الطريق الى رفحاء .... وصية للاخ / ابو شنب

[رفحاوي]

[ALIGN=JUSTIFY]ابو شوارب كانها سرب عقبان ( هذي اشوى من روس غربان ) ...

اسمح لي اسجل اعجابي الشديد والرخو برحابة صدرك لتقبل راي الغير ... وهذا يدل على اننا كسبنا اخو غالي وعلى مستوى عالي .

بعد تسجيل الاعجاب وقبل تسجيل الجامعات اسمح لي افضفض لك عن منوتي ... اتمنى معي اجازة واول ماحرك من الرياض ينشرح صدري ... واول ما افرق من المجمعة وماسك طريق الحفر يزيد الانشراح ... اول ما الف من اشارة ابو قعر وامسك خط الشمال واول لوحة اشوفه تقول رفحاء 270 كم اضحك ضحكات حليلة ...

يا خليت وراي الحفر والرياض والشرقية وكل هالمناطق اللي تضيق الصدر ومتوجه لاحلى ديرة رفحاء ( الخضراء كما يحلو لابنائها ) ... تجيك ديار الطوالة سلم عليهم وقل الله يرحم ضاري ومحمد ... بعده يبدا مسلسل ديار العز بالتناثر يمين الخط ووراء البيب ... واصل طريقك فلازلت في الطريق الصحيح ...

تجيك شعبة نصاب سلم على وحدة غالية علي كثير هي وعياله لو ان بعضهم خبول بس كرمال عيونه ... عقبه الهباس سلم عليهم ترى نصه من ربعنا اهل الجزيرة بعضهم خذى تابعية وبعضهم ينتظر ...

تابع يالغالي فطريقك سليم لانك مسافر لرفحاء ... يجيك الخشيبي سلم عليهم بعد ترهم من الربع ...قبل 60 كم تحس بنور رفحاء واهل رفحاء ... قبل ما تاصل نقطة الجميماء للتفتيش تشوف على يمينك الجبهان ديرة توه طالعة وشكل اهله رجال سلم عليهم وقل الله الله ببعضكم ...

الان انت على مشارف رفحاء واول ما تدخل رفحاء يجيك شارع كبير كله شجر وفتحات وتلقى به اشارة دايم يقطعونه هالعالم ... هد سرعتك اول ما تدخل وانتبه لا يزرق احد بوجهك ... بعد اسفط عند اغلى واحد برفحاء وسلم لي عليه .

ملاحظة : الطريق مزدوج من الرياض الى رفحاء ( 800 كم ) ما عدى حدود 200 كم سيد واحد .

[/ALIGN]

[ابو شنب]

ياهلا ياهلا برفحاوي
ايه ايه
ابشر لو تبيني اصير سابتكو او النقل الجماعي لسلاماتك انا حاضر
مار من عندنا اغلى من رفحاوي؟!!

بس تاراني مرات ماامشي مع الخطوط ياخوي ينشرح صدري مع البر اخذها قطوع

[رفحاوي]

اخوي الغالي ذو الشنب العالي ... لك كل التهالي ( التهالي كانت هلا بس سمكرته عشان يضبط القاف )..

الف الف الف شكر من هنا لياما تقبل على العاصمة ( رفحاء ) .

اتمنى ما تزعل لاني صورتك على غفلة عقب ما قصيت شواربك وصارن قصار ( شف الصورة تحت ) .




الصورة حدر مهي بهذا ...





هذي الصورة ...