من المسؤول ؟؟؟

[سيف الاسلام]

السلام عليكم

كيف الحال يا اعضاء المنتدى

موضوعي باختصار

اليوم رحت لمكتب البريد لارسال اوراقي الى جامعة الملك سعود اللي اتاحت خدمة ارسال ملفات الطلاب في حالة القبول عن طريق البريد الممتاز دون حضور الطالب وعلى حسابها

دخلت على الموظف وقلت له ابي ارسل اوراقي لجامعة الملك سعود

قال الخدمة هذه ماهي متوفرة عندنا

قلت له طيب الجامعة وفرتها ولازم عن طريق البريد الممتاز

قالي انا معك بس المشكلة ماهي من عندنا من عند عرعر ارسلنا لهم ولا ردوا لنا

وجانا قبل طلاب وقلنا لهم مالكم الا عرعر او الحفر

من المسؤول عن عدم توفير الخدمات الضرورية في رفحاء

على فكرة

انا ملاحظ ان عرعر تناشبنا على كل شي حتى لو ما كان لها شغل

اذكر في رحلة كانت تبي تنفذها ثانوية رفحاء لجامعة الملك فهد

وتكفلت بكل شي وجاها الاذن من الجامعة بس باقي موافقة الادارة

ورفضت ... ليش؟؟ ما ندري

اظن ان السالفة فيها حسد




المهم رايكم يا اعضاء بالموضوع

[الدب الداشر]

حجي سيف الإسلام ..

بالنسبة للبريد .. ما أعلم ..

وبالنسبة للرحلة .. فهناك أبعاد كثيرة يجب مراعاتها ..

أذكر أن الشيخ عبدالله الفريح كانت له محاضرة في شيء فقهي أعتقد .. ورفض بحجة أن تخصصه لغة عربية .. والحقيقة السبب مختلف ..

[ورق التوت]

سيف الإسلام ...عرعر لا هي اللي تسمح لنفسه وتطالب ولا هي اللي تعطي الفرصة لغيره .

[الجبل الأخضر]

خدمة البريد الممتاز موجودة برفحاء
واكثر من مره ارسلت اوراق بها الطريقة ؟؟؟
فكيف الموظف يقول ماهي موجودة وهي لها اكثر من ثلاث سنوات

[سيف الاسلام]

خدمة البريد الممتاز موجودة برفحاء
واكثر من مره ارسلت اوراق بها الطريقة ؟؟؟
فكيف الموظف يقول ماهي موجودة وهي لها اكثر من ثلاث سنوات

مو خدمة البريد الممتاز الي اقصدها

خدمة الجامعات اللي انا اقصده

والخدمة هذه ضرورية خاصة ان الرياض بعيدة وضربة مشوار لها

وبعدين جامعة الملك سعود ما تستقبل الاوراق الا عن طريق الخدمة هذه حتى طلاب الرياض انفسهم

[إبداع قلم]

((((((((((((((لنا الله ))))))))))))))

[الوسام]

هههههههههههههههههههه بريدرفحاء لايوجد فيها بريد ممتاز!!!أجل شعندهم فلافل!!!أقول تعال للحفر الله يعينك بس وتدلل ...تحياتي سيف الأسلام

[عبدالملك الشمري]

[QUOTE=الوسام;266520]هههههههههههههههههههه بريدرفحاء لايوجد فيها بريد ممتاز!!!أجل شعندهم فلافل!!!أقول تعال للحفر الله يعينك بس وتدلل ...تحياتي سيف الأسلام[/QUOTEفضحتنا ياسيف الاسلام وشمت فينا الشامتين .

[سعود الشمري]

الله يعين رفحاء موتوها التعبانين الله يموت حظهم ويقصف عمارهم

الله يعينك مالك الا عرعر ولا الحفر شد الرحال لهم