اغماة

[ابو عبد الملك]

قصيدة للشاعر فلاح الشميلي


الله من قلبٍ همومة تتلــــــــــه == تل الرشا للدلو من قاعة البيــــــر

او تل جيبٍ يوم راعيه تلــــــــه == مرقا سنود وصاح من لمسة القيـر

ماهو سبب طرد الهواء مستزلـة == عنده مناعة من حبال الغناديــــــر

ماهو من اللي طردهن سهمتلـــه == يركض وراهن لين ذاق المحاقيــر

ولاهو سبب ضنكة معيشة وقلة == الحمد للي يسر الرزق تيسيـــــــــر

لاكن سبب دنيا سماها مظلـــــه == عجزت اميز مزنها والاعاصيــــر

دنياك هذه تذهل اللي فطلــــــه == غاراتها تاتي بليا مناذيـــــــــــــــــر

ياكم صحيحٍ مات من غير علــه == ماكمل احلامه وباقي المشاويـــــــر

وجميع ماحاشه بدنياه كلــــــــــه == عثابه اللي يبذر المال تبذيـــــــــــــر

غلفٍ ولاهمه حرامه وحلــــــــه == ولاعاد يسمع قول نصّاح ومشيـــــر

وياكم عزيز ذاق مر المذلـــــــه == مثل الذي باغماة شاف المحاقيـــــــر

شاف الاهانه من عدو يذلــــــــه == ماعاد يندهله بالالقاب ياميـــــــــــــر

دنياك ماتبقا على حالتـــــلـــــــه == لابد يتبع يسرها من معاسيـــــــــــــر

لو طالت الايام في زهوتلــــــــه == امر القدر يحدث للوضاع تغييــــــــر

يالله ياوالي على الخلق كلــــــــه == ترحم ضعيف من سنا النار وتجيـــــر

وتمحا ذنوبه من قوائم سجلـــــه == وعلى الصراط تعبره بالتياسيــــــــر

في يوم ماخلٍ شقا فيه خلـــــــــه == والجاه ماينفع وكثر الدنانيــــــــــــــر

اللى الذي رحمة وليه تظلــــــه == وابليس يقدم سربته في زمهريـــــــر

[الملك الضليل]

اللى الذي رحمة وليه تظلــــــه == وابليس يقدم سربته في زمهريـــــــر


صح لسانك ولسانه ..



قصيده جميله ورائعه تشكرعليها .. لاعدمناك

[kermalk]

أبوعبدالملك ياملا العافيه وصح لسان الشاعر

بارك الله فيك

[الدب الداشر]

ولاهو سبب ضنكة معيشة وقلة == الحمد للي يسر الرزق تيسيـــــــــر

لاكن سبب دنيا سماها مظلـــــه == عجزت اميز مزنها والاعاصيــــر


تسسلم ..

صح لسانك ..

[تربوي]

ابو عبدالملكـ ...
صح لسانكـ ,, ولسان الشاعر ...

[شمـــاليه]

صح لسان شاعرها قصيده جميله جداً
لاهنت..

[ألماس شمر]

ياكم صحيحٍ مات من غير علــه == ماكمل احلامه وباقي المشاويـــــــر

صح لسان الشااعر

ويعطيك العافيه على النقل

[عقارب]

يالله ياوالي على الخلق كلــــــــه == ترحم ضعيف من سنا النار وتجيـــــر

وتمحا ذنوبه من قوائم سجلـــــه == وعلى الصراط تعبره بالتياسيــــــــر



صح لسان شاعرها

ويعطيك العفية على النقل الرئع

[عروووبة]

لاكن سبب دنيا سماها مظلـــــه == عجزت اميز مزنها والاعاصيــــر

دنياك هذه تذهل اللي فطلــــــه == غاراتها تاتي بليا مناذيـــــــــــــــــر

اذهلتنا ورب الكعبه

صح لسانك ولا هنت اخوي

[ابو عبد الملك]

صحّة ابدانكم
وشكراً لكم على ردودكم
وشرفنا مروركم

[نـازف]

قصيدة جزلة لشاعر جزل وصح الله لسانك ولسانه