
كثر ماشوف من قطوف السجائر عند مدخل ثلاجة ثلاجة الموتى ! وعند باب البريد .

كل ماأشوفك أحسك عشقتي حيل مملوحه ... أدري حبيبتي ... عشان بيتكم حول البحيره .
أحرص عليك أكثر من حرص المديرعلى بقاءه رغم أنه مو مؤهل بس عند حصانه
احبك كثر الحُفر والمطبات بشوارعنا .
كثر الزهور اللي زرعوها ... وجوا أهل رفحاء وقطفوها .

عطشيني , أقطعي عن الماء , مثل مياه رفحاء, وأفصلي جميع عداداتي قطعيني ... وعووووفيني تلقيني ميتً فيك .

أناظر لك من بعيد وأنتي ويا .. أهلك وأتحسر ... مثل مايتحسر مواطن يراجع مكتب العمال !

أشوف بعيونك غزل للغير. وأغير مثل غيرة كل عاشق وأزود ؟
بخبيك بالزبنيه , بالحيرا , بفياض قدر , بالحمره , بالجميماء . تدرين (لا) أنتي
بعيوني ... عين فراش وعين غطأ .

زعليني مثل زعل أهل رفحاء على الجمعيه الخيريه أيام المكرمة الملكيه وارجع لك وابوس رأسك واترضى زعلك بمواويلي .وأقول لاتتركيني .

( دوجي ) بي وفرفربي بكل سيارة هندي مظلله وديني وجيبيني وقابليني
يامدللـــه ولاتخافي جهــات أمنيه ... تري الســـواق هنــدي والسياره مظلله .


إطمعي فيني واطلب مني جيب تويوتا ... مثل حالة معلمه زوجها أستغلالي
وشغلي فيه أغنية ... ياهملالي ... ولا أغنية ... ياحلالي يازلالي ... !




شوفي حبيبتي ... تخرب معي دايم , كثر ماتخرب صرفات بنوك رفحاء بس أرضيك بسرعه أسرع من الفني اللي يصلحها !

ولوخصرتيني . وشطفتيني مثل مواطن يراجع الضمان الإجتماعي ثلاث شهور,
والله لاأطلع تقارير طبيه عن حالتي الفعليه , بإني مريض لعلك تعطفين عقب الثلاث شهور.
... حبي ...
أرتاح لك وأوفر لك جو كثر ماأطباء رفحاء مرتاحين , وموفر لهم جــــو.

أنا محتاج لك ومحتاج لدعمك , كثرماهيئة الآمر بالمعروف , تبي تجديد ودعم إداري .

أبنتظرك سنين وسنين كثر ماأهل رفحاء ينتظرون دواااار هالحــــــــريه.

بيعيني , وخوذي علي أرضيـــه وأكتبي عقد النكاح ب (500)
كثر مابعض معارض رفحاء تأخذ من جيوبنا المخفيه !
وراح اشتري لك رضاوه داتسون ب(مائه وعشرين ألف ريال ) ؟
على شان أحسسك بقيمة غلاتك .

حسسيني بكثر الشكاوي ... من حنيني . كثرماتاتي الشكاوي لإشراف
الخووووووات ؟ وكثر ماتحدث مشكلات .

أسعفيني الياشفتيني باأموت فعيونك ... ولاتشيليني بإسعاف المطار يمكن يتعطل فيني وأموت !
لا... ما أموت بس بعيونك أموت .

أرفعي لي صوتك واصدحي به مثل صوت بعض (من ) الأئمه بحـــــــــزتّي المغرب والعشاء ... وأسكتي .. عندما يسكتـــون ويغيبون ومايحضرون باقي الفرائض .

سلميني نبتشيه ووقفيني دوريه ... بالشارع الأصفر, وأوريك شلوووون أقدامي حفت
على شانك يالعسوجيه .

أقصبيني بسكين الحب مثل قصاب أجنبي ! بس أهم شي سمي علي وأذبحيني
ولاتهتمي بكبر أو صغر الضحيه !

أعذريني ودي بك أسافر لكل هالدنيا أسافر .. بس حالف
ما أسافر.. إلا من رفحاء أستخرج جوازي .

حبيبتي ...
فحطي بي وتمشي بي ... وهجولي بي , وقت الفجــــــر بالمحمديه
حزة غرام بيننا . ولامن درويـــــات ؟ تخررررب جـــــو هالعربجيه .

ضيعيني مثل مستقبل بنات المعهد وخريجات هالكليه ... يجيك قلبي يسابق مواطيه .

أدخلي لخصوصياتي مثل مايدخل مشرف الدعم الفني ... وينشر رسالاتي.

أضربي هالسعوده وأضربيها وأضربيها وفزعي كل أبو بنقل واليمانيه وارمي نقابك وانتخيبي ... والله اني لأبيع هالدنيا عشانك وأشتريها .

