قصيدة ياسر التويجري في شاعر المليون

[البرنس]

قصيدة ياسر التويجري في شاعر المليون








[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ولدت ساطي ومتغطرس وأحب الخصام=ولا أعترف في إدارة طبع والا مدير

أوجدت نفسي من اللاشي والانعدام=نبذت فالمجتمع لاني صريح وفقير

ماكان تفكيري الا كيف أخطف السنام=والحمد لله خطفت اليوم كل البعير

إن لم يكن مركزي بالصف الاول أمام=ماعاد تفرق معي لو كنت قبل الاخير

الله أكبر ولله البقاء والداوم=وهو الاله الاحدوهو السميع البصير

أخذت من مدرسة أحمد عليه السلام=مالاخذيته من مخاوى وزير وامير

وأخذت من تجربة عبدالعزيز الامام=وش يصنع العلم لاخاواه سيف شطير

واخذت من فلسفة هتلرعدم اللالتزام=وكسبت نفسي وريحت القلق والضمير

وابشرك حالتي دايم على مايرام=من ركعتين الفجر الين بعد الاخير

صحيح عندي تحفظ على بعض الانام=مثل معمر وابو مازن وتوني بلير

لكن انا مااحب اقلل الاحترام=واذهب ضحية طموح الغرب وانا صغير

قومية المسلمين اللي عليها الكلام=راحت معا خالد وعمرو وعلي والزبير

الله ولا ذل والتخوين والانهزام=ياعابدين العروش الوضع جدا خطير

يابو خلف كيف حالك عل حالك تمام=انسى القصيدة وهات علوم اخوي الكبير

شيخ عرفته وتقريبا لي اربع اعوام=يومني اجيه لا جاير ولا مستجير

يشوقني له نشوق الوسم عقب الحيام=في صفرة جوها ماهو بفية هدير

الشيخ ابو خالد محمد عداه الملام=اللي يصير من الاصرارمالايصير

حد الثماله اعزه لاعلي الحرام=اني احبه وحبٍ لودرابه يطير

يطير مثل الوحش لاضف ريشه وحام=وحول على الذايره بالجو مثل المغير

ان الملوك اذا اعطوك حب وغرام=خلوك من سائر الخدام يعني خفير

الا انت ياراعي التقدير والاهتمام=ياللي رحمت الصغير وشلت هم الكسير

اذا البلاط الامير والكنب والرخام=له شاعر يدهله في صبح والا عصير

فانادهلت الثرياوالقمر والغمام=وحولت اداهم طرف مشلحك مالي خشير

كفرت بالناقصه والغدر والانتقام=وامنت باانك حزامي بالنهار العسير

من لايقدر ثباتك مع عكاك الزحام=ماهوبوالله مقدر ويش معاني جرير

يارا س عيطا يمسك البدء قبل الختام=يالنادر اللي على صيد المكارم شهير

يالمهدي المنتظر بالحاجتين الجسام=المدة المسكته والاخذ بيد الضرير

ياسيدي ودي افهق لك ضلوع العظام=واعطيك شي بصدري وانت رجل خبير

اناتراني اعاني نوب من انفصام=يوثرعلى البرمجة في راسي المستدير

واصير احس اني البارود والا الحسام=في ساحة الشعر من تبوك لاقصى عسير

ممايسبب لبعض اعدائي الاحتدام=اللي يحسبون قرض الشعر مثل الشعير

والشعر وان كانه المقصودباول مقام=فالله يرحم ابو الطيب ويرحم زهير

روح التنافس وحب الشيخ والانضمام=ماهي بتعني لدى الكثرة نهاية مصير

والشاعر اللي معه عزوة خوال وعمام=تفداه وايل وترقب مستعدة مطير

والله فلا ينقهروالا يضيق ويضام=لاجاء اللززوالملاقى والقبس والنذير

وجمع الدراهم ماهي باكبر طموح الغلام=اللي جمع من قلوب الناس شي كثير

من حبني رغم تفويتي له الانخدام=واللي كرهني فهذا شخص ملعون صير

دام المعارك صغيره ماعلينا لزام=ينوب عن سيفي البتار اصغرجفير

قرات فيماقراته من بلوغ المرام=اللي ترك شي لله عاضه الله بخير[/poem]


القصيدة منقوله والف شكر للأخ نايف السعود من منتدىجمهور ياسر التويجري على كتابة القصيدة

[ابوعهـــد]

تسلم اناملك التي نقلتا هذه القصيده

وصح لسان الشاعر ياسر التويجري والله ماقصر يوم هستر باللجنه يابردها على قلبي

[ليث]

صح لسااانك ولساااانه


لاهنت اخوي

[ابونايف]

يعطيكم العافيه جميعآ !!!

