الجامعـي يحلـم// يبـي بدلـة الجـيـش (قصيدة واقعية)

[الدكتور غيم]

الشمس تحرق // حمرة الخـد // بشويـش

حتـى يصيـر اللـون // لـون أستوائـي

والعقـل لآمنـه تبـرأ // مـن الطـيـش

صـار المغفـل فيـه // شبـه انزوائـي

والناس تتعب مـن ورى // لقمـة العيـش

وان حصلـت تعييـن // تلقـاه // نـائـي

دوامك اشبـه // بالسفـر // والمطاريـش

وقبـل دوآم الصـبـح // دآوم مسـائـي

صـرنـا بديرتـنـا مـجـرد دراويــش

ليـن احتوينـا بالضـيـاع // أحتـوائـي

صرنا علـى الدفتـر // مجـرد هواميـش

والوضـع اسـوء مـن حـدود استيائـي

النـاس صـارت ترتشـي // بالبخاشيـش

ياقمـة الـذلـه // وخــدش الحيـائـي

الجامعـي يحلـم// يبـي بدلـة الجـيـش

وشلون أجـل واحـد معـاه // ابتدائـي!!

صرنا نشوف الحلم // طاير// بـلا ريـش

كثيـر منـا صـار شخـص // انطوائـي

ندرس عشان نعيـش// لـو نقـدر نعيـش

صـارت شهايدنـا // كـنـوز الغبـائـي

تجي الـوزاره // تنتظـر // فيـه تفتيـش

(( تعال بكـره )) // والجـواب النهائـي

تجـي لهـم بكـره // يقولـون: مافيـش

عنـد الوزيـر اليـوم // موفـد نسـائـي

تجي لهم بعدين // لو جيـت حتـى أيـش

((عدم دخولـك )) صـار ضابـط وقائـي

توقف يجيك العسكري // وش تبا؟؟ ويش !!

يعنـي مـسـوي تختبـرلـي ذكـائـي!!

ترجع تفكر ( شعبنـا / يندمـر / ليـش؟ )

الكـل منـا صـار طبـعـه // عـدائـي

سؤال يُطـرح // والاجابـات // تطنيـش

حتـى تفكـر فـي // نـزوح انتمائـي !!
الشاعر / ناجي الطرقي الظفيري

[سام شمر]

صح لسانك ولسان الشاعر
ولاهنت يالغالي

[القروي]

[align=center] الحمدلله
الحقيقه تستحق من يضعها مع النقاط الثمان للكاتب القدير الرطيان
التي وردة في صحيفة الوطن السعوديه
انسان يصوّر معانات كثير من المواطنين بقالب فكاهي شعري
ومن حق المواطن ان يبدي عتبه على موطنه كالولد الذي يبدي عتبه على والده
للوطن حق وللمواطن على وطنه حقوق لافضّ فوك ياقائلها وياناقلها مشكورين .[/align]

[الدكتور غيم]

مشكور اخوي القروي على التثبيت

[ذويبان11]

صح لساااانك

[شمري قطري]

صــــــــح لسانك

تقبل مروري