بين دوسري وشمري

**رفحاء82** · 23 Jan 2006, 09:04 PM

[align=center]السلام عليكم ورحمة الله وبركاته

قصه اعجبتني واحببت ان انقلها لكم ...كان هناك رجل يدعى بادي بن ناصر بن علي الحمادين البوزمام المسعري الدوسري صاحب شركة تنقيب للمياه وكان يقوم بالتنقيب عن المياه في منطقة الجوف بالقرب من قرية الرديفه،وكان أميرها هو الشيخ مطير بن مرعيد إبن رمال الشمري أحد شيوخ قبيلة شمر
وحصل على الدوسري حادث مروري ومات معه شخصين،ولما علم الشيخ مطير بن رمال،حضر لدائرة الشرطة وقام بكفالة الدوسري وجميع ما يترتب على القضية ،ولما ذهب بادي إلى قبيلته بوادي الدواسر،أرسل أحد شعراء الدواسر وهو الشاعر عديل بن مسفر الدوسري((خال بادي)) هذه القصيدة للشيخ مطير بن رمال يتشكره على هالمعروف وعلى هالفزعه:

راكب اللـي جاهـزٍ ومجهزينـه
جيب جي بس الكلايف والدلالـي
ينحر اللي فـي محلـه عامدينـه
فرخ شيهان جبى من صوع عالي
جعل أبو ممدوح ربي ما يهينـه
دون بادي قال أنا حالـي ومالـي
شمـر اللـي فعلهـم متوارثينـه
غوش شمر لرفِع بالصوت عالـي
المراجل عندهـم تشـرى ثمينـه
يشترونـه بالحـلال وبالرجالـي
ريف جار البيت والضيف مكرمينه
لابتك (يامطير) ريفٍ بالشمالـي
إن زبنهم جالـيٍ وينـك ووينـه
للخوي يفدونه بـأرواحٍ غوالـي
كم عقيدٍ مـن جـواده طارحينـه
غوش شمر ما يهابـون القتالـي

وقد رد الشيخ مطير إبن رمال الشمري عليه فقال:

مرحبا بالحبيب واللـي مرسلينـه
مرحبا به كل ما طـاريٍ طرالـي
مرحبا باللي عنـا يمّـي بحينـه
مرحبا بالحبيب حيث إنه عنالـي
واجب المرسال بشعفـت سميلـه
تعقر الحايل لد سميـن السبالـي
الواجب يصلـح لقـومٍ فاعلينـه
والشرف له قيمةٍ عنـد الرجالـي
الدواسـر كـل مجـدٍ محصلينـه
ما حلا برباعهم صطـر الدلالـي
حدهم يـوم الحرايـب محتمينـه
فـوق طفقـاتٍ صناديـدٍ اثقالـي
واديٍ كـل القبـايـل هايبيـنـه
باسمهم يعرف بالجنوب وبالشمالي
حادريـنٍ بالخطـر ومسنديـنـه
وإن حصل كونٍ يفكـون التوالـي
ترتع الفاطـر ولا يسمـع حنينـه
دونه اللي مـا يهابـون القتالـي
حالف كود أتبع الحسنـى بزينـه
كـود شـيٍ مـا ينالنـه حبالـي
وأنتم اللي كـل شـيٍ مجربينـه
وأعذروني عن قصوري في مقالي [/align]