نتائج المغازل حسب نظرية فيثاغورس

**سيف الاسلام** · 31 Aug 2005, 01:14 AM

[frame="9 80"]نتائج المغازل حسب نظرية فيثاغورس

المشهد الأول

الولد مشعل ويدلعونه مذوبهم
البنت الفطمي ويدلعونها أيضا الفطمي .. واذا راحوا لخوالهم بجده يسمونها فتو

يدق جوال الفطمي وتنقز تشوف الرقم .. مكتوب ماي لووف كالينق يو .. وتتشقق من فرط الوناسة .. وتروح تشرب مويه .. عشان تضبط صوتها .. وربع ساعة تتنحنح لين بغى يطلع مصيرها الثالثطعش .. ((يشبه الإثنى عشر)) .. عقب ماخلصت من سمكرة الصوت .. الا الجوال خلص من الدق.. وتضطر تروح تدق ..

الفطمي: الوووووووووووووووه

مشعل: اهلين .. يا أحلى الووه (كان مواعدها بشارع الحوامل وماجاب خبرها ودقت عليه)

الفطمي: حياتي وينك .. بسم الله عليك .. وراك ماجيت

مشعل: الا جيت .. انا اللي معه فياقرا

الفطمي: ماشفت فياقرات

مشعل: ايه موزيها بعيد .. أخاف عليها (جاي بكرسيدا حقت واحد من العيال بعد)

جا مشعل .. وشاف الفطمي .. وطلعت بنت حلوة .. وطاحت بذا الخربطه .. مع واحد الضمير عنده مستتر مرفوع بالنصبه الظاهره

مما سبق نستنتج أن:

ملكع + دلخه = ضياع مستقبل الدلخه

***********************

المشهد الثاني

الولد اسمه سليمان ويدلعونه السلمنّه

البنت اسمها ساره ويدلعونها سوسو

كان السلمنه .. ولد ناس ومطخطخ .. يتمتع بغباء قاتل .. حبيب ووسيم .. على نياته .. باختصار دلخ ووسيم .. ومعه فلوس

ساره .. بنت ذهينه .. لعابه .. تحب الإستعراض

كان السلمنه يتمشي هو وامه بالسوق ومر من عند ساره وصديقاتها .. قالت ساره: تتحدوني اليوم اخلي هالحلو يكلمني واسحبه على وجهه بعد؟؟ ..
(ماشاء الله بس قولو)
وفعلا السيد سلمنه ماهي الا سبع ثواني الا هو رايح وطي .. بعد ما مارست عليه ساره اسلوب التخقيق وهو له علاقة طردية .. حسب مبدأ سقراط
(بدا النصب) .. وبعد ما انتهى فاصل الترزز ..
جت اول مكالمه

ساره : اهلين .. ياحلو .. كيفك عيوني انته (انته ذي خلت السملنه .. يصير كنه قرانديزر يوم يتصفق من فيقا فيقا)<< منهو ذا

السلمنه: هاه .. ايه تمام .. اهم شي اني اسمع صوتك .. واقلبيه منيب مصدق اني اكلمك
(كان قاعد جنب المكيف .. ومجهز ورقه فيها كلامٍ كثير .. والهوا طير الورقه وتوهق)

ساره: ليه ياقلبي وحبيبي (يوم قالت حبيبي بدا يكبر خشمه واصيب بانقطاع الرباط الصليبي بكوعه)

السلمنه: احبك .. يا احلى شي

ساره: (وهي تنتظر مشعل يدق على الهاتف الثابت) هاهاهاااااااي .. يعني لو أطلب منك أي شي تسويه؟؟

السلمنه: لو تبين اعطيك ابوي .. عادي

ساره: لا ابيك تسدد فاتورة جوالي .. وبس

وهنا دق مشعل .. على خويته ساره .. والسلمنه .. من الصباحية وهو طاق اللطمه وصاف طابور بالبنك .. يبي يسدد الفاتورة .. وانواع السعابيل من كثر التفكير بساره

مما سبق نستنتج أن:

دلخ + نصابه = حالة تطفير تصيب الدلخ

********************

المشهد الثالث

الولد اسمه خالد
والبنت اسمها مها

تعرفوا على بعض بالنت .. ويدق عليها من التلفون الثابت

خالد : مساء الخير .. يا أحلى طير .. واغلى مها شفتها .. وحبي الأول والأخير..

