رفقا بالقوارير يارجال رفحاء..؟

[عروووبة]

يا رجال رفحاء رفقا بالقوارير
ألم يوصكم الرسول صلى الله عليه وسلم ويقول لكم ( رفقا بالقوارير)

سأخاطب هنا الرجال .
أرفقوا بهن من الذئاب الذين يحيطون بهن
ارفقوا بهن من الفتن التي تحيط بهن
ارفقوا بهن من الذنوب والمعاصي
انتم ولاة الأمر .... فأين الراعي عن الرعية .
ــــــ
استغرب دائما من اخواني ؟
عندما نريدالذهاب إلى السوق يقولوا بعد الصلاة
وبعد الصلاة نلبس ونركب السيارة
لكن الغريب إن اخواني ولا مره قالوا لنا استرن يديكن او رجليكن
يمكن لأنهم تعودوا انهم مايتدخلون ابلبسنا .
أو يمكن لاننا من غير مايقولون لنا حنا نلبس (القفازات والشرابات )
ليه تعودوا الرجال انهم مايتدخلون بلبس اخته او بنته مع انه لوتدخل ابلبسهن كان رحمنا من كثير من الفتن
( واتمنى انهم يتدخلون )
.....
ياإخوان اريد ان أقول لكم شى .
الفتن تحيط بالبنات من كل صوب ولايوجد بينها وبين هذه الفتن إلا الله ثم انتم أيها الرجال
أنا فتاة وسأقول لكم من واقع تجربتي ..
لو يمر من عندي شاب في السوق ويقول عباراة ( جميله وعباراة حب ) للمعاكسه (هده الله )
غصب عنك تحس بإحساس في داخلك لأن الخوف . والحب . والعواطف . غريزة في كل إنسان وأي بنت الوازع الديني عندها ضعيف ستنساق خلف هذا الذئب
ولكن أنا ولله الحمد اراقب الله في كل تصرفاتي .
لاتضنون أني أخاف ان أفعل ذلك خوفاً من أبي أو اخواني أو من أمي أو من أي أحد
لأنه إّن كنت سوف أخاف من هؤلاء فعلا الدنيا السلام
انا أخاف من الله وأراقب الله فهوا الذي بيده الجنة والنار والثواب والعقاب وليس ابن آدم
أنا أستطيع ان أغلق الأبواب وجميع وسائل الفتنة متوفرة معي جوال وانترنت وأذهب إلى الكلية وأخالط أنواع وأشكال من البنات كل هذه فتن تعترضني ولكن (مخافة الله أعظم منها جميعا )
فأنتبهوا لبناتكم
استغرب من بعض الرجال كيف يرضون أن تخرج بناتهم وأخواتهم بهذا اللباس .

انظروا هنا إلى بعض البنات التي شاهدتهن في السوق :
1- العباة فوق الرأس ولكن (مخصرة حتى انها لاتستطيع ان تمشى والله انك ترى تفاصيل جسمها بالكامل .
2- البرقع طايحات بالبرقع اللي نصف الخد طالع ( مايكفيهن العيون )
3-كحل العيون حتى كأنه جايه عرس .
4- عندما ترفع يده علشان تشاور على البضاعة المعلقة في المحل ( كل الذراع يطلع حتى الكوع )
5-بعضهن هداها الله إذا شافت السعودي (من زودالحياء) غطة اعيونه وإذا شافت الهندي عادي وكأن الهندي ماهو رجال .
6- كنت واقفة عند بنات بيني وبينهن متر وكانن يشترن عطرطلع لهن اليمني انواع من العطورات وكان يرش على يديهن وعاد لوتشوفون أيديهن ( ماشاء الله ) انا البنت ألفتن نظري .

قلت لأخوي يرشن عطر حرام
قال :اقول اسكتي بس وش دخلنا
قلت : ( كنت ابى اشوف ردت فعله ) ابى اروح اقولهن حرام
قال : ترى امدك بالسوق هذولي مايستحن تبلشينا معهن . لاوحده منهن ارفعت النقاب تبى تعطر وجهه ولما شافت اخوي نزلت النقاب ( يعني حيا )
اقول لو أخوي ماهو معي كنت على الأقل قلت للبائع انه حرام عليك ترش العطر على يدين الحريم رش على قطعت فاين وخلهن يشمنه . بس راحت على
وياليت كل رجال إذا خذ محارمه للسوق وشرن عطر يقول للعامل كذا تراه ياخذونه عاده
ويكسب اجر النهي عن المنكر.
.....
ومن المواقف اللي شفت وحزة في نفسي
ولد عمره تقريبا بالعشرين واقف مع خواته بعد ماعثر عليهن وكان يسولفون ويضحك كأنهم في بيت ابوهم .
المصيبة احد خواته كان نصف خدودها طالعه من النقاب .والثانية عليها عباة راس واصفة جسمها وكأنه ثوب ماهو عباة .
ويضحك عادي.
للأسف وين الرجوله
هنا المراجل يالي تبون المراجل .