وصح لسان الشاعر/ ياسر

[flower]

مجنون هذا الشاعر الوايلي

والشعر وان كانه المقصودبـاول مقـام فالله يرحم ابو الطيـب ويرحـم زهيـر



شاعر مبدع

[القروي]

الحمدلله

صح لسانه وسلمت على النقل

[الـوايـلـي]

[]كذا الشعر والا بلاش ( قوه ـ جزاله ـ جراءه ـ ذكاء ـ حضور ـ سرعة بديهه ـ ) حاسهم حوس وانسحب عن اقتدار حتى اللي

بعده داخ المسكين بلا لجنه بلابطيخ الله يكفيه شر الحاسديييييييييييييين هكذا شعراء بني وايل


والشاعر اللي معه عزوة خوال وعمـام ***** تفداه وايـل وترقـب مستعـدة مطيـر

[الحسن المثير]

شكرا لك

يعترف انه مغرور ؟؟ !!

رغم إن الغرور والكبر لله !!

بالغ في مدح الشيخ وجعله اعظم الشيوخ رغم انه لو يروح لشيخ ثاني هم راح يكتب قصيدة مدح وبيمجده <<< نفاق والاسلام حذر المنافقين

يقصد من بالمهدي المنتظر " الشيخ" ؟؟!! استغفر الله

ونعم بقبيلته وبخواله

اما حركته انه ترك اللجنة مو فخر هذا المفروض يحترم الناس اذا يبي الناس تحترمه

عموما الله يوفقه بدنيته ويعطيه الصحه والعافيه

وشكرا لكم

[شمريه قطريه]

صح لسان الشاعر والناقل
ياسر التويجري شاعر ذكي ومتغطرس ويعجبني هذا الشاعر
ولي بعض التحفظات على انسحابه بهذه الطريقه وعندما حاول ان يقبل يد الشيخ محمد بن زايد
والله يوفق ياسر التويجري

[ذويبان11]

صح لسانههههه

[بترفلاي 1984]

يعطيك ألف ألف عافية

[هديل]

ياناس بس القائه بشاعر المليون يجنن

((((العن ابو الثقه والقوة والغطرسه كلها)))))

وبعدين الشاعر يقاس بشعره موباخلاقه

عمركم شفتوا شاعر مشهور وقوي شعره متسنع لازم به ميله....

والدليل المتنبي

عموما مشكور على النقل انا كان ودي اقراها زين من فتره

[وشـــــنوح]

[align=center]السلام عليكم

عندما نمزج دم القصيمي..بالدم البدوي..ينتج لدينا حالة تسمى ياسر التويجري

شاحذ المليون..عفواً شاعر المليون ياسر التويجري .لا يختلف إثنان على شاعريته..
المشاعر تخذل الشاعر احياناً والدليل"كنت يرقه"..وتقبيل اليد"..للأسف ياسر لم يوفق في التعامل مع الموقف..
لكنه نجح في قصيدته وفي شعره..

ضحكت كثيراً عندما سمعت بوجود مقارنه بين شاعر الخليج هو راشد ابن الذيب..
وبين ياسر التويجيريمع احترامي لشاعرية ياسر..فهو كنقطة في بحر ابن الذيب..
وياسر يقلد اسلوب ابن الذيب كثيراً..ويتعلم منه..ويسرق منه..دون علمه

عموماً قصيدة ياسر " ولدت ساطي ..." يستحق عليها الـ 5000,000 ريال ..اللي اخذها[/align]

[همس شاعر]

[align=center]السلام عليكم

عندما نمزج دم القصيمي..بالدم البدوي..ينتج لدينا حالة تسمى ياسر التويجري

شاحذ المليون..عفواً شاعر المليون ياسر التويجري .لا يختلف إثنان على شاعريته..
المشاعر تخذل الشاعر احياناً والدليل"كنت يرقه"..وتقبيل اليد"..للأسف ياسر لم يوفق في التعامل مع الموقف..
لكنه نجح في قصيدته وفي شعره..

ضحكت كثيراً عندما سمعت بوجود مقارنه بين شاعر الخليج هو راشد ابن الذيب..
وبين ياسر التويجيريمع احترامي لشاعرية ياسر..فهو كنقطة في بحر ابن الذيب..
وياسر يقلد اسلوب ابن الذيب كثيراً..ويتعلم منه..ويسرق منه..دون علمه

عموماً قصيدة ياسر " ولدت ساطي ..." يستحق عليها الـ 5000,000 ريال ..اللي اخذها[/align]

كلام سليم

[سهرانه]

[align=center]
سلمت يداك برستيج

حرااااااااااااااام تقولون عن ياسر كذااااااااا

ياسر شاعر واحسن شاعر

اكبر دليل انكم تتكلمون عن الي صار وماتكلمتو عن الكصيده

ياشر ما شحذ من احد شي

تقبيل الي ماقبل يد الا انسان عزيز عليه وصديق له
لماذا نستغرب ان ياسر يقبل اليد وهو شاعر وقال عن نفسه فقير
ومانشوف بالتلفزيون شيوخ يقبلون يدين وهم رازين نفوسهم بديارهم على اقاربهم كيق البعيد

واليرقه كلالالالالالالالالالالام كبير مانت فاهم قصده بالكلمه عشان كذا تنتقدونه
واليرقه عمر من النحله تسقينا العسل

ياسر القاء وشعر وشكل بسم الله عليه
[/align]