بضيق غرفة نومك أضيق من الشارع العام منشان أحس بقربنا من بعض ؟
منشاننا تعودنا على الضيق مقبرتنا ضيقه , حدائقنا ضيقه , رفحاء محاصره بشبوك بس أحلى خصر اللي خصرها ضيقه ؟

طيحيني بالمخدر وباصير فيه تاجر ... أكسب حاجتين أنسى حبك ... واصير شيخً فاجر ويجلسوني على المركاء ؟

درسيني في كلية المجتمع منشان أعرف الإخلاص من سعادة عميده .
تبسمي لي وهديني من فراعيني ... أكسبيني مثل هدواء المحافـظ .
غاليتي
شوفي عيوب أهلك وشوفي مزاياهم . وأفخري ب إبراهيم العنزي ... وفواز دايود ... ومسلم المسلم ... وشرعان الشلاقي . حطوا منابر ثقافيه . ولاأنا .... أخبرك من كنتي قريه لين كبرتي شويه وشويه وصرتي بعيوني أكبر وأجمل وأحلا مكان .
أذكريني مثل مانذكر وشلون نتابع مباراة السعويه ...في قناتنا الأرضيه .
أكتبيني ... وأذكريني مع البيب والتابلين والبيذر , وبيوت الطين ,
يوم بن نجر منصوب , نظفيني قلبي مثل نظافة أكا القلوب البيض
من بيت احمد التمياط للدوار للقرو لشارع الأربعين يوم الناس أكثر
مشاعر وإحساس ... يوم الناس أكثر مشاعر وإحساس .

كل هذا واللي فيني أكثـــروأكثــــر ... بس مابي أطول وأوقفك قدامي !
وأعبر عن معاناتي وأحلامي . بسبب حبك نسيت أمي ومسقط راسي (سكاكا ) ونسيت طفولتي فيها وبداية خطواتي ودراساتي وبرأتي ... وذاتي ... في سبيلك ياأحلى بنات الوطن

يــــــارفحـــــــــــــــاء يا (غلاتي ) .

[الدب الداشر]

هنيـــئـــاً لــهــاا هــذا الــــعــشق ..


.
.
.

النــشـــمـي .. شكــراً لك أيها الهائم بالعشق ..


ولكـــن هــــل هـــي مـــزاجـــيــــــّـــة فــــعــــلاً .. !!

[النشمي عناد]

صدقني .... كم هي تستاهل أكثر وأكثر وأكثر ...إلى إيراااان إلى مالا نهايه ؟

شاكررررر لك مرورك الخااااااطف .

[ثلج مشوي]

النشمي شكرا لك على هذا الابداع الرائع


جميل ماسطرت اخي العزيز في محبوبتك


ورائع ماذكرت من ملاحظات موجوده وواضحه للجميع


واتمنى ان تكون محبوبتك من اجمل بنات الوطن


وان تزال جميع ماذكرت من ملاحظات


فهنيا لمحبوبتك بك اخي النشمي


لتسطر بها اجمل الحروووف


تقبل مروري مع شكري وتقديري

[رشراش 2000]

ابو عمر
بسم الله عليك
ابداع وقوة معنى وبعد هدف
دائما متميز يانشمي

معشوقتك بل معشوقتنا جميعا تستحق الكثير قل اللي تبي يابو عمر لعل وعسى ان تحيي

ظمائر من لا يعرفون الحب

دمت سالما اخي الحبيب والله لايحرمنا من ابداعك

[النشمي عناد]

أحس بالإبداع من أشوف معرفك يتذيل موضووووووعاتي

صديقي رشراش 2000 أعادك الله للوطن .

[مرضي بن مشوح]

ماشاء الله عليك ،،،،راااااائع جدا" ،،ضربت عصافير بحجر واحد

بارك الله فيك

[نجمة سهيل]

[align=center]

حين نبدأ الكلام عن من نحب فنحن ننثر أجمل ما يستحق الممدوح ...
رفحاء رغم مزاجيتها وزعلها الشديد في فصل الشتاء
الا انها تحتل مساحه كبيره من الحب في قلوبنا

اللهم أدم علينا الأمن والأمان في أحضان مدينتنا


كم هي جميلة إطلالتك بين تضاريس رفحاء ...
دمت ودام إبداعك[/align]

[النشمي عناد]

جميل ماسطرت اخي العزيز في محبوبتك

ورائع ماذكرت من ملاحظات موجوده وواضحه للجميع

واتمنى ان تكون محبوبتك من اجمل بنات الوطن

هي تستحق لإنها أغلى بنت وطن .



فهنيا لمحبوبتك بك اخي النشمي

لتسطر بها اجمل الحروووف

تقبل مروري مع شكري وتقديري

وهنيئاً لي بالتواصل مع مثلك وشرواك .... بس تواجدك في الموضوع يكفي لو تمر عليه ياثلج مشوي مرور الكرام ...

["الفيصل"]

ابو عمر
جميل هو الهيام بمن تحب

وجميل أن يحتوي الموضوع على أكثر من هدف

وجميل تقرأ رفحاء ماتقوله باتجاهها فهي حتماً ستبادلك العشق وأن لم تبادلك فهي أنانية..

تقبل مر مروري

[زوينة]

النشمي عناااااد ...كاتب مبدع ....موضوعك من أجمل المواضيع التي قرأتها في المنتدى.....

[~ابو ليث~]

أخوي النشمي أنت مبدع بما تعنيه هذه الكلمه
وتستاااااااااااهل رفوحتي ( رفحاء )



حلو أسم الدلع ( قص يدي )

[النجلاء،،،]

[align=center]

كتبت فأبدعت

هنيئاً لمحبوبتك بك

وهنيئاً لك بها[/align]

[الوجين]

ابو عمر موضوعك يستحق الاعجاب والابداع

دمت لنا قلماً وصوتاً يسعى للخير دائماً ..

بارك الله فيك

[سعود الشمري]

اخونا ابو عمر

لاهنت على الموضوع الرائع وادام الله لنا محبوبتنا رفحاء واهلها وحفظهم من كل سوء ومكروه

فارحاء غاليه علينا هي واهلها رغم بعدنا عنها



شكرا لك ياعزيزي لاهنت