[سيف الاسلام]

تسلمين اختي عروبة على ما تقدمبه من مواضيع متميزة ومفيدة

جزاك الله الف خير

[الدب الداشر]

الله واكبر ..


لله درك اخت عرووبة ..


والنفس كالطفل إن تتركه شاب على *_* حب الرضاع وإن تفطمه ينفطمِ


فهاهي النفس تدنوا إلى التميز ومسايرة الغير ..



أرااك مندفعه ومنفعله ..

فخذي هاذين البيتين ..

هذا الكتاب إليكم والنذير معاً *_* لمن رأى رأيه منكم ومن سمعا
وقد بذلت لكم نصحي بلا دخل *_* فأستيقظوا إن خير العلم ما نفعا


وأيضاً ..

إذا البلاد تغيرت عن حالها *_* فدع المقام وبادر التحويلا

والتحويل بالقلب هنا



أخت عرووبة رغم أن غياابك اللذي دام أقل من 48 ساعه .. إلى أنك لم تغيبي بمواضيعك فلم تذهب معالم مواضيعك عن واجهة المنتدى ..


وفقك الله لما يحب ويرضـى وجزاك كل خير ..

[$الوميض$]

[align=center]


هلابك عروبه,,

اوافقك بكثير من اللي كتبتيه

ولو اني اخالفك ان الحال في رفحاء حيييييييل كويس

بمقارنه بسيطه في اي مدينه اخرى

وكنت اتمنى ان مقالك يكون عام اكثر وموجه لاخوات في عموم المملكه عالاقل..

لكن ابقولك مثال اخرتها البارح في جيان الهايبرماركت اللي في مجمع الظهران الدولي

بصراحه بالنسبه لي مو غريب اي شي شفته لاني مرت علي اشياء اغرب من اللي البارح

بس لما قريت مقالك سويت مقارنه قلت ليتك كنتي البارح في جيان!

وقعدت افكر شممكن انك تكتبين!

وفالاخر خلصت لنتيجه انك راح تخطين اسمى ايات الشكر والعرفان لحشمة بنات رفحاء

وادبهم واخلاقهم اللي مااحد يشكك فيها اكيد

بصراحه عروبه ماودي اسردلكم مشاهد او مواقف حتى لايجيني واحد يحسبني

قاعد اتجنى او اكذب على حساب مقارنات نتيجتها محسومه بدون كلامي

ولاودي البعض هنا ييأس بعد مايعرف وين وصل الحال ببعض بنات السعوديه

عالعموم مشهد واحد من مشاهد لهث الحضاره والعلمنه يغنيك عن الف عيب

قد تشوفينه في مدينتنا الغاليه وهذا مو اني ادافع عن المخصر والضيق وماشابه

بس اقولك انه ولله الحمد باقي حشمه وباقي ادب والا كان رفحاء من زمان تغيرت

وصرنا نشوف اللي تلبس تنوره تحت العباة لفوق الركب مو بس عالركب

ونشوف اللي تلبس قميص النوم حق الزوج تحت العباة وتروح السوق

ونشوف اللي تجلس هي وخوياتها في لوبي فندق تستعرض للشباب الوسيم

مو هم اللي يجونها... واشياء ماراح احد يصدقها لين يشوفها

عالعموم اشكر لك حرصك والله يحفظنا ويستر على بناتنا من كل شر[/align]

[الدب الداشر]

حجي وميض بحسبه بسيطه


لا توزن بنات رفحااء مع غيرهن


فعبااءة الكتف في رفحااء جريمة ,, بينما في الشرقية شيء طبيعي ..


أعتذر للتطفل على الموضووع ..

[عروووبة]

الماضي الجميل / شرفني مرورك وسلمت يداك اللتي دائما تتحفنا بماهو جميل

اخوي الدب / هلا ومرحب فيك تدري ليه منفعله ( البارح رحت للسوق ) ياخوك شفت شي مايعجبني
والله يستر على بنات المسلمين . اخوي يمكن يقل تواجدي على المنتدى بسبب ضروف الدرس ( وفاتورة التلفون ) بس انا دائما معكم .

