أنا هواي و بس بنت الجزيرة

[نـزفـ الجـروحـ]

[frame="7 80"]يابن الحلال ان طعتني خل الاسراف
واترك جمال الغيد لاهـل البصيـره
الزين موبس في الملامح والاوصاف
الزين روح وعفـه وطيـب سيـره
مانيب من يهـوى سريـا وانصـاف
انـا هـواي وبـس بنـت الجزيـره
بنت الخليج اللي تمـاري بالاعـراف
وحنا نمـاري باسمهـا كـل ديـره
مالي غـرام بقـول وخـا وبالـزاف
اذبحتني عنـد الطرحـه المستديـره
احب قولة ياهـلا وعـل وماخـلاف
من بنت ثوبي بنت الارض النضيـره
اللي تحلاها الظبي حلـو الاطـراف
جمـال فـي عفـه ورقـه وغيـره
واللي بها سحر مهو سحـر عـراف
ياعـل عيـن ماتراهـا ضـريـره
عطف وحنان وذوق في لين الاعطاف
والى كشفـت لثامهـا شفـت أميـره
صعب على اللي بالردي شاف ماعاف
وحلوه على اللـي سنـه الله ضميـره
شمس الى من اشرقت والدجا طـاف
غابت نجومك غصب لو هي كثيـره
السيف مايزهى سوى كـف سيـاف
والخيـل دون حصانهـا مستخيـره
بس أنت دورلك على قـدك لحـاف
وان طعتنـي دور بدلنـا عشـيـره


للشاعر الراحل الامير // طلال آل رشيد رحمه الله ..

[/frame]

[المحكمه]

[align=center]الله يــرحمه ويـسكنه فـي فـسيـح جـناتـه ,,,

"طـلال الرشيـد" شـاعر بمعنى الكـلمه !!

تــميّـز بصدقـه وهــو يكــتـب القصـــايد ، وبذوق اســـلوبه ...


مـــوضوع وافـــي عن الـشاعـر الراحـــل "طلال الرشيـد"

واضــح جهدكـــ عـــليه ,,,

يعــطيكـ ألــــف عــافــيه ,,,[/align]

[القروي]

الحمدلله
غفر الله للامير طلال واسكنه فسيح جناته شاعر فوق التقييم
شكراً على ايراد هذه القصيده .

[نـزفـ الجـروحـ]

الله يعطيكم العافيه وشكرا على مروركم الرائع

[سام شمر]

صح لسانك ولسان الشاعر
والله يغفر للامير طلال واسكنه الله فسيح جناته
والف شكر يالغالي على النقل الرائع وبارك الله فيك

[المديرالسعودي]

نزف الجروح
شكرا لك
رحمه الله

[الدكتور غيم]

[اسيربلاقيود]

غفر الله للامير طلال واسكنه فسيح جناته

وتسلم على النقل الاكثر من رائع

ورحم الله والديك