مها : هاهاااااااااي منتب عاهااااااي! انا كنت امشي مادريت الا نواف التمياط جنبي .. يبيني آخذ رقمه .. رفضت بالأول بس خفت انه يتأثر نفسيا ولا يلعب زين بمباراة الكاس (مصطفى ادريس سبق وشرى ببسي من البقالة اللي بحارتهم)

خالد : يالله عيوني .. أنا بروح الحين عندي موعد الوليد بن طلال يبي سلف <<< (مافيه راعي بقالة الا ويطلبه خمسميه)

مها : وأنا بعد بروح اشوف الخدم والطباخ وش مسوين عشا <<< (أم جيرانهم زارتهم احد المرات ومعها شغالتها واعتبر ذاك اليوم من الأيام التاريخيه)

مما سبق نستنتج أن:

نصاب + نصابه = صواريخ ليس لها نظير
وارانب من كل اتجاه

********************

المشهد الرابع

الولد اسمه مبارك ويدلعونه فؤاد

والبنت اسمها مبروكه ويدلعونها اريج

مبارك .. صاحب الإبتسامة التي لاتمت للجمال بصلة .. ينتظر اتصال صديقته مبروكه .. وهم متواعدين انها تدق على الجوال .. فهو من الذهانه .. كان حاط الجوال على الصامت

والآنسة مبروكه قاعد ترسله مسجات بالجوال تبي تقوله ادق وأسكر والا ادق وترد علي؟

وفي خضم هذه الحالة من الأستدلاخ الجماعي بين الأثنين .. أخيرا قدروا يكلمون بعض .. وفي ذلك اليوم واحد من اللي يشتغلون بالأتصالات اغمي عليه من كثر ما اتصل عليه مبارك..

المهم خلال المكالمه الاولى اتفقوا على انهم يشوفون بعض .. واخيرا شافت مبروكه مبارك .. وحصل اللقاء العاطفي المفعم بكل ماتحمله كلمات الإشتياق من معنى

وكان جمس الهيئه قاعد يناظرهم .. متكي على الكبوت .. يمتع ناظريه بهالمشهد .. وانتهى مبارك وخشته لاصقه بقزازة الجمس من ورا .. ومبروكه بغرفة الهيئه الفرع النسائي..

مما سبق نستنتج أن:

دلخ + دلخه = جمس الهيئه

يعنى الزبده خلكم من هالحركات عشان ماتكون هذي النتايج

م ـ ن ـ ق ـ و ـ ل [/frame]

**جرواني** · 31 Aug 2005, 01:19 AM

[align=center]

المشاركة الأصلية كتبت بواسطة الماضي الجميل

(مصطفى ادريس سبق وشرى ببسي من البقالة اللي بحارتهم)

ههههههههههههههههههههههههه
يقولون يتزحلق على عيال الحاره
مشكور الماضي ولا عدمناك ضحكتني يامال الشام اوووه قصدي الغنيمه[/align]

**سيف الاسلام** · 31 Aug 2005, 01:21 AM

ان شاء الله دوم الضحكة

مشكور على المرور

**الدب الداشر** · 31 Aug 2005, 01:23 AM

هههههههههههههههههههههههههههههههههههههههه

اوخذذذذذ

هذا ولد ابومشعل .. هع هع هع الفاارط

مشكور حجي الزاحف

**سيف الاسلام** · 31 Aug 2005, 01:29 AM

مشكور دبدوب على المرور

**فهد** · 31 Aug 2005, 12:48 PM

هع هع هع هع هع هع هع هع هع هع هع هع هع

هههههههههههههههههههههههههههههههههههه

الله يونسك ونستنا...

جرجر يامال الشام هاه

هع هع هع هع بس لايزعل الرجال

مشكووووووووووور الماضي الجميل على المشاركه التب والله تحفه..إبداااااااااااع

هع هع هع هع هع

**ابو مشعل** · 31 Aug 2005, 12:52 PM

الله يرجك ا لقيت الا مشعل

بس ترا ماهو وليد مهو كفو مغازل

**سيف الاسلام** · 31 Aug 2005, 12:58 PM

اسعدني مرورك يا فهد

**الدب الداشر** · 01 Sep 2005, 03:01 AM

طالع لأبووه

<<<==== يبي يقرد ابومشعل ..

**ليث** · 01 Sep 2005, 05:29 AM

ههههههههههه

مشكووووور

**سيف الاسلام** · 01 Sep 2005, 11:37 AM

مشكورين على المرور

ابو مشعل انا كاني شفت مشعل بس وين الله اعلم =========> افهم

**العزام** · 02 Sep 2005, 01:32 AM

ههههههههههههههههههههههههههههه
هههههههههههههههههه
ههههههههه

كذا القفشات الرايقه

يعطيك العافيه يا قلبي

**سيف الاسلام** · 02 Sep 2005, 01:34 AM

حياك الله

ومشكور على المرور

**هاجس** · 05 Sep 2005, 04:44 AM

منقولك رائع ورائع جدا

ونستنا الله يونسك بالعافيه

مشكووووووووووووووووووووووور

**سيف الاسلام** · 05 Sep 2005, 09:35 AM

ان شاء الله على طول

ومشكور على المرور

آخر المشاركات

الموضوع: نتائج المغازل حسب نظرية فيثاغورس

أدوات الموضوع

تقييم هذا الموضوع

عرض

نتائج المغازل حسب نظرية فيثاغورس

مواقع النشر (المفضلة)

مواقع النشر (المفضلة)

ضوابط المشاركة