اخوي الوميض / شكرا لك عل التعقيب عل الموضوع ( ياخوك ) احب رفحا ء ودي تكون بناته احسن بنات
احب المسلمين واتمنى ان ينصلح حالهم لاكن انا ماطلعة من رفحاء سمعت عن مايدور في الأسواق بالمدن الكبيرة والله يصلح حالهم ( وياعلني ماأدوج بذيك السواق )
صحيح رفحا ولله الحمد فيها الخير الكثير وفيها بنات يضرب بهن المثل بالأخلاق .
بس غيرة بنت البلد تحركت فينى وصدق أخوي دبدوب اني كنت منفعله .

[عروووبة]

اخوي دبدوب بالعكس هذاماهو تطفل انا ماطرحة الموضوع إلا علشان تناقشونه وتجدون حل .

[ابو مشعل]

بارك الله فيك اختي عروووبة ونفع بك

لو كل بنت فكرت كما تفكرين لعم خير كثير

اكرر شكري

[فااااارس]

جزاااك الله خير

ومشكوورة على موضوعك ..والشباب ماقصروا

بالمداخلات الرائعة

ومشكوورين جميعاً وعساك على القوة

[واحد ^ مؤدب]

اشهد بالله أنك بنت رجال وأخت رجااال .... الله يجزاك الجنه ويستر على بنات المسلمين أجمعين

ويهدي شباب المسلمين اللهم امين ...

[زين تصفيح]

الله يجزاك بالخير

ويثبتك على ما أنت عليه

وماذكرتي غيض من فيض

نسأل الله السلامة

[الـوافي]

الأخت عرووووبه/

شكراَ على الموضوع فالموضوع يحتاج الى طرح اكبر لأن الأمر والله عظيم وإن كلامك واقعي جداَ

وفيه ملاحظه انتي ذكرتيها وهي الملاحظه رقم ((( 5 ))) فعلا هذا الشيء موجود

ولكن السؤال الذي يطرح نفسه/ أين الغيرة لدى الشباب على اخواتهم؟؟؟

والحمل الاكبر أيضاَ على النساء فأين الحياء الذي تتطبع به المرأه من عادتها؟؟؟

وبعض النساء لا حياء ولا شيء ووجهها مغسول بمرق!!!!

وأقول لمن يأخذ امرأته وهي كاشفه يديها وقدميها

(( إستح من الـلـه))

الدب الداشر/
بالنسبة لعباة الكتف والله بكره تبي تصير شيء عادي برفحاء . . .

$وستبدي لك الايام ما كنت جاهل$

الوميض/لا تظن ان الوضع عادي !!! والله ان الامر خطير جداَ ...صح ان رفحاء اهون من غيرها (وأنا اوافقك الرأي) لكنها مهي هينه

لكثرة المنكرات . . . وحنا ننغر برحمة الله ولا نحاسب أنفسنا ,,,

قبل أقل من اسبوعين جاءت رياح لامريكا ودمرت مدن بأكملها ولكن ماهو السبب؟؟؟؟

السبب هو كثرة المنكرات .. ولانتفاجأ لو اهلكنا الله بالرياح لأن المنكرات طغت على المجتمعات.

عائشه سألت محمد عليه الصلاة والسلام وقالت" أنهلك وفينها الصالحون؟؟؟

قال لهل(نعم اذا كثر الخبث)" وفسر بعض اهل العلم الخبث بـ(الـزنـا)

ومن اهل العلم من قال ان الخبث: (هو كثرة الذنوب والمعاصي) والقول الثاني أصح.


وأعيد الشكر للأخت عروووبه على طرحها للموضووع


ونتمنى من الاعضاء المشاركه.

[رفحاوي]

مشكلة البنات عموما عدم الصبر حتى تتزوج ...

اعرف بنات صبرن ووفقهن الله وتزوجن وهالحين اكثر البنات يحسدنهن ...

لو تعرف البنت ان الرجال اللي به خير ما يتزوج الخفيفة كان تابت وتعدلت لكن للاسف ضعف دين واهل الله بالخير وشباب ضايع ...

[سليمان شعيب]

[align=center]
ههههههههههههههههه

الي أفهمة ياأخت عروبه أن البنات مايمشون الا بخيزران

أختي

كيف تبغين البنات يعقلون والبيت فيه دش وأشرطة أغاني

أختي أذا زالت كلـ هذه العوامل + التربيه الصالحه لعموم العائله ذاكـ الوقت نكون بخير

والان الكل يلاحظ الهيئه مو موجوده بسوق لاالعلاوي ولاالسوق العام

ليش ماسألتي نفسكـ

لاحول ولا قوة الا بالله

أصبح الكل ينجرف الى اليبراليه

نسأل الله السلامه في زمان الفتن

:

لي عودة أن شاء الله[/align]

[عروووبة]

[align=center]إلى جميع الإخوان جزاكم الله خير
وشرفني مروركم


ولازال النقاش جاري ....[/align]